"Frieren: Beyond Journey's End" Kanehito Yamada tərəfindən yazılan və Tsukasa Abe tərəfindən illüstrasiya olunan eyniadlı manqa seriyasına əsaslanan anime serialıdır. "Madhouse" studiyası tərəfindən çəkilən anime serialının rejissoru Keyiçiro Sayto, ssenaristi Tomohiro Suzuki, personaj dizayneri Reyko Naqasava və bəstəkarı Evan Kolldur.[1][2]
Anime serialı 10 illik səyahətdən sonra İblis kralı məğlub edən və dünyada sülhü bərqərar edən Qəhrəmanlar komandasının keçmiş üzvü olan elf sehrbaz Frirendən bəhs edir. Elflər gec yaşlandığı üçün Frirenin 1000 ildən çox yaşı var və onun zaman qavrayışı adi insanlardan fərqlidir. Onun üçün illər və ya onilliklər çox qısa müddət kimi gəlir. Qəhrəman Himmelin dəfn mərasimi zamanı Friren onu daha yaxşı tanımağa cəhd etmədiyi üçün peşmançılığını ifadə edir. Qitənin ən şimalında ruhların dincəldiyi yerin varlığını öyrənən Friren yeni səyahətə çıxmağa qərar verir. Onun bu səyahətinə şagirdi Fern və gənc döyüşçü Ştark da qoşulur. Friren yeni səyahəti zamanı keçmiş səyahətindən olan xatirələri yenidən yadına salır.
İki ardıcıl kurs şəklində yayımlanan animenin 2 saatlıq ilk seriyası Nippon TV kanalının "Kin'yō Road Show" veriliş blokunda yayımlanmışdır. Bu veriliş bloku bədii filmlər üçün nəzərdə tutulduğu üçün "Friren" bu blokda yayımlanan ilk anime olmuşdur.[3][4][5] Növbəti seriyalar kanalın yeni "Friday Anime Night" veriliş blokunda yayımlanmağa davam etmiş,[6] sonuncu seriya 22 mart 2024-cü ildə yayımlanmışdır.[7] Dörd seriyalıq premyera yayımı üçün Milet tərəfindən ifa olunan xüsusi bağlanış mahnısı "Bliss" istifadə olunmuşdur.[3] Birinci bağlanış mahnısı "Yoasobi" qrupu tərəfindən ifa olunan "Yūsha" (勇者?, hərf. "Qəhrəman") mahnısı, birinci bağlanış mahnısı Milet tərəfindən ifa olunan "Anytime Anywhere" (hərf. "İstənilən vaxt istənilən yerdə") mahnısıdır.[8] İkinci açılış mahnısı "Yorushika" qrupu tərəfindən ifa olunan "Sunny" (晴る, Haru?, hərf. "Günəşli") mahnısı,[9] ikinci bağlanış mahnısı "Anytime Anywhere" mahnısının fərqli hissəsidir.[10] "Toho Animation" animenin seriyalarını 24 yanvar–17 iyul 2024-cü ildə 7 DVD və Blu-ray seti şəklində buraxmışdır.[11] Anime "Crunchyroll" tərəfindən lisenziyalaşdırılmışdır.[12] 28 sentyabr 2024-cü ildə anime serialının ikinci mövsümü anons edilmişdir.[13][14][15] İkinci mövsüm 16 yanvar 2026-cı ildə yayımlanmağa başlamışdır.[16] Açılış mahnısı "Mrs. Green Apple" qrupu tərəfindən ifa olunan "Lulu" mahnısı,[17] bağlanış mahnısı Milet tərəfindən ifa olunan "The Story of Us" mahnısıdır.[18]
Personajların çibi versiyalarının yer aldığı "Sōsō no Frieren: Marumaru no Mahō" (葬送のフリーレン ～●●の魔法～?) adlı minianime serialının 11 seriyalıq ilk mövsümü 11 oktyabr 2023-cü ildən 24 mart 2024-cü ilə qədər "Toho Animation"un rəsmi "YouTube" kanalı, eləcə də, animenin rəsmi "X" və "TikTok" hesablarında buraxılmışdır.[19][20] 6 seriyadan ibarət ikinci mövsüm 2 apreldən 3 sentyabr 2025-ci ilə qədər buraxılmışdır.[21][22] Üçüncü mövsüm 19 yanvar 2026-cı ildə yayımlanmağa başlamışdır.[23]
| Ser. № |
Möv. № |
Azərbaycanca adı Yaponca adı[24] |
Rejissor[24] | Hekayə lövhəsi[24] | Animasiya rejissoru[24] | Yayım tarixi[25] |
|---|---|---|---|---|---|---|
| 1 | 1 | "Səyahətin sonu" "Boken no Ovari" (冒険の終わり) | Ayaka Tsuci | Keyiçiro Sayto | Reyko Naqasava | 29 sentyabr 2023 |
| On il davam edən macəra nəticəsində blis kralı məğlub etdikdən sonra qəhrəman Himmel, keşiş Hayter, cırtdan döyüşçü Ayzen və elf sehrbaz Friren paytaxta qayıdırlar. Elflər uzunömürlü olduğu üçün Friren üçün 10 illik səyahət çox qısa müddət kimi gəlir. Komanda 50 il sonra yenə bir araya gəlib meteorit yağışını izləməyə qərar verir. 50 il sonra Friren keçmiş komanda üzvlərinin qocaldığını görür. Qısa müddət sonra Himmel ölür və Friren dəfn mərasimində onu tanımağa cəhd etmədiyi üçün peşman olduğunu bildirir. Himmelin ölümündən 20 il sonra Friren çox qocalmış olan Hayteri ziyarət edir və onun övladlığa götürdüyü 9 yaşlı qızı Fernə sehr öyrətməyə başlayır. | ||||||
| 2 | 2 | "Bu sehr olmalı deyildi..." "Betsuni Maho" (別に魔法じゃなくたって…) | Tomoya Kitaqava | Tomoya Kitaqava | Ayaka Minoşima | 29 sentyabr 2023 |
| Friren Hayterə ölümsüzlükdən bəhs edən bir qrimuarı tərcümə etməyə kömək edir, amma Hayter ölüm döşəyinə düşür. Friren qrimuarın saxta olduğunu aşkar edir: Hayter onu Fernin yanında tutmaq üçün ona yalan deyibmiş. Fern hücum sehrində ustalaşdıqdan sonra Hayter ölür və Friren onu şagirdi kimi qəbul edir. Friren və Fern səyahətə çıxaraq insanların tapşırıqlarını yerinə yetirmək qarşılığında onlardan sehr toplamağa başlayırlar. Belə tapşırıqlardan biri Himmelin heykəlini təmizləmək tapşırığı olur. Friren heykəli bəzəmək üçün onun sevimli çiçəyini axtarmağa qərar verir və 6 aylıq axtarışdan sonra bir sincabın köməyi ilə çiçəyi tapa bilir. | ||||||
| 3 | 3 | "İnsan öldürən sehr" "Hito o Korosu Maho" (人を殺す魔法) | Dayki Haraşina | Dayki Haraşina | Dayki Haraşina | 29 sentyabr 2023 |
| Friren Fernin ad gününü qeyd etmək üçün gizlicə alış-verişə çıxır. Lakin ona etiraf edir ki, əslində onun nə istədiyini və nələrdən xoşu gəldiyini bilmir. Buna baxmayaraq, Fern onu düşündüyü üçün xoşbəxt olur. Onlar Korrupsiya iblisi Kvalın möhürləndiyi kəndə gedirlər. Möhür tezliklə qırılacağı üçün Friren Kvalı öldürməlidir. Belə ki, Himmel yaşadığı zaman hər il kəndə gəlib möhürü yoxlayırmış. Friren bildirir ki, Kval insanları öldürmək üçün "Zoltraak" adlı güclü sehr ixtira edib və onu məğlub edə bilmədikləri üçün möhürləyiblər. Lakin 80 il keçdikdən sonra insanlar bu sehri analiz edib və öyrəniblər. Friren və Fern Kvalın möhrünü açıb onunla döyüşməyə başlayırlar. Kval onlara zərər verə bilmir və Friren Zoltraak sehrindən istifadə edərək onu öldürür. | ||||||
| 4 | 4 | "Ruhların dincəldiyi yer" "Tamaşii no Nemuru Çi" (魂の眠る地) | Kento Matsui | Yoşiaki Kavaciri | Ayaka Tsuci | 29 sentyabr 2023 |
