Elxan Oqtay oğlu İbrahimov (1982, Bakı) — Nəsimi Rayon İcra Hakimiyyətinin başçısı ( 12 noyabr 2025 — 29 dekabr 2025).
| Elxan İbrahimov | |
|---|---|
| 12 noyabr 2025 – 29 dekabr 2025 | |
| Əvvəlki | Asif Əsgərov |
| 18 fevral 2022 – 12 noyabr 2025 | |
| Əvvəlki | Ceyhun Cəfərov |
| Sonrakı | Elşən Həsənli |
| Şəxsi məlumatlar | |
| Doğum tarixi | 1982 (43–44 yaş) |
| Doğum yeri | |
| Partiya | |
| Təhsili | |
| Fəaliyyəti | dövlət xadimi |
1982-ci ildə Bakı şəhərində anadan olmuşdur. 2003-cü ildə Azərbaycan Kooperasiya Universitetini maliyyə və kredit ixtisası üzrə bakalavr, 2005-ci ildə magistr üzrə bitirib, daha sonra Stokholm İqtisadiyyat Məktəbində təhsil almışdır.
Yeni Azərbaycan Partiyasının üzvüdür. İngilis və rus dillərini bilir. Evlidir, 3 övladı var.
Əmək fəaliyyətinə 2006-cı ildə Azərbaycan Kooperasiya Universitetində müəllim kimi başlayıb. Sonralar “Holiday Inn Baku Airport ” otelində, “Baker Tilly” audit şirkətində, “Embawood” şirkətlər qrupunda və digər holdinqlərdə maliyyə sahəsi üzrə rəhbər vəzifələrdə çalışıb. 2020-ci ilin aprel ayından Şamaxı Rayon İcra Hakimiyyəti Başçısı Aparatında Başçının müavini, sosial-iqtisadi inkişafın təhlili və proqnozlaşdırılması şöbəsinin müdiri vəzifəsində işləyib.[1]
Azərbaycan Respublikasının Prezidenti cənab İlham Əliyevin 18 fevral 2022-ci il tarixli Sərəncamı ilə Kürdəmir Rayon İcra Hakimiyyətinin başçısı vəzifəsinə təyin olunub.[2]
Azərbaycan Respublikasının Prezidenti İlham Əliyevin 12 noyabr 2025-ci il tarixli sərəncamı ilə Kürdəmir Rayon İcra Hakimiyyətinin başçısı vəzifəsindən azad olunub,.[3] Prezidentin digər sərəncamı ilə Bakı şəhəri Nəsimi Rayon İcra Hakimiyyətinin başçısı təyin edilib.[4]
Azərbaycan Respublikasının Prezidenti İlham Əliyevin 29 dekabr 2025-ci il tarixli Sərəncamı ilə Bakı şəhəri Nəsimi Rayon İcra Hakimiyyətinin başçısı vəzifəsindən azad olunub[5] Beləliklə 2-ci dəfə cəmi 47 gün icra başçısı olub.[6]
- ↑ "Bir aylıq icra başçısı olan Elxan İbrahimov kimdir?". www.bakupost.az (az.). 29 dekabr 2025. İstifadə tarixi: 7 yanvar 2026.
- ↑ E.O.İbrahimovun Kürdəmir Rayon İcra Hakimiyyətinin başçısı təyin edilməsi haqqında Azərbaycan Respublikası Prezidentinin Sərəncamı. Tarix: 18.02.2022
- ↑ E.O.İbrahimovun Kürdəmir Rayon İcra Hakimiyyətinin başçısı vəzifəsindən azad edilməsi haqqında Azərbaycan Respublikası Prezidentinin Sərəncamı. Tarix: 12.11.2025
- ↑ E.O.İbrahimovun Bakı şəhəri Nəsimi Rayon İcra Hakimiyyətinin başçısı təyin edilməsi haqqında Azərbaycan Respublikası Prezidentinin Sərəncamı.Tarix: 12.11.2025
- ↑ E.O.İbrahimovun Bakı şəhəri Nəsimi Rayon İcra Hakimiyyətinin başçısı vəzifəsindən azad edilməsi haqqında Azərbaycan Respublikası Prezidentinin Sərəncamı. Tarix: 29.12.2025
- ↑ "Prezident işdən çıxarılan icra başçısından danışdı - Unikal.az". unikal.az. İstifadə tarixi: 7 yanvar 2026.