Ermənistan–Livan münasibətləri

2006-cı ildəki İkinci Livan müharibəsi zamanı Ermənistan Livana humanitar yardım göndərmişdir: dərmanlar, ilk yardım ləvazimatları və s^[1].

12 may 2000-ci ildə Livan Parlamenti Qondarma Erməni Soyqırımının tanınmasına səs verir. Livan qondarma soyqırımı tanıyan ilk ərəb dilli ölkə olur^[2].

Livandakı erməni icmasının bir neçə siyasi partiyası var. Livandakı EİF Dashnaktsutyun Partiyası hazırda hökumətdə və 8 Mart koalisiyasındakı ən böyük erməni partiyasıdır. Bununla birlikdə 14 mart müxalifət koalisiyasını dəstəkləyən partiyalar da var. Ölkələr arasında viza rejimi yoxdur.

Livanda onlarla erməni məktəbi, universiteti, uşaq bağçası və müxtəlif müəssisələr var. Burc Hamod ermənilərin Beyrutun ən sıx məskunlaşdığı bölgələrdən biri hesab olunur. Həm də ermənilər ölkənin əhalisi baxımından ikinci ən böyük milli azlığıdır. Ermənistan və Livan, Ermənistan Prezidenti Serj Sarkisyanın Baabda Sarayına rəsmi səfəri zamanı prezident Mişel Süleyman da daxil olmaqla bir çox Siyasi Xadimin görüşündə iki ölkə arasında viza rejiminin ləğv edilməsi barədə müqavilə imzalamışlar.

Ermənilər Livan əhalisinin 4% təşkil edir. 140–165 min nəfər sayı olan Livan erməniləri ölkənin ikinci ən böyük milli azlığıdır. Livan ermənilərinin diasporu kiçik olmasına baxmayaraq erməni disporunun həyatında ən fəal yerlərdən biri tutur.

Livandan Ermənistana və Azərbaycanın işğal altındakı Qarabağ torpaqlarına kütləvi kütləvi erməni köç həyata keçirilir. Ermənistan KİV-ndə 2020-ci ilin iyul-avqust ayları ərzində toplan 1300 erməni Livandan Ermənistana gəldiyi məlumat verilib. Livan ermənilərinin bir qismi Azərbaycanın işğal altındakı Xankəndi, Şuşa şəhərlərinə, Laçın və Kəlbəcər rayonlarının ərazisinə yerləşdirilir^[3]. İkinci Qarabağ müharibəsi zamanı Livanda yaşayan ermənilər könüllü şəkildə erməni tərəfində vuruşmaq üçün münaqişəyə qatılmışlar^[4]. Livandan münaqişəyə qatılanlar arasında çoxlu sayda muzdlunun olması belə qeyd edilir^[5]