| Friren və Fern çimərliyi təmizləmək qarşılığında saxta da olsa, məşhur sehrbaz Flammenin qrimuarını əldə edirlər. Friren səhərlər oyanmağı sevməsə də, Yeni il ənənəsi olan günəşin doğuşunu izləmək üçün oyanır. Onlar Ayzenin evini ziyarət edirlər. O, ölülərlə danışmağın yolundan bəhs edən və Flammeyə aid qrimuarı tapmaq üçün Frirendən kömək istəyir. Friren 1000 il əvvəl Flammenin şagirdi olduğunu xatırlayır. Friren qrimuarı tapır və bütün ruhların dincəlmək üçün getdiyi Aureole adlı yerin mövcudluğunu öyrənir. Friren Fernlə birlikdə qitənin ən şimalında – əvvəlki səyahəti ilə eyni yerdə yerləşən bu yerə səyahət etməyə və Himmelə sonuncu dəfə vida etməyə qərar verir. | ||||||
| 5 | 5 | "Ölülərin kabusları" "Şişa no Qeney" (死者の幻影) | Kota Mori | Keniçi Şimizu | Reyko Naqasava, Dayki Haraşina, Emi Yamazaki və İzumi Sequçi | 6 oktyabr 2023 |
| Friren və Fern ölmüş qohumlarının kabuslarını gördükdən sonra bir neçə insanın yoxa çıxdığı bir kəndə gəlir. Friren illüziya sehri ilə insanları cəzb edən bədheybət Aynzamdan şübhələnir. İllüziyalar hücum sehri ilə asanlıqla yox edilə bilsə də, insana sevdikləri şəxsin kabuslarını göstərir. Fern Hayterin, Friren isə Himmelin kabusunu görür, lakin onlar kabusları öldürüb Aynzamı yox edirlər. Səyahətə davam edən Friren bir əjdəhanə öldürüb yuvasındakı qrimuarı ələ keçirməyə qərar verir, lakin bunun üçün güclü döyüşçüyə ehtiyacı olur. Bunun üçün yaxınlıqdakı kəndi əjdahadan qoruyan və Ayzenin şagirdi olmuş Ştarkın yanınan gedirlər. Ştark onlara etiraf edir ki, əslində əjdahadan qorxur, lakin kənd əhalisi ona inanmağa davam etdiyi üçün bunu onlara demir. Friren onlara kömək etməsi üçün Ştarka səhərə qədər vaxt verir. | ||||||
| 6 | 6 | "Kəndin qəhrəmanı" "Mura no Eyyu" (村の英雄) | Toru İvazava | Toru İvazava | Keysuke Hiroe və Takasemaru | 13 oktyabr 2023 |
| Fern Ştarkı onlara kömək etməsi üçün cəsarətləndirir. Növbəti gün Ştark onlara kömək etməyə qərar verir və qorxmağına baxmayaraq əjdaha ilə döyüşəcəyini bildirir. Ştark əjdaha ilə döyüşür və onu təkbaşına öldürə bilir. Məlum olur ki, əjdahanın kəndə hücum etməmə səbəbi Ştarkdan qorxması olubmuş. Ştark onların komandasına qoşulmağa qərar verir. Trio şimal torpaqları üzərisində yerləşən Vaal şəhərinə çatırlar, lakin şimalda bədheybətlər çox olduğu üçün onları buraxmırlar. Fern və Ştark keçmək üçün yol axtarmağa başlayırlar. Nəhayət şəhərin qəsr mühafizəçisi Frireni tanıyır və darvazanı onlar üçün açır. | ||||||
| 7 | 7 | "Nağıl kimi" "Otoqibanaşi no Yo na" (おとぎ話のようなもの) | Keysuke Kocima | Naoto Uçida və Keysuke Kocima | Norito Saytama və Ryoko İno | 20 oktyabr 2023 |
| Friren və komandası şimala doğru səyahət etməyə davam edir. Onlar "Azadlıq günü"nü qeyd edən və Qəhrəmanlar komandasının heykəllərinin yerləşdiyi kənddən keçirlər. Qranat şəhərinə çatdıqda Friren iblisləri görür və onlara hücum etməyə çalışır, lakin həmin iblislər şəhərə gəlmiş sülh elçiləri olduğu üçün mühafizəçilər Frireni həbs edirlər. Məlum olur ki, İblis kralın əsas köməkçilərindən olmuş Başkəsən Aura 28 illik müharibədən sonra şəhərlə sülh bağlamaq istəyir. Lakin Friren iblislərin təhlükəli olduğu barədə xəbərdarlıq edir. Frirenin dediyi kimi Lügnerin başçılıq etdiyi iblis heyətinin məqsədi şəhərin baryerini endirmək və Auranın şəhərə hücum etməsinə şərait yaratmaqdır. İblislərdən biri Draht zindana gedərək Frireni öldürməyə çalışır. | ||||||
| 8 | 8 | "Qatil Friren" "Soso no Furiren" (葬送のフリーレン) | Tomoya Kitaqava | Tomoya Kitaqava | Ayaka Sato, Reyko Naqasava, Hiroyuki Kobaşi və Emi Yamazaki | 27 oktyabr 2023 |
| Draht Frireni hücum edir, lakin Friren onu asanlıqla öldürüb zindandan qaçır. Şəhərin qrafı Qranat vəziyyətdən şübhələnib Lügnerdən izahat tələb edir. Lügner gizli planlarının ortaya çıxdığını başa düşüb onu əsir götürür. Fern və Ştark iblisləri məğlub etmək üçün Frirendən kömək istəyirlər, lakin Friren şəhərin kənarında ordusu ilə gözləyən Aura ilə döyüşməyə gedir. O bildirir ki, ikisi onları məğlub edəcək qədər güclüdürlər. Gecə Fern və Ştark gizlicə qəsrə daxil olub Qranatı azad edirlər və Lügneri yaralayırlar. Yarasını sağaldan Lügner nəhayət Frirenin kim olduğunu xatırlayır və tarixdə ən çox iblis öldürən sehrbaz olduğunu bildirir. Şəhərin qırağında Friren Aura ilə üzləşir. | ||||||
| 9 | 9 | "Başkəsən Aura" "Dantoday no Aura" (断頭台のアウラ) | Koki Fucimoto | Koki Fucimoto | Keyta Naqasaka | 3 noyabr 2023 |
| Fern və Ştark Qranatı təhlükəsiz yerə aparırlar. Qranat onlara bildirir ki, Auranın gizli silahı İtaət tərəzisi adlı güclü artefaktdır. Bu artefakt Aura və rəqibinin manasını tərəziyə qoyur. Ağır gələn tərəf qarşı tərəfi özünə tabe edir. Bu, riskli qumar olsa da, Auranın manası çox olduğu üçün özünə ölülərdən ibarət ordu yaradıb. Friren Auranın ordusu ilə döyüşməyə başlayır. Qəsrdə isə Lügner və köməkçisi Linie Fern və Ştarkla döyüşür. İblislər döyüşə üstünlüklə başlasalar da, Ştark Linienin Ayzenin döyüş stilini təqlid etdiyin, lakin zərbələrinin Ayzen qədər güclü olmadığını başa düşür və bundan istifadə edərək onu öldürür. Digər tərəfdən Fern Lügneri döyüşdə yorur və nəhayət Zoltraak sehri ilə ona ölümcül zərbə endirir. | ||||||
| 10 | 10 | "Güclü sehrbaz" "Tsuyoy Mahotsukay" (強い魔法使い) | Nobuhide Kariya və Kazumasa İsoqava | Nobuhide Kariya | Ayaka Tsuci, Keyta Naqasaka və Kunihiko Hamada | 10 noyabr 2023 |
| Ölümcül yaralanmış Lügner Fernin niyə belə güclü olduğunu başa düşməyə çalışır, nəhayət onun manasını zəif görünmək üçün gizlətdiyini anlayır. Bu isə iblislər arasında tabu hesba olunur. Fern Lügnerin işini bitirir. Min il əvvələ aid fleşbek səhnəsində Flamme iblislər tərəfindən məhv edilmiş elf kəndindən keçəndə Frireni tapır və onu şagirdi kimi qəbul edir. Flamme iblisləri öldürmək və aldatmaq üçün Frirenə öz manası gizlətmək texnikasını öyrədir. O izah edir ki, iblislər üçün mana güc simvolu olduğu üçün manalarına güvənirlər. Flammenin göstərişi ilə Friren mana gizlətmək texnikasında yüzlərlə il ustalaşır və özünü zəif biri kimi göstərir. Min il sonra Himmel Frireni komandasına cəlb etməyə çalışır və əslində içində böyük gücün olduğunu bildirir. İndiki zamanda Aura İtaət tərəzisi ilə Frireni məğlub etməyə çalışır, lakin Friren əsl manasını göstərir. Nəticədə, Aura Frirenə tabe olmalı olur və onun əmri ilə öz başını kəsir. | ||||||
