Etelvin (anqlosaks. Æthelwine; X əsr – 992) — Şərqi Anqliya eldormeni və X əsrin sonlarında İngiltərə krallığının aparıcı zadəganlarından biri. O və eləcə də onun qohumları haqqında əsas məlumat mənbəyi Birhtfert tərəfindən tərtib olunan Osvald Vusterliyə aid agioqrafiya əsəridir. 969-cu ildə Etelvin Ramsi abbatlığının təməlini qoymuşdur[1] və Birhtfert ilə Ramsi abbatlığının keşişləri onu "Dei amicus" (tanrının dostu) kimi tanıyırdılar, lakin qonşu İli abbatlığının rahibləri onu torpaqlarını ələ keçirmiş bir düşmən kimi görürdülər.
Onun valdeyinlərinin adları Etelstan Yarı Kral və Elfvinn idi. O, çox güman ki yaşça qardaşı Etelvalddan kiçik idi, çünnki məhz sonuncu 956-cı ildə öz istəyi ilə səlahiyyətlərini dayandıran atasınının xələfi oldu. Görünən odur ki, 962-ci ildə vəzifə qardaşından Etelvinə keçdi. O, Uinçesterdəki Yeni monastır və Ramsi abbatlığının xeyriyyəçisi idi.
Kral Edqarın ölümündən sonra Etelvin Osvald Vorçesterli və Dunstan ilə birlikdə Edqarın böyük oğlu Eduardın öndə gedən tərəfdarlarından biri idi, onun tutduğu bu mövqe onu keçmiş baldızı dul kraliça Elftrita və Mersiya eldormeni Elfherə qarşı müxalif idi. Edvardın qısa hakimiyyəti dövründə baş verən monastır əleyhinə reaksiya zamanı Etelvayn rahiblərin qəti tərəfdarı kimi təsvir olunur, lakin tarixi qeydlər göstərir ki, o, kral hökumətinin zəifliyindən istifadə edərək İli rahiblərini torpaqlarından məhrum etmişdir.
983-cü ildə Elfherin ölümündən və 984-cü ildə Vinçester yepiskopu Etelvoldun ölümündən nəticələnən kraliça-ananın saraydan uzaqlaşmasından sonra Etelvin gənc kral Etelredin sarayında aparıcı zadəgan fiquru oldu. Ehtimal olunur ki, onun 992-ci ildə vəfatından sonra Etelredin sərbəst hakimiyyət dövrü başladı.
Etelvinin ölümü Anqlosaks salnaməsində qeyd olunub. Birhtfertin verdiyi əlavə məlumatlara əsasən, Etelvin uzun sürən xəstəlikdən əziyyət çəkirmiş və Ramsi abbotu Germann və Alfec (sonradan Kenterberi arxiyepiskopu olmuşdur) onu həyatının son anında ziyarət etmişdilər. Onun qalıqları Ramsiyə köçürüldü və orada dəfn olunmazdan əvvəl rahiblər gecə boyu cəsədin şərəf keşiyini çəkdilər.
Etelvinin arvadının adı qeydə alınmasa da, üç oğlunun adı məlumdur. Birhtfert bu mövzuda "Eduard" adını çəkir, Leofrik adlı başqa bir oğlu 986-cı ildə vəsiyyətnamənin şahidi olmuş kimi görünür, Etelvard isə 1016-cı ildə Assandun döyüşündə Dəmirböyürlü Edmund uğrunda döyüşərkən öldürüldü.
- ↑ Pope, Janet M. Harper-Brill, Christopher (redaktor). "Monks and Nobles in the Anglo-Saxon Monastic Reform". Anglo-Norman Studies: Proceedings of the Battle Conference. Woodbridge, UK: The Boydell Press. XVII. 1994: 166, 170. ISBN 0-85115-606-1.
- Campbell, John; John, Eric; Wormald, Patrick, The Anglo-Saxons, London: Phaidon, 1982, ISBN 0-14-014395-5
- Fisher, D. J. V., "The Anti-Monastic Reaction in the Reign of Edward the Martyr", Cambridge Historical Journal, Cambridge: Cambridge University Press, 10 (3), 1952: 254–270, doi:10.1017/s147469130000295x, JSTOR 3021114
- Hart, Cyril, Æthelwine [Ethelwine, Æthelwine Dei Amicus] (d. 992) // Oxford Dictionary of National Biography, Oxford, 2004, doi:10.1093/ref:odnb/8919, İstifadə tarixi: 14 may 2008
- Henson, Donald, A Guide to Late Anglo-Saxon England: From Ælfred to Eadgar II, Hockwold-cum-Wilton: Anglo-Saxon Books, 1998, ISBN 1-898281-21-1
- Higham, Nick, The Death of Anglo-Saxon England, Stroud: Sutton, 1997, ISBN 0-7509-2469-1
- Kennedy, Alan. "Law and Litigation in the Libellus Æthelwoldi eipiscopi". Anglo-Saxon England. 24. 1995: 131–183.
- Lapidge, Michael, Monasticism // Lapidge, Michael (redaktor), The Blackwell Encyclopedia of Anglo-Saxon England, Oxford: Blackwell, 1999, 320–322, ISBN 0-631-22492-0
- Miller, Sean, Æthelstan Half-King // Lapidge, Michael (redaktor), The Blackwell Encyclopedia of Anglo-Saxon England, Oxford: Blackwell, 1999, səh. 17, ISBN 0-631-22492-0
- Miller, Sean, Edward the Martyr // Lapidge, Michael (redaktor), The Blackwell Encyclopedia of Anglo-Saxon England, Oxford: Blackwell, 1999, səh. 163, ISBN 0-631-22492-0
- Stafford, Pauline, Unification and Conquest: A Political and Social History of England in the Tenth and Eleventh Centuries, London: Edward Arnold, 1989, ISBN 0-7131-6532-4
- Stenton, Frank, Anglo-Saxon England (3rd), Oxford: Oxford University Press, 1971, ISBN 0-19-280139-2
- Williams, Ann, Æthelred the Unready: The Ill-Counselled King, London: Hambeldon & London, 2003, ISBN 1-85285-382-4