Fariz Nəcəfov
Fariz Abdulla oğlu Nəcəfov (1 iyun 1978, Kəngərli, Ağdam rayonu) — Azərbaycanı təmsil edən karateçi, "Qəbələ" İdman Klubunun prezidenti (2019-cu ildən) və keçmiş vitze-prezidenti (2008–2019),[1] Azərbaycan Silahlı Qüvvələrinin zabiti, İkinci Qarabağ müharibəsi iştirakçısı.[2]
| Fariz Nəcəfov | |
|---|---|
| Fariz Abdulla oğlu Nəcəfov | |
| Şəxsi məlumatlar | |
| Vətəndaşlığı | |
| Milliyəti | azərbaycanlı |
| Doğum tarixi | 1 iyun 1978 (47 yaş) |
| Doğum yeri | |
| Təhsili | |
| İxtisası | hüquq |
| İdman növü | karate |
| Hərbi rütbəsi |
|
Fariz Abdulla oğlu Nəcəfov 1 iyun 1978-ci ildə SSRİ respublikalarından olan Azərbaycan SSR-in Ağdam rayonuna ərazisində yerləşən Kəngərli kəndində anadan olmuşdur. O, Azərbaycan Taekvondo Federasiyasının birinci vitse-prezidenti Füzuli Musayevin tələbəsi olmuş,[3] karate üzrə dəfələrlə dünya və Avropa çempionu olmuşdur.[4]
Fariz Nəcəfov 2008-ci ildə "Qəbələ" İdman Klubunun vitze-prezidenti postuna təyin olunmuşdur.[5] "Qəbələ" İK Nəcəfovun vitze-prezidentliyi dövründə müxtəlif uğurlara imza atmışdır. "Qəbələ" FK onun vitze-prezidentliyi dövründə, 2015–2016 UEFA Avropa Liqası mövsümündə "Neftçi" PFK və "Qarabağ" FK-dan sonra[6] UEFA Avropa Liqasının qrup mərhələsində mübarizə aparmağa vəsiqə qazanan üçüncü Azərbaycan futbol klubu olmuşdur.[7][8] Həmçinin, Azərbaycandaxili turnirlərdə, 2013–2014, 2014–2015, 2015–2016-cı illər mövsümlərində çempionatın bürünc mükafatını əldə edən "Qəbələ", 2016–2017 və 2017–2018-ci illər mövsümlərində gümüş medal qazanmışdır.[9] Nəcəfov 18 aprel 2019-cu ildə Kəmaləddin Heydərovun oğlu Tale Heydərovu əvəz edərək "Qəbələ" İK-nun prezidenti postuna təyin olunmuşdur.[10] O, 11 iyul 2019-cu ildə "Azərbaycan Xalq Cümhuriyyətinin 100 illiyi (1918-2018)" yubiley medalı ilə təltif edilmişdir.[11]
Fariz Nəcəfov 27 sentyabr 2020-ci ildə başlayan İkinci Qarabağ müharibəsi zamanı ehtiyatda olan zabit kimi könüllü olaraq ordu sıralarına qoşulmuş, müharibə zamanı cəbhə bölgəsində hərbi xidmətini davam etdirmişdir.[2][12]
- ↑ ""Qəbələ" futbol klubuna yeni prezident təyin olunub". Baku.WS (az.). 18 aprel 2019. 19 noyabr 2020 tarixində arxivləşdirilib. İstifadə tarixi: 13 noyabr 2020.
- 1 2 ""Qəbələ"nin prezidenti cəbhədən təsirli mesaj göndərdi - FOTO". Sportinfo.az (az.). 13 noyabr 2020. 13 noyabr 2020 tarixində arxivləşdirilib. İstifadə tarixi: 13 noyabr 2020.
- ↑ "Çempion polkovnik: Nə eləmişəmsə, qarşılıq gözləməmişəm - MÜSAHİBƏ". APA Sport (az.). Azəri Press Agentliyi. 26 dekabr 2017. 21 aprel 2021 tarixində arxivləşdirilib. İstifadə tarixi: 13 noyabr 2020.
- ↑ "Fariz Nəcəfov Cümhuriyyət medalı ilə təltif edildi". Qol.az (az.). 11 iyul 2019. 19 noyabr 2020 tarixində arxivləşdirilib. İstifadə tarixi: 13 noyabr 2020.
- ↑ ""Qəbələ" İdman Klubuna yeni prezident təyin olunub". Report İnformasiya Agentliyi (az.). 18 aprel 2019. 9 oktyabr 2021 tarixində arxivləşdirilib. İstifadə tarixi: 13 noyabr 2020.
- ↑ ""Qarabağ" və "Qəbələ"nin UEFA Avropa Liqasının qrup mərhələsindəki rəqibləri bəlli oldu (ƏLAVƏ OLUNUB) (SİYAHI)". Trend İnformasiya Agentliyi (az.). 28 avqust 2015. 22 yanvar 2021 tarixində arxivləşdirilib. İstifadə tarixi: 13 noyabr 2020.
- ↑ Saffer, Pol. "Europa League group stage number crunching" (ingilis). UEFA. 26 avqust 2016. 27 noyabr 2020 tarixində arxivləşdirilib. İstifadə tarixi: 13 noyabr 2020.
- ↑ "Gabala in Europa League group stage number crunching" (ingilis). Qəbələ FK. 27 avqust 2016. 13 noyabr 2020 tarixində arxivləşdirilib. İstifadə tarixi: 13 noyabr 2020.
- ↑ "15 yaşlı "Qəbələ"". APA Sport (az.). Azəri Press Agentliyi. 1 sentyabr 2020. 22 yanvar 2021 tarixində arxivləşdirilib. İstifadə tarixi: 13 noyabr 2020.
- ↑ ""Qəbələ"nin yeni prezidenti açıqlandı". Sportline.az (az.). 18 aprel 2019. 13 noyabr 2020 tarixində arxivləşdirilib. İstifadə tarixi: 13 noyabr 2020.
- ↑ "Fariz Nəcəfov Cümhuriyyət medalı ilə təltif edildi - FOTOLAR". Aqreqator.az (az.). 11 iyul 2019. 13 noyabr 2020 tarixində arxivləşdirilib. İstifadə tarixi: 13 noyabr 2020.
- ↑ ""Onlarla fəxr edirəm" – "Qəbələ"nin prezidenti". APA Sport (az.). Azəri Press Agentliyi. 13 noyabr 2020. 14 may 2021 tarixində arxivləşdirilib. İstifadə tarixi: 13 noyabr 2020.