| 11 | 11 | "Şimal torpaqlarının qışı" "Kitaqava Şokoku no Fuyu" (北側諸国の冬) | Kento Matsui və Kunio Fucii | Keyiçiro Sayto | Şiniçi Yoşikava | 17 noyabr 2023 |
| Auranın qurbanları üçün dua etdikdən sonra Friren və komandası səyahətə davam edir. Onların hədəfi şimal torpaqlarında yerləşən seh şəhri Auşerstə çatmaqdır. Belə ki, bu şəhərdə keçirilən birinci dərəcəli sehrbaz imtahanına görə verilən sertifikat şimal torpaqlarına daxil olmaq icazəsi verir. Lakin Şver dağlarında qar çovğunu nəticəsində itirlər və daxma tapırlar. Daxmada Kraft adlı elf keşişi ilə tanış olurlar. Friren və komandası qışın bitməsini gözləmək üçün 6 ay Kraftla vaxt keçirirlər. Kraft onlara tanrı və cənnət barəsində məsləhətlər verir və onlar yollarını ayırırlar. | ||||||
| 12 | 12 | "Əsl qəhrəman" "Honmono no Yuşa" (本物の勇者) | Yoşiki Kavasaki | Yoşiki Kavasaki | Dayki Haraşina, Takasemaru, Keyta Naqasaka və Reyko Naqasava | 24 noyabr 2023 |
| Auşerst şəhərinə gedərən Friren komandası Qılınc kəndində dayanırlar. Bu kənddə əfsanəvi Qəhrəman qılıncı dayanır və bədheybətləri özünə çəkir. Ştark qılıncın hələ də daşdan çıxarılmadığını görüb təəccüblənir, çünki hekayələrdə Himmelin qılıncı çıxardığı deyilir. Friren xatırlayır ki, Himmel qılıncı çıxa bilməsə də, bu, onun qəhrəman olmasına mane olmayıb. Növbəti şəhərə çatanda Fern Ştarkın ad günü olduğunu öyrənir. Ştark bildirir ki, o heç vaxt ad günü hədiyyəsi almayıb, çünki aid olduğu döyüşçü qəbiləsi və ailəsi onu qorxaq hesab edirdi. Fern ona ad günü hədiyyəsi kimi gümüş qolbaq alır. Friren isə onun üçün hamburq əti bişirir. O, bildirir ki, döyüşçü mədəniyyətində yaxşı çalışan döyüşçülərin ad günündə bunu etmək ənənəsi mövcuddur. Ştark qardaşı Stolsun ad günündə onun üçün belə ət bişirdiyini xatırlayır və qardaşının onu sevdiyini başa düşür. | ||||||
| 13 | 13 | "Öz növündən diksinmək" "Dozoku Keno" (同族嫌悪) | Takahiro Natori | Yoşiaki Kavaciri | Yi Cun Lin və Şizuku İşii | 1 dekabr 2023 |
| Friren yerli bir rahib olan Zaynı bataqlıqdan xilas edir. Friren və komandası bir müddət Zaynın kəndində qonaq qalır. Zaynın qardaşı bildirir ki, Zayn sağaltma sehrində olduqca bacarıqlıdır, lakin əsl arzusu macəraya çıxmaqdır. On il əvvəl Zaynın bir dostu onu bir macəraya dəvət etsə də, Zayn kənddə qalmağa qərar vermiş və macəra həvəsini itirmişdir. Friren bu məsələ ilə maraqlanır, çünki Himmel də onu macəraya dəvət edəndə Zayn kimi həvəssiz idi. Zayn etiraf edir ki, kənddə qalma səbəbi qardaşına dəstək olmaq olub. Nəhayət Friren Zaynı dostunu tapana qədər onların komandasına qoşulmağa razı sala bilir. | ||||||
| 14 | 14 | "Gənclərin imtiyazı" "Vakamono no Tokken" (若者の特権) | Şinya İino | Şinya İino | Hirotoşi Aray və Rikka | 8 dekabr 2023 |
| Növbəti şəhərdə Fern və Ştark bir-birindən küsürlər, çünki Ştark Fernə ad günü hədiyyəsi ala bilmir. Zaynın müdaxiləsi ilə onlar barışırlar. Ştark etiraf edir ki, o, hədiyyəni Fernlə birlikdə seçmək istəmişdi. Ştark Fernə yeni qolbaq hədiyyə edir. Növbəti kəndə gedərkən Friren bildirir ki, Ştarkın aldığı qolbaqla Himmelin ona hədiyyə etdiyi üzüyün dizaynı eynidir. Uçan bir bədheybət onların arabasına hücum edir, Friren onu öldürsə də, üzüyünü itirir. Onlar arabanı təmir edərkən Zayn bildirir ki, Ştarkın aldığı qolbağın dizaynı "əbədi sevgi"ni simvolizə edir. Ştark bunu öyrənəndə utanır. Nəhaət itmiş əşyaları tapma sehri ilə Friren üzüyünü tapır və Himmelin üzüyü ona verdiyi anı xatırlayır. | ||||||
| 15 | 15 | "Təhlükə qoxusu" "Yakkayqoto no Nioi" (厄介事の匂い) | Morio Asaka, Kazumasa İsoqava və İzumi Sequçi | İzumi Sequçi | İzumi Sequçi və Keyta Naqasaka | 15 dekabr 2023 |
| Friren və komandası bir kəndə çatırlar və kəndin bütün əhalisinin bədheybət tərəfindən yatızdırıldığını görürlər. Fern, Ştark və hətta Friren lənətə yaxalanıb yatırlar. Zaynın lənətlərə qarşı dözümlülüyü olduğu üçün o yatmır. O, bədheybəti öldürmək üçün Frirenə güvənməkdə tərəddüd edir, lakin Frireni oyadıb bədheybətin öldürülməsinə nail olur. Daha sonra Friren və komandası Voriq şəhərinə çatırlar. Burada Orden adlı zadəgan Ştarkdan xahiş edir ki, bir müddət oğlu Virt kimi ictimaiyyətin qarşısına çıxsın. Çünki onlar son döyüşdən sonra Virtin hələ də yaşadığı barədə yalan deyirlər. Komanda pul qarşılığında təklifi qəbul edir. Ştark öz rolunu uğurla oynayır. Orden ona şəhərdə qalmağı təklif etsə də, Ştark oğlunu əvəz edə bilməcəyini deyir. Komanda istədiklərini əldə etdikdən sonra şəhərdən ayrılırlar. | ||||||
| 16 | 16 | "Uzunömürlü dostlar" "Çocu Tomodaçi" (長寿友達) | Kota Mori | Kota Mori | Hidehiko Savada, Dayki Tanaka, Keysuke Hiroe və Hirotoşi Aray | 22 dekabr 2023 |
| Friren köhnə dostlarından biri olan Qoca Vollu ziyarət üçün bir kənddə qalmağa qərar verir. Voll qoca bir cırtdan olsa da, insanlar həyat yoldaşına verdiyi sözə görə kəndi bədheybətlərdən qorumağa davam edir. Voll Frirenlə vaxt keçirir, hətta Ştarka müəllimlik edir. Friren və komandası Volla sağollaşdıqdan sonra onlar Auşerst şəhərindən öncə son kəndə çatırlar. Zayn Qorilla döyüşçüsü ləqəbli dostu haqqında məlumat öyrənməyə çalışsa da, bu haqda məlumatı olan yeganə şəxs qoca bir qadındır. Onlar məlumat əldə etmək üçün qadının gündəlik tapşırıqlarını yerinə yetirirlər. Son tapşırıq qəhrəmanların heykəllərini təmizləmək olur. Friren heykəllərdən birinin Krafta aid olduğunu, Zayn isə digər heykəlin onlara macəraçı olmağa ilham verən qəhrəmana aid olduğunu görür. Zayn öyrənir ki, Qorilla döyüşçüsü fərqli bir istiqamətə gedib. Zayn dostunun arxasınca getmək və Frirenin komandası ilə səyahət etmək barəsində tərəddüd yaranır. | ||||||
| 17 | 17 | "Özünüzə yaxşı bax" "Ca Qenki de" (じゃあ元気で) | Taku Kimura və Haruka Yutoku | Yoşiaki Kavaciri | Karen Nozava və Mayuko Kato | 5 yanvar 2024 |
