Fatimə Rasim qızı Hacıyeva (15 sentyabr 1979[1], Bakı) — Azərbaycan alimi və ginekoloqu; tibb elmləri doktoru, professor.
| Fatimə Hacıyeva | |
|---|---|
| Doğum tarixi | 15 sentyabr 1979[1] (46 yaş) |
| Doğum yeri | |
| Elm sahələri | ginekologiya, mamalıq və ginekologiya |
| Elmi dərəcəsi | |
| Elmi adı | |
| İş yerləri |
|
| Təhsili | |
| drfatima.az | |
Fatimə Hacıyeva 1979-cu ildə Bakıda anadan olub. Əslən qədim Borçalı mahalındandır. 1995-ci ildə Bakıdakı 7 saylı orta məktəbi əla qiymətlərlə bitirərək N. Nərimanov adına Azərbaycan Tibb Universitetinin müalicə profilaktika fakültəsinə daxil olub, 2001-ci ildə həmin fakültəni fərqlənmə diplomu ilə bitirib.[2]
2001–2002-ci illərdə F. Əfəndiyev adına Xəstəxananın bazasında olan endokrinologiya şöbəsində internatura kecib. 2005–2007-ci illərdə N. Nərimanov adına Azərbaycan Dövlət Tibb Universitetinin Mamalıq-ginekoligiya kafedrasında kliniki ordinatura keçib və mama-ginekoloq ixtisası alıb.[3]
2008-ci ildə Elmi-Tədqiqat Mamalıq və Ginekologiya İnstitutunun "Mamalıq" elm bölməsinə elmi işçi vəzifəsinə qəbul olunub. 2017-ci ildə həmin institutun "Mamalıq" elm bölməsinin böyük elmi işçisi secilib. 2019-cu ildə Azərbaycan Respublikasının Prezidenti yanında Ali Attestasiya Komissiyası tərəfindən dosent elmi adını almış və işlədiyi institutun "Ginekologiya" şöbəsinin müdiri vəzifəsinə təyin olunmuşdur.[4]
2013-cü ildə "İnfeksion mənşəli erkən vərdişi düşüklərdə lokal immun göstəricilərin diaqnostik əhəmiyyəti" mövzusunda namizədlik dissertasiyası müdafiə edərək tibb üzrə fəlsəfə doktoru elmi dərəcəsi almışdır.[5]
2020-ci ildən İ.M.Seçenov adına Birinci Moskva Dövlət Tibb Universitetinin Bakı filialında mamalıq ginekologiya fənnini tədris edir.[6]
2024-cü ildə "Zahılıq dövrünün iltihabi ağırlaşmalarının erkən proqnozlaşdırılması və profilaktikası" mövzusunda doktorluq dissertasiyası müdafiə edərək tibb elmləri doktoru elmi dərəcəsi almışdır.
- ↑ 1 2 Borçalı M., Bilalqızı X. Ümid işığı - Dr. Fatimə Hacıyeva.
- ↑ "Tibb üzrə fəlsəfə doktoru Fatimə Hacıyeva (1979)" (az.). zim.az. 19 dekabr 2025. İstifadə tarixi: 28 aprel 2020.
- ↑ "Tibb elmləri doktoru Dr.Fatimə Hacıyeva" (az.). 2025. İstifadə tarixi: 2025.
- ↑ "Qayğıkeş həkim Tibb Üzrə Fəlsəfə doktoru, Dosent-Fatimə xanım Hacıyeva" (az.). qanunyolutv.az. 05-05-2021. İstifadə tarixi: 2025-12-29.
- ↑ "Tibb üzrə fəlsəfə doktoru elmi dərəcəsi almaq üçün təqdim edilmiş dissertasiya" (PDF) (az.). retk.copat.gov.az. 21 dekabr 2025.
- ↑ ""Sağlam qadın, sağlam körpə və sağlam gələcəyimiz" onun iş prinsipidir- Fatima Hacıyeva" (az.). healthnews.az. 20 dekabr 2025. İstifadə tarixi: 28 iyul 2022.