Elmira Aslanova (3 iyun 1982, Gədəbəy) — azərbaycanlı alpinist, Everest zirvəsinə qalxan ilk azərbaycanlı qadındır.[1] O, həmçinin Kilimancaro, Ojos-del-Salado və Akonkaqua zirvələrinə Azərbaycan bayrağını sancan ilk qadın olmuşdur.[2][3]
| Elmira Aslanova | |
|---|---|
| Doğum tarixi | |
| Doğum yeri | |
| Vətəndaşlığı |
 Azərbaycan |
| Milliyyəti | azərbaycanlı |
| Təhsili | Xarkov Milli V.N. Karazin Universiteti |
| Fəaliyyəti | alpinist |
| Fəaliyyət illəri | 2018–indiyə qədər |
| Tanınır | Everest zirvəsinə qalxan ilk azərbaycanlı qadın |
Elmira Aslanova 1982-ci il 3 iyun tarixində anadan olub. 1989-cu ildə ailəsi ilə birlikdə Ukraynanın Luqansk vilayətinin Karpovo-Krepenko kəndinə köçmüşdür. Bir il sonra ailəsi Sverdolvsk (indiki Doljansk) şəhərinə köçmüşdür.
2000–2005-ci illərdə Xarkov Milli V. N. Karazin Universitetində təhsil almış və ingilis, alman dilləri üzrə filoloq, tərcüməçi, həmçinin ingilis dili və ədəbiyyatı müəllimi ixtisasına yiyələnmişdir.
Elmira Aslanova alpinist fəaliyyətinə 2018-ci ildə Nepalda Torong-La (5416 m) aşırımından keçməklə trekking yürüşü ilə başlamışdır. Daha sonra Tibetə səfər edərək 5600 m hündürlükdə yerləşən Kailas dağının ətrafında koranı tamamlamışdır.[4]
- Kailas dağı, Dolma La aşırımı (Çin, 05.2018) — 5600 m
- Ağrı dağı (Türkiyə, 10.2020) — 5165 m
- Kazbek (Gürcüstan, 07.2021) — 5033 m
- Kilimancaro (Tanzaniya, 11.2021) — 5895 m
- San-Fransisko (Çili, 01.2023) — 6018 m
- Ojos-del-Salado (Çili, 01.2023) — 6893 m
- Akonkagua (Argentina, 02.2023) — 6960.8 m
- Everest (Çin–Nepal, 19.05.2023) — 8848.86 m
- Bazardüzü (Azərbaycan, 31.07.2023) — 4466 m
- Şahdağ (Azərbaycan, 17.09.2023) — 4243 m
8 avqust 2025-ci ildə – Dünya Alpinizm Günündə Elmira Aslanovanı Everest zirvəsinə aparan yoldan bəhs edən "Arzunun dalınca" sənədli filmi təqdim olunmuşdur.[5] Film FICTS kinofestivalında Documentary – Individual Sport kateqoriyasında qalib olmuşdur.[6]
- ↑ "Everest zirvəsinə qalxan ilk azərbaycanlı xanım oldu — Fotolar". Qafqazinfo (az.). 23 may 2023. 28 may 2023 tarixində arxivləşdirilib. İstifadə tarixi: 20 may 2025.
- ↑ "The Himalayan Database, The Expedition Archives of Elizabeth Hawley". www.himalayandatabase.com. 14 yanvar 2025 tarixində arxivləşdirilib. İstifadə tarixi: 28 aprel 2025.
- ↑ "Biz buludların üzərində idik" Arxiv surəti 26 may 2025 tarixindən Wayback Machine saytında — Kaspiy qəzeti
- ↑ "Azərbaycanlıların Everest fəthi günü: İsrafil Aşurlu və Elmira Aslanova". worldinfo.az (az.). 1 yanvar 1970. 20 may 2025 tarixində arxivləşdirilib. İstifadə tarixi: 20 may 2025.
- ↑ ""Following the Dream": Presentation of the film dedicated to Elmira Aslanova took place". SportNews.az (ingiliscə). 8 avqust 2025. İstifadə tarixi: 12 oktyabr 2025.
- ↑ "Фильм об азербайджанской альпинистке победил на кинофестивале в Милане". Media.az (rus). 12 oktyabr 2025. İstifadə tarixi: 12 oktyabr 2025.