| Zayn qərarını verənə qədər komanda kənddə qalmağa qərar verir, lakin qar çovğunu səbəbilə kənddə bir ay qalmağa məcbur olurlar. Fernlə Ştark yenə mübahisə edirlər, belə ki, Ştark istəmədən də olsa Fernin çiyninə bərk toxunub. Zayn yenə müdaxilə edərək onları barışdırır. Çovğun bitdikdən sonra Zayn dostunun dalınca getməyə qərar verir, qalanları isə Auşerst şəhərinə doğru yola düşürlər. Yolda Fern xəstələnir və onlar kiçik bir kənddə qalmalı olurlar. Friren Ştarka bildirir ki, Fern xəstələnəndə ona emosional dəstək vermək üçün onun əlindən tutur. Fern sağalandan sonra onlar birinci dərəcəli sehrbaz imtihanında iştirak etmək üçün Auşerstə çatırlar. | ||||||
| 18 | 18 | "Birinci dərəcəli sehrbaz imtahanı" "İkkyu Mahotsukay Senbatsu Şiken" (一級魔法使い選抜試験) | Ken Ando | Tomoya Kitaqava | Şizuku İşii, Şinya Kudo və Yi Cun Lin | 12 yanvar 2024 |
| Yolda Fern imtahandan keçə biləcəyi barədə tərəddüd etdiyini bildirir. Lakin Friren bildirir ki, mana hər şey deyil, hətta o belə keçmişdə başqalarına uduzub. Başqa bir yerdə Übel adlı bir sehrbaz üç quldurun hücumuna mərzu qalır, lakin Kraft müdaxilə edərək onları geri püskürdür. Kraft bildirir ki, əslində o, quldurları Übeldən qoruyurdu, çünki Übelin qatil təbiətindən xəbəri var. Übel də birinci dərəcəli sehrbaz imtahanında iştirak etmək üçün Auşerst şəhərinə gedir. Fern və Friren imtahan üçün qeydiyyatdan keçirlər. İki aylıq hazırlıqdan sonra ilk imtahan başlayır. Friren Lavine və Kanne adlı iki uşaqlıq dostu, Fern isə Übel ilə komanda yoldaşı olur. Birinci imtahanın tapşırığı səs sürətindən sürətli uçan Stille adlı quşları tutmaqdır. Lavine və Kanne tez-tez dalaşdığı üçün Friren imtahandan keçəcəyi barədə tərəddüd edir, lakin komanda olaraq yaxşı yola getdiklərini müşahidə edir. Friren quşu tutmaq üçün plan hazırlayır. | ||||||
| 19 | 19 | "Yaxşı düşünülmüş planlar" "Nyunen na Keykaku" (入念な計画) | Fumie Muroi | Fumie Muroi | Takeo Şudo, Satoşi Şimada və Yuki Kitacima | 19 yanvar 2024 |
| Fern və onun Übel ilə Landdan ibarət komandası bir Stille yaxalaya bilirlər və gizlənməyə qərar verirlər. Friren və komandası gölü dondurmağa və kiçik gölməçələri mana ilə doldurmağa qərar verirlər. Stille quşları manaya həssas olduğu üçün susayanda mana olmayan yeganə gölməçəyə gələcəklər. Ehre, Virbel və Şrafdan ibarət digər komanda quşu ələ keçirmək üçün Fernin komandasına hücum edir. Bu döyüş davam edərkən Friren öz manasını gizlədir və gölməçəyə yaxınlaşan bir Stilleni quş yaxalama sehri ilə tutur. İmtahan iştirakçısı olan hiyləgər sehrbaz Denken bu sehri hiss edir və quşu ələ keçirmək üçün onlara yaxınlaşır. | ||||||
| 20 | 20 | "Lazımlı qətl" "Hitsuyo na Koroşi" (必要な殺し) | Yoşiki Kavasaki | Yoşiki Kavasaki | Kunihiko Hamada və Keyta Naqasaka | 26 yanvar 2024 |
| Fern Ehreni ardıcıl hücum sehrləri ilə məğlub edir. Übel isə Virbel tərəfindən məğlub edilir. Lakin Fern özünü çatdıraraq Übelin həyatını xilas edir. Land illüziya sehrindən istifadə edərək Şarfı xilas edir. Virbel bildirir ki, iblisləri öldürmək səbəbi uşaqlıqda sevdiyi bir qızın xoşuna gəlmək olub. Virbelin komandası məğlub olsa da, bir Stille tapıb ələ keçirə bilirlər. Denkenin komandasından Laufen sürətli hərəkət sehri ilə Frirenin quşunu ələ keçirir, Rixter isə Lavine və Kanne ilə döyüşməyə başlayır. Denken lazımsız qətllərdən qaçınmasını istəsə də, Rixter razı deyil. Belə ki, birinci dərəcəli sehrbaz imtahanını uğurla keçənlər Kontinental Sehrbazlar Assosiasiyasının lideri Zerie tərəfindən istədikləri sehri əldə edə biləcəklər. İki komanda döyüşməyə başlayır. | ||||||
| 21 | 21 | "Sehr dünyası" "Maho no Sekay" (魔法の世界) | Kota Mori | Kota Mori və Keyiçiro Sayto | Şiniçi Yoşikava | 2 fevral 2024 |
| Min il əvvələ aid səhnədə Flamme ustası Zerieyə Frireni təqdim edir. Zerie istədiyi bir sehri verəcəyini bildirsə də, Friren təklifini geri çevririr. Zerie Frireni ambisiyasız olduğu üçün tənqid edir, lakin Flamme onun İblis kralı məğlub edəcəyini bildirir. İndiki zamanda Frirenlə Denken döyüşürlər. Lavine və Kanne əllərindən gələni etməyə çalışsalar da, Rixter onları küncə sıxışdırır. Friren Denkeni məğlub edir və Laufeni tələyə salaraq Stilleni geri ala bilir. Denken bildirir ki, birinci dərəcəli sehrbaz olmasının əsl səbəbi Şimal torpaqlarındakı doğma şəhərinə baş çəkməkdir. Friren Zerienin imtahan üçün yaratdığı baryeri sındıraraq imtahan nəzarətçilərini təəccübləndirir. Bundan sonra istifadə edən Lavine və Kanne Rixteri su və buz sehri ilə məğlub edirlər. Denken zəif bir komandaya hücum edərək onların Stillesini oğurlaya bilir. İmtahan başa çatanda 6 komanda növbəti mərhələyə keçmiş olur. | ||||||
| 22 | 22 | "Gələcəyin düşmənləri" "Tsuqi kara va Katakidoşi" (次からは敵同士) | Takahiro Natori | Takahiro Natori | qeydlərə baxın[a] | 9 fevral 2024 |
| Üç gün sonra baş tutacaq imtahana qədər Friren Fern və Ştarkı 80 il öncə getdiyi restorana aparır. Denkenin komandası da həmin restorana baş çəkir. Übel Landla görüşərək empatiya qurduğu hər kəsin sehrini oğurlaya bildiyini deyir. Fleşbek səhnəsində Friren restoranda Himmellə keçirdiyi vaxtı xatırlayır. Növbəti gün Ştark Virbellə qarşılaşır və onunla birlikdə bədheybət ovlamaq missiyasına gedir. Lavine və Kanne Frirenə təşəkkür etmək üçün onun qaldığı mehmanxanaya yollanırlar və ona yeməklər hədiyyə edirlər. Onlar söhbət edərkən ikinci imtahan barəsində bildiriş gəlir. Lavine və Kanne imtahanın Zenze tərəfindən keçirdiyini eşidəndə narahat olurlar, çünki heç kim onun təşkil etdiyi imtahanları keçə bilməyib. | ||||||
| 23 | 23 | "Labirinti fəth etmək" "Dancon Koryaku" (迷宮攻略) | Kazumasa İsoqava | Yusuke Kubo | Ayaka Tsuci | 16 fevral 2024 |
