Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinElvin Nazim oğlu Paşayev (27 iyul 1983) — Qax Rayon İcra Hakimiyyətinin başçısı.
| Elvin Paşayev | |
|---|---|
Vəzifədədir | |
| 12 noyabr 2025-ci ildən | |
| Əvvəlki | Musa Şəkiliyev |
| 25 noyabr 2024 – 12 noyabr 2025 | |
| Əvvəlki | Arif Seyidov |
| Sonrakı | Vüqar Novruzov |
| Şəxsi məlumatlar | |
| Doğum tarixi | 27 iyul 1983 (42 yaş) |
| Partiya |
|
| Təhsili | |
|
|
|
| Təltifləri |
    |
Elvin Paşayev 1983-cü ildə anadan olmuşdur. Orta təhsilini Şirvan şəhər M. B. İsrailov adına 18 nömrəli təbiət-humanitar təmayüllü məktəbdə almışdır. 2000–2004-cü illərdə Bakı Dövlət Universitetinin Tarix fakültəsində Regionşünaslıq ixtisası üzrə bakalavr təhsilinə yiyələnib.
2004–2005-ci illərdə Azərbaycan Respublikasının Silahlı Qüvvələrində həqiqi hərbi xidmət keçmişdir. Hərbi xidmətdən sonra 2005–2007-ci illərdə Bakı Dövlət Universitetində magistr təhsili almış, 2007–2009-cu illərdə Dövlət İqtisad Universitetində Maliyyə və Kredit ixtisası üzrə təhsilini davam etdirmişdir. 2021–2022-ci illərdə İsveçin Lund Universitetində "Dövlət sektorunda innovasiya", "Şəhər idarəetməsində innovasiya və təbiət əsaslı həllər" proqramı üzrə təhsil almışdır. Çin Xalq Respublikası, Polşa Respublikası Lex Kaçinski adına İdarəçilik Akademiyası, Estoniya Respublikası Şərq Tərəfdaşlıq Mərkəzi və s. kimi tədris müəssisələrində təkmilləşdirmə və ixtisasartırma kurslarından məzun olmuşdur. 2021-ci ildə ABŞ-nin Layihələrin İdarəedilməsi İnstitutunun PMP (Layihələrin idarəedilməsi üzrə peşəkar) beynəlxalq sertifikatını əldə etmişdir. 2012–2016-cı illərdə Azərbaycan Milli Elmlər Akademiyasının A.A.Bakıxanov adına Tarix İnstitutunun doktorantı olmuşdur.[1]
2003-cü ildə Bakıda 1 saylı şəhər Klinik Xəstəxanasında Kadrlar şöbəsində müfəttiş vəzifəsi ilə əmək fəaliyyətinə başlamışdır. 2006–2012-ci illərdə Azərbaycan Respublikası Əmək və Əhalininin Sosial Müdafiəsi Nazirliyi, Əhalinin Sosial Müdafiəsi Mərkəzində baş məsləhətçi, sonra Nazirliyin Aparatında Kadrlar şöbəsində baş məsləhətçi və sektor müdiri kimi vəzifələrdə fəaliyyət göstərmişdir. 2012–2018-ci illərdə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi Aparatının İnsan resursları və təlim şöbəsinin müdir müavini, daha sonra şöbə müdiri vəzifəsində çalışmışdır. 2018–2022-ci illərdə Azərbaycan Respublikası Kənd Təsərrüfatı Nazirliyi Aparatının İnsan resurslarının idarəedilməsi şöbəsinin müdiri və həmin nazirlikdə — Aparat rəhbərinin müavini, İnsan resurslarının İdarə edilməsi və Elm, təhsil və İnsan resursları şöbələrinin müdiri vəzifələrində çalışmışdır. Bununla yanaşı Elvin Paşayev 2014–2019-cu illərdə Azərbaycan Respublikasının Prezidenti yanında İdarəçilik Akademiyasında saat hesabı müəllim kimi də fəaliyyət göstərmişdir.
Ailəlidir, 3 övladı var.[2]
2002-ci ildən Yeni Azərbaycan Partiyasının üzvüdür.
Azərbaycan İnsan Resursları Assosiasiyası İctimai Birliyinin (AİRA) təsisçilərindən biridir. Dövlət qulluğunun Baş müşaviridir.
Azərbaycan Respublikası Prezidentinin 25 iyul 2022-ci il 3388 saylı Sərəncamı ilə Elvin Nazim oğlu Paşayev Göygöl rayon İcra Hakimiyyətinin başçısı təyin edilmişdir.[3][4]
Azərbaycan Respublikasının Prezidenti İlham Əliyevin 12 noyabr 2025-ci il tarixli sərəncamı ilə Göygöl Rayon İcra Hakimiyyətinin başçısı vəzifəsindən azad olunub,[5] Prezidentin digər sərəncamı ilə Qax Rayon İcra Hakimiyyətinin başçısı təyin edilib.
- "Dövlət qulluğunda fərqlənməyə görə" medalı, Azərbaycan Respublikası Prezidentinin 2020-ci il 23 iyun tarixli 2116 saylı Sərəncamı ilə təltif edilib.[6]
- "Heydər Əliyevin 100 illiyi (1923–2023)" yubiley medalı, Azərbaycan Respublikası Prezidentinin 2024-cü il 2 fevral tarixli 4289 saylı Sərəncamı ilə təltif edilib.[7]
- "Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin 10 illiyi (2012–2022)" yubiley medalı ilə təltif edilib.[8]
- "Azərbaycan Respublikası Minatəmizləmə Agentliyinin 25 illiyi (1998–2023)" yubiley medalı ilə təltif edilib.[9]
- ↑ "Arxivlənmiş surət". 18 avqust 2022 tarixində arxivləşdirilib. İstifadə tarixi: 18 avqust 2022.
- ↑ "Göygölün 39 yaşlı icra başçısı". 8 iyul 2023 tarixində arxivləşdirilib. İstifadə tarixi: 27 iyul 2022.
- ↑ "Göygölün yeni icra başçısı". 8 iyul 2023 tarixində arxivləşdirilib. İstifadə tarixi: 27 iyul 2022.
- ↑ "Arxivlənmiş surət". 27 iyul 2022 tarixində arxivləşdirilib. İstifadə tarixi: 18 avqust 2022.
- ↑ "E.N.Paşayevin Göygöl Rayon İcra Hakimiyyətinin başçısı vəzifəsindən azad edilməsi haqqında Azərbaycan Respublikası Prezidentinin Sərəncamı". 12 noyabr 2025 tarixində arxivləşdirilib. İstifadə tarixi: 12 noyabr 2025.
- ↑ "Göygöl Rayon İcra Hakimiyyətinin saytı". 22 iyun 2022 tarixində arxivləşdirilib. İstifadə tarixi: 18 avqust 2022.
- ↑ "Arxivlənmiş surət". 29 mart 2024 tarixində arxivləşdirilib. İstifadə tarixi: 29 mart 2024.
- ↑ "Elvin Paşayev yubiley medalı ilə təltif edilib". BAKU.NEWS (az.). 22 aprel 2024 tarixində arxivləşdirilib. İstifadə tarixi: 22 aprel 2024.
- ↑ "Business Time saytı". Business Time. Archived from the original on 10 yanvar 2025.