Osman Faruk Loğoğlu — türk diplomatı və siyasətçi, Türkiyənin Azərbaycanda,[1] Danimarkada[2] və Amerika Birləşmiş Ştatlarında[3] fövqəladə və səlahiyyətli səfiri.
| Faruk Loğoğlu | |
|---|---|
 .svg){kind=small} | |
| Şəxsi məlumatlar | |
| Doğum tarixi | |
| Doğum yeri | |
| Partiya | |
| Təhsili | |
| Fəaliyyəti | siyasətçi, diplomat |
| Elmi fəaliyyəti | |
| Elm sahəsi | Türkiyə Böyük Millət Məclisi |
 Vikianbarda əlaqəli mediafayllar | |
Faruk Loğoğlu 15 oktyabr 1941-ci ildə Ankarada anadan olub. Tarsus Amerika kollecini bitirdikdən sonra ABŞ-ın Brandeys Universitetinndə siyasi elmlər üzrə bakalavr və magistr dərəcəsi, 1970-ci ildə Prinston Universitetində siyasi elmlər üzrə doktorluq dərəcəsi alıb.[4]
Faruk Loğoğlu Türkiyə Xarici İşlər Nazirliyinə daxil olmamışdan əvvəl 1969-1970-ci illərdə Vermontd Middlebury kollecində siyasi elmlər üzrə müəllim işləyib. Xarici İşlər Nazirliyində müxtəlif vəzifələrdə — siyasi müşavir, Avropa İqtisadi Birlikləri yanında Daimi Nümayəndəliyinin birinci katibi, Türkiyənin Dəkkədəki müvəqqəti işlər vəkili, Türkiyənin BMT yanında Daimi Nümayəndəliyinin siyasi məsələlər üzrə müavini və Hamburqda Türkiyənin baş konsulu vəzifələrində çalışıb.
1993-1996-cı illərdə Türkiyənin Danimarkadakı səfiri olub.[2]
1996-cı ildə Azərbaycana səfir təyin edilib və 1998-cı ilə qədər bu vəzifədə çalışıb.[5]
1998-ci ildə Azərbaycandan qayıdan Loğoğlu əvvəlcə çoxtərəfli siyasi məsələlər üzrə Xarici İşlər nazirinin müavininin köməkçisi (1998-2000), sonra isə nazir müavini (2000-2001) vəzifələrində çalışıb. Digər xarici təyinatları Belçika, Banqladeş, Birləşmiş Millətlər Təşkilatı (Nyu-York) və Almaniyada olub. Xarici İşlər Nazirliyində Xarici Siyasət Məsləhət Şurasının üzvü və UNESCO üzrə Türkiyə Milli Komissiyasının sədr müavini vəzifələrində çalışıb.[6]
2001-ci ildə Amerika Birləşmiş Ştatlarına səfir təyin edilib və bu vəzifəni 2006-cı ildə tamamlayıb.[3]
Loğoğlu 2006-cı ildə Türkiyə Xarici İşlər Xidmətindən təqaüdə çıxıb. O, iki il (2006-2008) Türkiyənin əsas beyin mərkəzlərindən birinə, baş ofisi Ankarada yerləşən Avrasiya Strateji Araşdırmalar Mərkəzinə (ASAM) rəhbərlik edib.
Loğoğlu eyni zamanda 2006-2010-cu illərdə UNESCO üzrə Türkiyə Milli Komissiyasının sədr müavini və UNESCO-nun Parisdə keçirilən Baş Konfransı zamanı Mədəniyyət komitəsinə sədrlik edib. O, 2010-cu ildə Türkiyə Dəyişiklik Hərəkatında (TDH) çalışıb. Daha sonra Cümhuriyyət Xalq Partiyasına (CHP) üzv olub və 2011-ci ilin iyun seçkilərində Adana vilayətindən Türkiyə Böyük Millət Məclisinə millət vəkili seçilib. Hazırda Türkiyə Böyük Millət Məclisinin (TBMM) Xarici Əlaqələr Komitəsinin üzvü, CHP-nin xarici əlaqələr üzrə sədir müavinidir.[6]
Türkiyənin ikinci Prezidenti İsmət İnönünün siyasi tərcümeyi-halından bəhs edən “İsmət İnönü və Müasir Türkiyənin qurulması” kitabının müəllifidir. Xarici siyasətlə bağlı həm türk, həm də ingilis dillərində çox saylı məqalələri dərc olunub.
- ↑ Büyükelçilik Tarihi ve Önceki Büyükelçilerimiz
- ↑ 1 2 REPUBLIC OF TÜRKİYE TURKISH EMBASSY IN COPENHAGEN
- ↑ 1 2 "REPUBLIC OF TÜRKİYE TURKISH EMBASSY IN WASHINGTON, D.C." 1 may 2025 tarixində arxivləşdirilib. İstifadə tarixi: 7 avqust 2025.
- ↑ "Faruk Loğoğlu". 21 yanvar 2025 tarixində arxivləşdirilib. İstifadə tarixi: 24 iyul 2025.
- ↑ "Osman Faruk Loğoğlu Former Ambassador of the Republic of Türkiye to Azerbaijan". 23 aprel 2025 tarixində arxivləşdirilib. İstifadə tarixi: 7 avqust 2025.
- ↑ 1 2 "Osman Faruk Loğoğlu". 18 may 2025 tarixində arxivləşdirilib. İstifadə tarixi: 24 iyul 2025.
- Biography at the Brussels Forum Arxivləşdirilib 2007-05-10 at the Wayback Machine