| Zenze növbəti imtahanın şərtləri açıqlayır. İmtahandan keçməyin şərti Kralın qəbrinin xarabalıqları zindanının sonuna çatmaqdır. Zenze təhlükəli vəziyyətə düşdükdə imtahandan ayrılmaq istəyənlər üçün içərisində xilasedici qolem olan şüşələr paylayır. Məlum olur ki, bu zindan heç vaxt fəth edilə bilməyib. Denken hamının bir yerdə zindana girməli olduğunu desə də, hamı bir-birinə etibar etmədiyi üçün ayrı-ayrı qruplar şəklində zindana daxil olurlar. Zenze Friren və Fernlə birlikdə zindana daxil olmağa qərar verir. Friren bildirir ki, Himmel zindanları kəşf etməyi sevdiyi üçün zindanlarda gəzməyi sevir. Bu zaman Virben və Denkenin komandaları özlərinin təqlidləri ilə qarşılaşırlar. Bu təqlidlər onların sehrini və döyüş stillərini tam təqlid edə bilir. Denkenin komandası Laufenin təqlidini məğlub etdikdən sonra Frirenin təqlidi ilə qarşılaşırlar. | ||||||
| 24 | 24 | "Mükəmməl təqlidlər" "Kanpeki na Fukuseytay" (完璧な複製体) | Hayato Kakinokida | Dayki Haraşina | Dayki Haraşina | 23 fevral 2024 |
| Məlum olur ki, bu zindanda Şpigel adlı bir varlıq yaşayır. O, zindana daxil olanların yaddaşını oxuyub onların mükəmməl təqlidlərini yarada bilir. Denkenin komandası Frirenin təqlidi ilə döyüşməyə çalışsa da, geri çəkilməyə məcbur olur. Übel və Land Übelin təqlidi ilə döyüşüb onu məğlub edə bilirlər. Friren, Fern və Zenze Denkenin komandasının olduğu yerə çatırlar. Zindanın sonuna çatmağın yeganə yolu Frirenin təqlidini öldürməkdir. Onlar Frireni məğlub etmək üçün onun zəif tərəflərini müzakirə etməyə başlayırlar. Edelin komandası Zenzenin təqlidi ilə döyüşür, lakin yaralanaraq qolemdən istifadə etməli olur. Digər döyüşdə Virbelin komandası öz təqlidləri döyüşürlər. Fern bildirir ki, Frirenin təqlidini öldürə bilərlər. | ||||||
| 25 | 25 | "Ölümcül zəiflik" "Çimeyteki na Suki" (致命的な隙) | Tomoya Kitaqava | Tomoya Kitaqava | Yusuke Yaeqaşi, Hiroyuki Kobaşi, Keyta Naqasaka & Şiniçi Yoşikava | 1 mart 2024 |
| Edelin verdiyi məlumat əsasında məlum olur ki, təqlidlərə qarşı hipnozdan istifadə etmək mümkünsüzdür. Lavine və Kanne görüş yerinə çataraq varlığın adının Şpigel olduğunu açıqlayır. Təqlidləri həmişəlik yox etməyin yeganə yolu Frirenin təqlidini yox edərək Şpigeli öldürməkdir. Döyüşdən öncə Fern Frirenin ölümcül zəifliyini dərk edir: Friren sehr edəndə mana təyinatından istifadə edə bilmir. Müzakirələrdən sonra Fernlə Friren Frirenin təqlidi ilə döyüşməyə yollanır, digərləri isə təqlidlərlə döyüşməlidirlər. Frirenin təqlidi ilə Friren arasında qızğın döyüş başlayır, Fern isə düzgün məqam axtarır. Fleşbek səhnəsində Friren Zerieyə Flammenin son istəyini çatdırır. Məlum olur ki, Flamme insan imperatora sehr tədqiqatlarına başlamaq üçün icazənin verməsinə nail olub. İndiki zamanda Fern Frirenin təqlidinə "Zoltraak" sehri ilə zərbə endirir. | ||||||
| 26 | 26 | "Sehrin pik nöqtəsi" "Maho no Takami" (魔法の高み) | Hirotaka Mori | Keyiçiro Saytı, Dayki Haraşina və Toru İvazava | Keysuke Hiroe, İzumi Sequçi, Hirotoşi Aray və Yusuke Yaeqaşi | 8 mart 2024 |
| Fernin sehri Frirenin təqlidini öldürə bilmir. Tərəflər arasında döyüş davam edir. Digər tərəfdə Denken və Metode özlərinə uyğun təqlidləri seçərək onlarla döyüşməyə başlayır. Lavine və Rixter digər təqlidləri məhv etsələr də, Zenzenin təqlidi onları ölümcül yaralayır və onlar imtahanı tərk etməli olurlar. Übel bildirir ki, o, Zenzenin saç sehrinə qarşı güclüdür. Fleşbek səhnəsində Übel çox yüksək müdafiə sehrinə malik birinci dərəcəli sehrbazı öldürərək hamını şoka salır. Zenze anlayır ki, Übelin kəsmə sehri çox güclüdür və onun təqlidini asanlıqla məhv edə bilər. İndiki zamanda Übel Zenzenin təqlidini yox edir. Metode Virbelin komandasına çatır və onları da plana qatır. Frirenin köməyi ilə Fern təqlidə ölümcül zərbə endirir. Lakin o, həlledici zərbə endirmək istəyəndə Frirenin təqlidi telekinetik bacarıqla ona hücum edir. Bundan təsirlənən Fern bu hücumu sehrin pik nöqtəsi adlandırır. Friren təqlidin işini bitirir. Onlar Şpigeli məhv etdikdən sonra bütün təqlidlər yox olur və qalanlar imtahanı keçmiş olur. | ||||||
| 27 | 27 | "İnsanların erası" "Ninqen no Ciday" (人間の時代) | Ka Hi İm | Nobuhide Kariya | Nobuhide Kariya, Kanako Yoşida və Yuri Fucinaka | 15 mart 2024 |
| Fern ikinci imtahan zamanı qırılmış əsasını təmir etdirmək istəsə də, Friren ona yenisini almağə məsləhət görür. Bu isə Fernin xətrinə dəyir, çünki bu əsanı ona Hayter vermişdi. Denken Rixteri, Kanne Lavineni təsəlli edir. Fern mehmanxanaya gələndə Frirenin əsasını Rixterə təmir etdirdiyini görür və sevinir. Zerie üçüncü imtahanı müsahibə əsasında keçirməyə qərar verir. O, namizədləri intuisiyası əsasında qiymətləndirəcək. Kanne, Laufen, Dünste, Ehre və Şarf imtahandan dərhal kəsilir. Friren daxil olanda Zerie hücum sehrləri ilə maraqlanmadığı üçün onu da imtahandan kəsir. Friren bildirir ki, o, kiçik sehrləri əhəmiyyətsiz hesab etsə də, həmin sehrlərdən biri ilə Himmel ilə tanış olub və nəhayət İblis kralı məğlub edib. Fern daxil olanda Zerienin manasının Friren kimi axdığını görür. Zerie onda böyük potensial görür və şagirdlik təklif edir. Lakin Fern təklifi qəbul etmir. Buna baxmayaraq Zerie onu imtahandan keçirir. | ||||||
| 28 | 28 | "Növbəti dəfə görüşəndə utandırıcı olacaq" "Mata Atta Toki ni Hazukaşikara ne" (また会ったときに恥ずかしいからね) | Keyiçiro Saito | Keyiçiro Saito | Takasemaru, Dayki Haraşina və Şiniçi Yoşikava | 22 mart 2024 |
| Zerienin müsahibəsi davam edir. O, Denken, Metode, Virbel, Land və Übelin qətiyyətini bəyənir və onları imtahandan keçirir. İmtahan başa çatır və hamı dağılışır. Fern və Ştark bir çörəkxanada Denken və Laufenlə söhbət edirlər. Denken öz ölmüş arvadından danışır. Başqa bir yerdə Friren Virbeldən öyrənir ki, Virbel Himmeldən təsirlənərək qəhrəman olmağa qərar verib. Axşam Fern və digər imtahandan keçənlər mükafatlarını almaq üçün Zerienin yanına gedirlər. Ştark və Frien onu gözləyərkən Zerienin şagirdi Lernen onlara hücum edir. Lernen Zerie tərəfindən unudulmamaq üçün Frireni öldürmək istəyir. Lakin Friren bildirir ki, Zerie bütün şagirdlərini, hətta sevdikləri sehrləri xatırlayır. Lernen sakitləşir. Növbəti gün Frirenin komandası şəhərdən ayrılmağa hazırlaşır. Fern bildirir ki, o, Zeriedən paltarları təmiz saxlama sehri istəyib. Çıxış körpüsündə Lavine və Kanne Frirenə təşəkkür edib sağollaşır. Fern bu sağollaşmanın tez-bazar olduğunu bildirir. Fleşbek səhnəsində Himmel dramatik sağollaşmaları sevmədiyini, çünki növbəti dəfə görüşəndə utandırıcı olacağını bildirir. Friren və komandası səyahətinə davam edir. | ||||||
