Eldəniz Furuddin oğlu Namazov (27 iyun 1978) — Azərbaycan Ordusunun ehtiyatda olan polkovniki, Azərbaycan Xüsusi Təyinatlı Qüvvələrinin keçmiş zabiti, 44 günlük Vətən müharibəsi iştirakçısı
| Eldəniz Namazov | |
|---|---|
| Eldəniz Furuddin oğlu Namazov | |
 | |
| Şəxsi məlumatlar | |
| Doğum tarixi | |
| Doğum yeri | Azərbaycan • Qazax rayonu, Abbasbəyli kəndi |
| Hərbi fəaliyyəti | |
| Mənsubiyyəti |
 Azərbaycan Ordusu |
| Rütbəsi |
 Polkovnik |
| Döyüşlər | Aprel döyüşləri • İkinci Qarabağ müharibəsi • Sentyabr döyüşləri |
| Təltifləri | |
 •  • •  •  •  •  •  •  •  •  • • •  •  •  |
|
27 iyun 1978-ci ildə Qazax rayonunun Abbasbəyli kəndində anadan olub. 1995-ci ildə Şəhid Rəsul Mirzəliyev adına Alpout kənd tam orta məktəbini bitirib. 1995–1999-cu illərdə Bakı Ali Birləşmiş Komandanlıq Məktəbinin "Ümumqoşun" fakültəsində təhsil alıb, "Motoatıcı taqım komandiri" ixtisası üzrə məzun olub.
1999-cu ildə leytenant rütbəsi alaraq motoatıcı taqım komandiri kimi xidmətə başlayıb. 1999–2013-cü illərdə cəbhə bölgəsində motoatıcı və kəşfiyyat bölmələrində taqım/bölük komandiri, dəstə komandiri və bir neçə ön briqadanın kəşfiyyat rəisi vəzifələrində xidmət edib. 2013-cü ildən Xüsusi Təyinatlı Qüvvələrdə xidmətə keçib, 2014-cü ilin mayından cəbhəboyu döyüş tapşırıqlarında iştirak edib, 1–2 avqust 2014-cü il döyüşlərində ağır yaralanıb. Aprel döyüşlərində və 2020-ci il Vətən müharibəsində Murovdağ–Kəlbəcər, Lələtəpə–Cəbrayıl, Füzuli–Hadrut, Xocavənd və Şuşa istiqamətlərində əməliyyatlarda iştirak edib; Kənd Horadiz və Dördçinarın azad olunmasına, eləcə də düşmənin zirehli texnikasının qənimət kimi ələ keçirilməsinə rəhbərlik edib. 2021-ci ildə Laçın və Kəlbəcər ətrafında mühüm yüksəkliklərin alınması əməliyyatlarına, 2022-ci ilin may–iyununda Göyçə–Cermux istiqamətlərində və 12–14 sentyabr döyüşlərində iştirak edib.
- Leytenant — 20 iyul 1999
- Baş leytenant — 24 iyul 2001
- Kapitan (vaxtından əvvəl) — 26 iyul 2004
- Mayor (vaxtından əvvəl) — 23 iyun 2007
- Polkovnik-leytenant — 12 iyun 2014
- Polkovnik — 26 iyun 2019
- 2002 — Ağdam, Yusifcanlı istiqaməti
- 2014 — Ağdam, Nəmirli istiqaməti
- 2020 — Cəbrayıl–Xocavənd (Su-25 bombardmanı nəticəsi, KB travması)
- 2022 — Kəlbəcər, Sərasər dağı (zirehli texnikanın vurulması, KB travması)
- "Azərbaycan Respublikası Silahlı Qüvvələrinin 10 illiyi (1991–2001)" yubiley medalı (2006)
- "Qüsursuz xidmətə görə" 3-cü dərəcəli medalı (2007),
- "Qüsursuz xidmətə görə" 2-ci dərəcəli medalı (2011),
- "Qüsursuz xidmətə görə" 1-ci dərəcəli medalı (2017)
- "Azərbaycan Respublikası Silahlı Qüvvələrinin 90 illiyi (1918–2008)" yubiley medalı (2008)
- "Vətən uğrunda" medalı (2010)
- "Azərbaycan Respublikası Silahlı Qüvvələrinin 95 illiyi (1918–2013)" yubiley medalı (2013)
- "Azərbaycan Ordusunun 100 illiyi (1918–2018)" yubiley medalı (2019)
- "Azərbaycan Respublikası Silahlı Qüvvələri Veteranı" medalı (2020)
- "Qarabağ" ordeni (2020)
- "Cəbrayılın azad olunmasına görə" medalı (2020)
- "Füzulinin azad olunmasına görə" medalı (2020)
- "Şuşanın azad olunmasına görə" medalı (2020)
- "Zəfər" ordeni (2020)
- "Vətən müharibəsi iştirakçısı" medalı (2020)
- "Hərbi xidmətdə fərqlənməyə görə" 3-cü dərəcəli medalı (2021)
Ailəlidir, üç övladı var.
2023-cü ildə "Qazax" Xeyriyyə İctimai Birliyinin "Əliağa Şıxlinski" adına Fəxri Diplomu ilə təltif olunub. Hazırda ehtiyatda olan polkovnikdir.