Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinEmpire — Böyük Britaniyada nəşr olunan, əsasən kino sənayesinə, xüsusilə də populyar filmlər və aktyorlar haqqında məqalələrə həsr edilmiş aylıq jurnal. Nəşr ilk dəfə 1989-cu ilin iyul ayında çıxmış və bu günə qədər dünyanın ən tanınmış film jurnallarından biri hesab olunur. Jurnal Bauer Media Qrupu (ing. Bauer Media Group) nəşriyyat şirkətinə məxsusdur.
| Empire | |
|---|---|
_logo.svg){kind=logo} | |
| Təsisçi | |
| Təsis tarixi | 1989 |
| Ölkə | |
| Dil | ingilis dili[1] |
| ISSN | 0957-4948 |
|
empireonline.com empireonline.com |
|
Empire jurnalı 1989-cu ildə Berri Mak İlhini (ing. Barry McIlheney) və Devid Hepvört (ing. David Hepworth) tərəfindən təsis edilmişdir.[2][3] Məqsəd, kinonu yalnız sənət kimi deyil, həm də əyləncə və populyar mədəniyyət hadisəsi kimi təqdim edən, geniş oxucu kütləsinə yönəlmiş bir nəşr yaratmaq idi.[3]
Jurnalın ilk buraxılışı 1989-cu ilin iyul ayında çap olunmuş və üz qabığında "Betmen" filmi ilə tanınan aktyor Maykl Kitonun şəkli yer almışdır. İlk illərdən etibarən Empire jurnalı kino həvəskarları, prodüserlər və tənqidçilər üçün əsas mənbələrdən birinə çevrilmişdir.[4]
1990-cı illərin ortalarından etibarən jurnal yalnız Böyük Britaniyada deyil, həm də beynəlxalq miqyasda tanınmağa başlamışdır.[2] 2000-ci illərdə Avstraliya, ABŞ, Rusiya və Hindistan kimi ölkələrdə yerli versiyaları nəşr olunmuşdur.[3]
Empire kinoya dair analitik məqalələr, tənqidlər, rejissor və aktyorlarla müsahibələr, eləcə də kino sənayesinin "pərdəarxası" haqqında reportajlar təqdim edir. Jurnal həm blokbaster filmlərə, həm də müstəqil kino layihələrinə yer ayırır.[5]
Məzmun bölmələrinə aşağıdakılar daxildir:[6][7][8]
- Kino müsahibələr: Hər növ janrdan yeni filmlərin peşəkar tənqidi.
- Xüsusi reportajlar: Film istehsalı, çəkiliş prosesi və kino festivalları barədə yazılar.
- Reytinqlər: Məşhur olan "Empayrın 500 Ən Böyük Filmi" (ing. Empire's 500 Greatest Movies of All Time)[9][10] və "100 Ən Böyük Film Personajı (ing. The 100 Greatest Movie Characters)"[11][12] kimi siyahılar.
- Müsahibələr: Tanınmış aktyorlar, rejissorlar və ssenaristlərlə eksklüziv söhbətlər.
Empire həmçinin film fanatları üçün yumoristik və sarkazm tərzində yazılmış qısa yazıları ilə də tanınır.[13]
Empire jurnalının rəsmi vebsaytı 1996-cı ildən fəaliyyət göstərir. Sayt kino xəbərləri, treylerlər, müsahibələr və rəylər təqdim edir. 2010-cu illərdən etibarən Empire mobil tətbiqlər və sosial media hesabları vasitəsilə onlayn fəaliyyətini genişləndirmişdir.
1996-cı ildən başlayaraq 2018-ci ilə qədər jurnal Empire mükafatları (ing. Empire Awards) adlı illik mükafat təqdim etmişdir. Bu mükafat oxucuların səsi ilə müəyyən olunmuş və ən yaxşı film, rejissor, aktyor və digər kateqoriyalar üzrə qaliblərə təqdim edilmişdir.
Empire mükafatları, həm tənqidçilərin, həm də tamaşaçıların baxışını birləşdirən nadir kino mükafatlarından biri olmuşdur. Mükafatlandırma mərasimləri London şəhərində keçirilirdi.[14]
Empire film tənqidçiləri və oxucular arasında etibarlı və balanslı yanaşması ilə tanınır. Jurnalın yazı üslubu həm peşəkar tənqidçilərə, həm də adi film həvəskarlarına xitab edir.
Empire jurnalının reytinqləri və siyahıları tez-tez digər media orqanları tərəfindən istinad kimi göstərilir. Məsələn, "Empire jurnalının 500 Ən Böyük Filmi (ing. The Empire 500 Greatest Movies of All Time)" siyahısı kinosevərlər arasında ən nüfuzlu reytinqlərdən biri hesab olunur.
Empire jurnalının müxtəlif illərdə fəaliyyət göstərmiş baş redaktorları aşağıdakılardır:
- ↑ 1 2 3 The ISSN portal (ing.). Paris: ISSN International Centre, 2005. ISSN 0957-4948
- ↑ 1 2 Thomas, Phil. "Editors: Phil Thomas". Inside Empire. 2009. 22–24.
- ↑ 1 2 3 McIlheney, Barry. "Editors: Barry McIlheney". Inside Empire. 2009. 8–10.
- ↑ Collins, Andrew. "Editors: Andrew Collins". Inside Empire. 2009. 38–40.
- ↑ Sciretta, Peter. "Empire's The 100 Greatest Movie Characters of All Time". SlashFilm. 1 dekabr 2008. 16 sentyabr 2016 tarixində arxivləşdirilib. İstifadə tarixi: 20 avqust 2016.
- ↑ "Steven Spielberg". Empire (The Directors Collection). 2001.
- ↑ "The Greatest Movie Characters of All Time". Empire. 29 iyun 2015. 20 avqust 2016 tarixində arxivləşdirilib. İstifadə tarixi: 20 avqust 2016.
- ↑ "Star Wars' triumph in best movie poll". BBC News. London. 23 sentyabr 2001. 27 sentyabr 2015 tarixində arxivləşdirilib. İstifadə tarixi: 26 sentyabr 2015.
- ↑ "The 301 Greatest Movies of All Time". Empire. No. 301. iyul 2014. 67–115.
- ↑ "Empire's 500 Greatest Movies of All Time". Empireonline.com. 2008. 4 noyabr 2015 tarixində orijinalından arxivləşdirilib. İstifadə tarixi: 4 yanvar 2025.
- ↑ "The 100 Greatest Movies". 6 iyul 2018 tarixində arxivləşdirilib. İstifadə tarixi: 20 mart 2018.
- ↑ "The 100 Greatest Movies". 23 yanvar 2023.
- ↑ Cochrane, Emma. "Editor's Letter". Empire (The Greatest Sci-Fi Movies Ever). 2001. səh. 6.
- ↑ "The Jameson Empire Awards 2009". Empireonline.com. 25 oktyabr 2012 tarixində orijinalından arxivləşdirilib. İstifadə tarixi: 16 oktyabr 2012.
- ↑ Turvill, William. "Time Out New York editor-in-chief Terri White to take charge of Empire". Press Gazette. 2 sentyabr 2015. 13 aprel 2017 tarixində arxivləşdirilib. İstifadə tarixi: 12 aprel 2017.
- ↑ "Terri White: 'If I hadn't had my baby I would still be editing Empire now'". Press Gazette.
- empireonline.com — Empire rəsmi saytı – official site
- Şablon:Discogs label