| Ser. № |
Möv. № |
Azərbaycanca adı Yaponca adı[26] |
Rejissor[26] | Hekayə lövhəsi[26] | Animasiya rejissoru[26] | Yayım tarixi |
|---|---|---|---|---|---|---|
| 29 | 1 | "Elə isə gedəkmi?" "Ca İko ka" (じゃあ行こうか) | Tomoya Kitaqava | Tomoya Kitaqava | Takasemaru | 16 yanvar 2026 |
| Endeyə doğru səyahətinə davam edən Friren və komandası pul qazanmaq üçün yaxınlıqdakı bir qəsəbəyə yollanmağa qərar verirlər, lakin yolda sehri neytrallaşdıran kristallarla dolu olan mağaraya düşürlər. Ştark Fern və Frireni qoruyur, güclü bədheybətlə qarşılaşanda isə onlarla birlikdə mağaradan qaçır. Daha sonra bir yolayrıcına çatırlar və mehmanxanada qalmağa qərar verirlər. Burada Virbelin komandası ilə qarşılaşırlar. Virbel Ştarka təklif edir ki, onun komandasına qoşulsun, bu isə Ferni narahat edir. Lakin Ştark təklifi qəbul etmədiyini, Friren və Fern sayəsində böyüdüyünü bildirir. Növbəti gün iş tapmaq üçün yollarına davam edirlər. | ||||||
| 30 | 2 | "Cənubun qəhrəmanı" "Minami no Yuşa" (南の勇者) | Nobuhiro Muto | Tomoya Kitaqava | Keysuke Kocima və Yuri Fucinaka | 23 yanvar 2026 |
| Friren və komandası Fabel qəsəbəsində qəhrəman heykəli təmizləmək vəzifəsi götürürlər. Ştark heykəlin Himmelə aid olduğunu zənn etsə də, əslində uzun illər öncə Yeddi Məhv Müdrikinə qarşı döyüşmüş və ölmüş Cənubun qəhrəmanına aid olduğu üzə çıxır. Fleşbek səhnəsində Cənubun qəhrəmanı Frirendən kömək istəyir, lakin Friren rədd edəndə, gələcəyi gördüyünü, öləcəyini və bir müddət sonra bir qəhrəmanın da ondan kömək istəyəcəyini deyir. İndiki zamanda komanda qraf Dax tərəfindən idarə olunan şəhərə çatırlar. Dax ailəsinə məxsus yadigar qılıncın bir iblis tərəfindən oğurlandığını bildirib kömək istəyir. Onlar axtarışlardan sonra Qılınc iblisi tərəfindən məhv edilmiş bir kəndə çatırlar. Qılınc iblisi onları aldatmaq istəsə də, Friren onun əsl kimliyini anlayır və qısa döyüşdən sonra iblisi məğlub edərək qılıncı qaytarırlar. | ||||||
| 31 | 3 | "Onun bəyənəcəyi yerlər" "Suki na Başo" (好きな場所) | Yohey Tsuçiya | Yohey Tsuçiya | Fen Tao Şe və Runa Harano | 30 yanvar 2026 |
| Friren və komandası Etvas dağlarında onsenləri ilə tanınan kəndə gəlirlər, lakin onsenlərin quruduğunu öyrənirlər. Ştarkın israrı ilə onlar Etvas dağlarındakı gizli onseni axtarmağa başlayırlar. Yolda üçbaşlı bir bədheybəti öldürürlər və nəhayət dayaz onseni tapırlar. Buna baxmayaraq, onsenin dadını çıxarırlar və Ştark bu onseni ustası Ayzendən eşitdiyi üçün bura gəlmək istədiyini deyir. Bir həftə sonra Heyts şəhərinə çatırlar və orada vaxt keçirməyə başlayırlar. Friren onsenə gedir. Ştark isə Ferni görüşə dəvət edir, lakin onun bəyənəcəyi yerləri bilmədiyi üçün Frirendən məsləhət istəyir. Friren Fernin bəyənəcəyi yerləri desə də, bu məlumatları Hayterdən aldığını deyir. Axşam Fern də görüş barədə Frirendən məsləhət istəyir və görüş barəsində həyəcan keçirir. | ||||||
| 32 | 4 | "Başqalarının evləri" "Dareka no Kokyo" (誰かの故郷) | Kentaro Hori | İzumi Sequçi | İzumi Sequçi | 6 fevral 2026 |
| Fern və Ştark görüşə çıxırlar. Onlar müxtəlif yerləri gəzirlər, lakin Fern xoşbəxt görünmür. Bunu görən Ştark vəziyyəti başa düşür və əslində gəzdikləri yerləri Frirenə seçdirdiyini, bunu onu xoşbəxt etmək istədiyi üçün etdiyini bildirir. Bunu eşidən Fern özünü yaxşı hiss edir. Eyni zamanda Friren Himmellə bir pişiyi tapmaq üçün çıxdıqları görüşü xatırlayır. Növbəti gün Friren və komandası səyahətlərinə davam edir və nəhayət Şimal yaylasına keçid edirlər. Onlar yolda bir sıra zəif bədheybətləri məğlub etdikdən sonra cəmi bir ailənin yaşadığı kəndə çatırlar və yaxınlıqda çox güclü bir bədheybətin olduğunu öyrənirlər. Ev sahibinin xahişi ilə Friren və komandası bədheybətlə döyüşməyə gedir. Onlar çətinlik çəksələr də, bədheybəti öldürməyi bacarırlar. Ştark dəniz yolu ilə getməyin daha yaxşı olub olmayacağını düşünəndə, Friren Himmelin sözünü xatırlayaraq Şimal yaylasında xeyli insanın yaşadığını və onları qoruduqlarını bildirir, Ştark onun sözlərinə qatılır. | ||||||
| 33 | 5 | "Şimal yaylasında logistika" "Hokubu Koqen no Butsuryu" (北部高原の物流) | Hiroyuki Kobaşi | Hiroyuki Kobaşi | Hiroyuki Kobaşi | 13 fevral 2026 |
| Frieren və komandası pivə istehsalı ilə məşhur olan Bier bölgəsinə çatırlar. Burada 200 ildir ki, Boshaft adlı əfsanəvi içkini axtaran qnom Fass ilə qarşılaşırlar. Fass içkinin yerini tapdığını, amma otağın Frirenin keçmiş elf dostu olan Milliarde tərəfindən qoyulmuş möhürünü açmaq üçün Frirenin köməyini isstədiyini bildirir. Friren əvvəlcə razılaşmır, amma təklifi qəbul edir. Üç ay davam edən araşdırmalardan sonra otağı açırlar, amma içkinin bərbad olduğu üzə çıxır. Buna baxmayaraq, Friren Hayterin sözünü xatırlayaraq birlikdə içmənin əyləncəli olduğu bildirir. Səyahətə davam edən Friren və komandası Şimal yaylasının ən güclü şirkəti olan "Norm" şirkətinin qərargahına çatırlar. Burada Frirenin 80 illik borcunun ödənməsi tələb olunur və o, mədəndə işləməyə göndərilir. Şirkətin rəhbəri şirkətin logistika sisteminin zəiflədiyini, pula ehtiyac olduqları və Frirendən mədəndə gümüş tapmasını xahiş edir. Friren təklifi qəbul edərək sehrdən istifadə edir və gümüş yataqlarını üzə çıxarır. | ||||||
| 34 | 6 | "İblis öldürmə tələbi" "Tobatsu Yosey" (討伐要請) | Nobuhiro Muto | Dayki Haraşina | Dayki Haraşina | 27 fevral 2026[b] |
| Zerienin iblis öldürmə tələbini yerinə yetirmək məqsədilə Şimal yaylasına gələn Qenau və Metode iblislər tərəfindən dağıdılmış kəndə çatırlar. Kənddəki iblisləri öldürən Qenau uşaqlıqdan tanıdığı bir çörəkçinin oğlunu ağır yaralı vəziyyətdə tapır, lakin həyatını xilas edə bilmir. Qısa müddət sonra Friren və komandası da kəndə gəlir. Belə ki, Fern də Zerienin iblis öldürmə tələbini qəbul edib. Ölüləri analiz edən Qenau qılıncdan istifadə edən daha güclü bir iblisin kəndə hücum etdiyini düşünür. Onlar güclərini birləşdirib iblisi öldürməyə qərar verirlər və strategiya müzakirəsinə başlayırlar. Yemək fasiləsində Ştark Qenaudan niyə ölüləri basdırmadığını soruşur, Qenau isə Şimal yaylasında ölülərin dəfn edilmədiyini, çünki qoxularının bədheybətləri cəlb etdiyini deyir. Ölülərdəki yaraları analiz edən Metode və Ştark kəndə hücum edən güclü iblisin iki yox, dörd qılıncdan istifadə etdiyi qərarına gəlirlər. | ||||||
| 35 | 7 | "İlahi Revolte" "Şinqi no Revorute" (神技のレヴォルテ) | Aimi Yamauçi | Dayki Haraşina və Keyiçiro Sayto | Şiniçi Yoşikava | 7 mart 2026 |
| Fleşbek səhnəsində Zerienin tapşırığı ilə Qenau və Metodenin partnyor seçilməsi göstərilir. Qenau bir uşağı qoruyarkən ölmüş keçmiş partnyorunu xatırlayır, onun yaxşı bir insan olduğunu bildirir. İndiki zamanda Friren, Fern, Ştark, Qenau və Metodedən ibarət olanda komanda bədəninin yarısı ilan olan, dördqollu iblis Revolteni məğlub etmək planı qurur. Bir qalada gizlənmiş Revolte öz yoldaşına deyir ki, insanlar cəsədlərini qorumağa meyillidirlər, bu səbəbdən onların komandası bölünəcək. Revoltenin təxmin etdiyi kimi Qenau və Ştark cəsədləri qorumaq üçün kənddə qalırlar, qalanları isə iblisləri məğlub etməyə yollanır. Friren, Fern və Metode yolda söhbət edərkən iki iblisin hücumuna məruz qalırlar və aralarında döyüş başlayır. Erkək iblis duman sehri ilə ətrafı dumana bürüyür, dişi iblis isə Metodenin arxasında düşür. Digər tərəfdə Qenau Ştarka keçmiş partnyorunun Revolte tərəfindən öldürüldüyünü danışır. Bu zaman Revolte onlara hücum edir və döyüş başlayır. | ||||||
| 36 | 8 | "Möhtəşəm sonluq" "Rippana Sayqo" (立派な最期) | 13 mart 2026 | |||
| Cild | Seriyalar | Üzlük personaj(lar)ı | Buraxılış tarixi | İst. | ||
|---|---|---|---|---|---|---|
| I mövsüm | ||||||
| I | 1–4 | Friren | 24 yanvar 2024 | [28] | ||
| II | 5–8 | Fern | 21 fevral 2024 | [29] | ||
| III | 9–12 | Ştark | 20 mart 2024 | [30] | ||
| IV | 13–16 | Zayn | 17 aprel 2024 | [31] | ||
| V | 17–20 | Flamme və Friren | 22 may 2024 | [32] | ||
| VI | 21–24 | Friren, Himmel, Hayter və Ayzen | 19 iyun 2024 | [33] | ||
| VII | 25–28 | Fern, Friren və Ştark | 17 iyul 2024 | [34] | ||
| II mövsüm | ||||||
| I | 29–32 | Friren | 15 aprel 2026 | [35] | ||
| II | 33–35 | bilinmir | 20 may 2026 | [36] | ||
| III | 36–38 | bilinmir | 17 iyun 2026 | [37] | ||
- ↑ Yi Cun Lin, Ayano Suzuki, Şizuku İşii, Yasunori Yamaquçi, Şinya Kudo, Un-Yon Li, Don Kim və Hirotoşi Aray
- ↑ 34-cü seriya 2026 Qış Olimpiya Oyunlarının yayımı səbəbilə bir həftəlik təxirə salınıb.[27]
- ↑ アニメ『葬送のフリーレン』2023年秋に放送決定。主人公・フリーレンを演じるのは種崎敦美。制作は『ワンパンマン』などを手掛けるマッドハウスが担当. Famitsu (yapon). 8 mart 2023. 8 mart 2023 tarixində arxivləşdirilib. İstifadə tarixi: 1 mart 2025.
- ↑ Pineda, Rafael Antonio. "Frieren: Beyond Journey's End Anime's Promo Video Reveals Cast, Staff, Fall Premiere". Anime News Network. 8 mart 2023. 8 mart 2023 tarixində arxivləşdirilib. İstifadə tarixi: 1 mart 2025.
- 1 2 Cayanan, Joanna. "Frieren: Beyond Journey's End Anime Reveals Half-Year Run, Premiere's Special Ending Song". Anime News Network. 27 sentyabr 2023. 27 sentyabr 2023 tarixində arxivləşdirilib. İstifadə tarixi: 1 mart 2025.
- ↑ Loo, Egan. "Frieren: Beyond Journey's End Anime's 2nd Video Unveils 2-Hour September 29 Debut". Anime News Network. 29 iyun 2023. 29 iyun 2023 tarixində arxivləşdirilib. İstifadə tarixi: 1 mart 2025.
- ↑ アニメ「葬送のフリーレン」は日本テレビの新アニメ枠で、主題歌はYOASOBI＆milet. Comic Natalie (yapon). Natasha, Inc. 1 sentyabr 2023. 31 avqust 2023 tarixində arxivləşdirilib. İstifadə tarixi: 1 mart 2025.
- ↑ Pineda, Rafael Antonio. "NTV Establishes 'Friday Anime Night' Programming Block in October". Anime News Network. 3 sentyabr 2023. 4 sentyabr 2023 tarixində arxivləşdirilib. İstifadə tarixi: 1 mart 2025.
- ↑ 葬送のフリーレン：最終回「また会ったときに恥ずかしいからね」 一級魔法使い試験の結果は？ 旅立つ時. Mantan Web (yapon). 22 mart 2024. 22 mart 2024 tarixində arxivləşdirilib. İstifadə tarixi: 1 mart 2025.
- ↑ Pineda, Rafael Antonio. "Frieren: Beyond Journey's End Anime's Promo Video Reveals Theme Songs". Anime News Network. 31 avqust 2023. 31 avqust 2023 tarixində arxivləşdirilib. İstifadə tarixi: 1 mart 2025.
- ↑ Hodgkins, Crystalyn. "Frieren: Beyond Journey's End Anime Reveals New Video, 11 More Cast Members for 'First Class Mage Exam' Arc". Anime News Network. 22 dekabr 2023. 23 dekabr 2023 tarixində arxivləşdirilib. İstifadə tarixi: 1 mart 2025.
- ↑ ヨルシカとmiletが主題歌担当する「葬送のフリーレン」第2クールのノンクレジット映像公開. Music Natalie (yapon). Natasha, Inc. 6 yanvar 2024. 6 yanvar 2024 tarixində arxivləşdirilib. İstifadə tarixi: 1 mart 2025.
- ↑ Beveridge, Chris. "TOHO Reveals 6th 'Frieren: Beyond Journey's End' Anime DVD/BD Limited Edition Release Packaging". The Fandom Post. 21 iyul 2024. 20 sentyabr 2024 tarixində arxivləşdirilib. İstifadə tarixi: 1 mart 2025.
- ↑ Hodgkins, Crystalyn. "Crunchyroll to Stream Frieren: Beyond Journey's End, A Girl & Her Guard Dog Anime". Anime News Network. 15 iyul 2023. 27 sentyabr 2023 tarixində arxivləşdirilib. İstifadə tarixi: 1 mart 2025.
- ↑ 「葬送のフリーレン」アニメ2期制作決定！ビジュアル公開 制作は引き続きマッドハウス. Comic Natalie (yapon). Natasha, Inc. 28 sentyabr 2024. 28 sentyabr 2024 tarixində arxivləşdirilib. İstifadə tarixi: 1 mart 2025.
- ↑ Loo, Egan. "Frieren: Beyond Journey's End Anime Gets 2nd Season". Anime News Network. 28 sentyabr 2024. 28 sentyabr 2024 tarixində arxivləşdirilib. İstifadə tarixi: 1 mart 2025.
- ↑ The Hindu Bureau. "'Frieren: Beyond Journey's End' has officially begun production on Season 2". The Hindu. 29 sentyabr 2024. 6 oktyabr 2024 tarixində arxivləşdirilib. İstifadə tarixi: 1 mart 2025.
- ↑ "Frieren: Beyond Journey's End Anime's 2nd Season Debuts on January 16". Anime News Network (ingiliscə). 26 sentyabr 2025. 26 sentyabr 2025 tarixində arxivləşdirilib. İstifadə tarixi: 26 sentyabr 2025.
- ↑ "「葬送のフリーレン」本PV公開、南の勇者役は井上和彦 OPはMrs. GREEN APPLEの新曲". Comic Natalie (yaponca). 11 yanvar 2026. 15 yanvar 2026 tarixində arxivləşdirilib. İstifadə tarixi: 11 yanvar 2026.
- ↑ "Frieren: Beyond Journey's End 2nd Season Anime's New Trailer Reveals milet's Ending Theme". Anime News Network (ingiliscə). 20 noyabr 2025. 21 noyabr 2025 tarixində arxivləşdirilib. İstifadə tarixi: 20 noyabr 2025.
- ↑ Cayanan, Joanna. "Frieren: Beyond Journey's End Anime Streams Original Mini-Anime". Anime News Network. 11 oktyabr 2023. 6 noyabr 2023 tarixində arxivləşdirilib. İstifadə tarixi: 1 mart 2025.
- ↑ 『葬送のフリーレン』アニメ公式 [Anime_Frieren]. (Tweet) (yapon). 24 mart 2024 https://twitter.com/Anime_Frieren/status/1771748776883134853 (#bare_url_missing_title). 30 iyun 2024 tarixində arxivləşdirilib. İstifadə tarixi: 1 mart 2025.
- ↑ "葬送のフリーレン』新作ミニアニメ毎月公開へ 第12回は「身長が伸びる魔法」". Oricon News (yaponca). 2 aprel 2025. 2 aprel 2025 tarixində arxivləşdirilib. İstifadə tarixi: 30 yanvar 2026.
- ↑ "🪄ミニアニメ 「葬送のフリーレン ～●●の魔法～」新作公開🪄 「得意技を封じる魔法」 勇者パーティーがひさしぶりに登場！". "Frieren" animesinin rəsmi "Twitter" hesabı (yaponca). 3 sentyabr 2025.
- ↑ "Frieren: Beyond Journey's End Anime's Original Mini-Anime Continues". Anime News Network (ingiliscə). 19 yanvar 2026. 2 fevral 2026 tarixində arxivləşdirilib. İstifadə tarixi: 30 yanvar 2026.
- 1 2 3 4 "Sutōrī | Anime "Sōsō no Furīren" Kōshiki Saito" STORY | アニメ『葬送のフリーレン』公式サイト [Story | Anime "Frieren: Beyond Journey's End" Official Site]. frieren-anime.jp (yapon). 8 oktyabr 2024 tarixində arxivləşdirilib. İstifadə tarixi: 1 mart 2025.
- ↑ "On'ea | Anime "Sōsō no Furīren" Kōshiki Saito" ON AIR | アニメ『葬送のフリーレン』公式サイト [On Air | Anime "Frieren: Beyond Journey's End" Official Site]. frieren-anime.jp (yapon). 29 sentyabr 2023 tarixində arxivləşdirilib. İstifadə tarixi: 1 mart 2025.
- 1 2 3 4 "Sutōrī | Anime "Sōsō no Furīren" Kōshiki Saito" STORY | アニメ『葬送のフリーレン』公式サイト [Story | Anime "Frieren: Beyond Journey's End" Official Site]. frieren-anime.jp (yapon). 13 yanvar 2026 tarixində arxivləşdirilib. İstifadə tarixi: 13 yanvar 2026.
- ↑ "Frieren S2 Announces Official Delay After Revealing First-Look at Its New Arc". ScreenRant (ingiliscə). 16 fevral 2026. 18 fevral 2026 tarixində arxivləşdirilib. İstifadə tarixi: 18 fevral 2026.
- ↑ "Maki Ichi - Burū-rei & Dī-Bī-Dī | Terebi Anime "Sōsō no Furīren" Kōshiki Saito" Vol.1 - Blu-ray&DVD | TVアニメ「葬送のフリーレン」公式サイト [Vol.1 - Blu-ray & DVD | TV Anime "Frieren: Beyond Journey's End" Official Site]. frieren-anime.jp (yapon). 24 noyabr 2023 tarixində arxivləşdirilib. İstifadə tarixi: 2 mart 2025.
- ↑ "Maki Ni - Burū-rei & Dī-Bī-Dī | Terebi Anime "Sōsō no Furīren" Kōshiki Saito" Vol.2 - Blu-ray&DVD | TVアニメ「葬送のフリーレン」公式サイト [Vol.2 - Blu-ray & DVD | TV Anime "Frieren: Beyond Journey's End" Official Site]. frieren-anime.jp (yapon). 2 mart 2025 tarixində arxivləşdirilib. İstifadə tarixi: 2 mart 2025.
- ↑ "Maki San - Burū-rei & Dī-Bī-Dī | Terebi Anime "Sōsō no Furīren" Kōshiki Saito" Vol.3 - Blu-ray&DVD | TVアニメ「葬送のフリーレン」公式サイト [Vol.3 - Blu-ray & DVD | TV Anime "Frieren: Beyond Journey's End" Official Site]. frieren-anime.jp (yapon). 2 mart 2025 tarixində arxivləşdirilib. İstifadə tarixi: 2 mart 2025.
- ↑ "Maki Yon - Burū-rei & Dī-Bī-Dī | Terebi Anime "Sōsō no Furīren" Kōshiki Saito" Vol.4 - Blu-ray&DVD | TVアニメ「葬送のフリーレン」公式サイト [Vol.4 - Blu-ray & DVD | TV Anime "Frieren: Beyond Journey's End" Official Site]. frieren-anime.jp (yapon). 2 mart 2025 tarixində arxivləşdirilib. İstifadə tarixi: 2 mart 2025.
- ↑ "Maki Go - Burū-rei & Dī-Bī-Dī | Terebi Anime "Sōsō no Furīren" Kōshiki Saito" Vol.5 - Blu-ray&DVD | TVアニメ「葬送のフリーレン」公式サイト [Vol.5 - Blu-ray & DVD | TV Anime "Frieren: Beyond Journey's End" Official Site]. frieren-anime.jp (yapon). 2 mart 2025 tarixində arxivləşdirilib. İstifadə tarixi: 2 mart 2025.
- ↑ "Maki Roku - Burū-rei & Dī-Bī-Dī | Terebi Anime "Sōsō no Furīren" Kōshiki Saito" Vol.6 - Blu-ray&DVD | TVアニメ「葬送のフリーレン」公式サイト [Vol.6 - Blu-ray & DVD | TV Anime "Frieren: Beyond Journey's End" Official Site]. frieren-anime.jp (yapon). 2 mart 2025 tarixində arxivləşdirilib. İstifadə tarixi: 2 mart 2025.
- ↑ "Maki Nana - Burū-rei & Dī-Bī-Dī | Terebi Anime "Sōsō no Furīren" Kōshiki Saito" Vol.7 - Blu-ray&DVD | TVアニメ「葬送のフリーレン」公式サイト [Vol.7 - Blu-ray & DVD | TV Anime "Frieren: Beyond Journey's End" Official Site]. frieren-anime.jp (yapon). 24 noyabr 2023 tarixində arxivləşdirilib. İstifadə tarixi: 2 mart 2025.
- ↑ "Dai Ni-ki Maki Ichi - Burū-rei & Dī-Bī-Dī | Terebi Anime "Sōsō no Furīren" Kōshiki Saito" Season2 Vol.1 - Blu-ray&DVD | TVアニメ「葬送のフリーレン」公式サイト [Season 2 Vol.1 - Blu-ray & DVD | TV Anime "Frieren: Beyond Journey's End" Official Site]. frieren-anime.jp (yapon). 16 yanvar 2026 tarixində arxivləşdirilib. İstifadə tarixi: 16 yanvar 2026.
- ↑ "Dai Ni-ki Maki Ni - Burū-rei & Dī-Bī-Dī | Terebi Anime "Sōsō no Furīren" Kōshiki Saito" Season2 Vol.2 - Blu-ray&DVD | TVアニメ「葬送のフリーレン」公式サイト [Season 2 Vol.2 - Blu-ray & DVD | TV Anime "Frieren: Beyond Journey's End" Official Site]. frieren-anime.jp (yapon). 17 yanvar 2026 tarixində arxivləşdirilib. İstifadə tarixi: 16 yanvar 2026.
- ↑ "Dai Ni-ki Maki San - Burū-rei & Dī-Bī-Dī | Terebi Anime "Sōsō no Furīren" Kōshiki Saito" Season2 Vol.3 - Blu-ray&DVD | TVアニメ「葬送のフリーレン」公式サイト [Season 2 Vol.3 - Blu-ray & DVD | TV Anime "Frieren: Beyond Journey's End" Official Site]. frieren-anime.jp (yapon). 16 yanvar 2026 tarixində arxivləşdirilib. İstifadə tarixi: 16 yanvar 2026.