Güntay Gəncalp

Güntay Gəncalp 1966-cı il 21 dekabrda İranın Muğan məntəqəsi, Xoruzlu mahalının Limli kəndində anadan olub.

İbtidai təhsili Limli kəndində, orta məktəbi Ərdəbildə bitirib. Orta məktəbdə oxuduğu zaman ana dili və ədəbiyyatı ilə çox maraqlanıb. O zaman inqilab yenicə olduğundan türk dilində qəzetlər yenicə işıq üzü görürdü. Əvəllər Güntay Cavanşir, daha sonralar Güntay Gəncalp adı ilə yazılar yazıb, tərcümələr edib. Bakıda 6, İranda 2 kitabı çap olunub.

Finlandiyada mühacirətdə yaşayan publisist Güntay Gəncalp Amerikanın Səsinə müsahibədə Azərbaycan tarixinin yazılış tərzini tənqid edib. Onun sözlərinə görə müxtəlif siyasi rejimlər altında formalaşan tarixi şüur əksər hallarda qüsurlu şəxsiyyətləri milli qəhrəmana çevirərək Azərbaycanın təkamülünü yanlış istiqamətə yönəldib.^[1]

Əslən Ərdəbil vilayətinin Muğan bölgəsindən olan araşdırmaçı yazarın son zamanlarda Səfəvilər dövləti, onun banisi Şah İsmayıl Xətai, habelə Hurufilər və İmaddəddin Nəsimi ilə bağlı yazdıqları böyük polemikalara səbəb olub. Güntay Gəncalpın fikrincə şiəliyi Azərbaycan gətirməklə, bu toplumu türk dünyasından ayıran Şah İsmayıl Azərbaycan dövlətçiliyini formalaşdıran deyil, onun təkamülünün qarşısını alan bir şəxs sayılmalıdır. Belə ki, onun qurduğu dövlət Azərbaycan məmləkətinə deyil, İran imperiyasının yaranmasına yol açdı.^[2]

İndiki İslam Respublikası Səfəvilər dövlətinin varisidir. Güntay Gəncalp

Güneyli publisist hesab etdiyini bildirib ki, uzun müddət Azərbaycan türkləri yad siyasi rejimlərin əsarəti altında yaşadıqlarından onların tarixləri də həmin qüvvələr tərəfindən diktə edilib. Nəticədə, Azərbaycan xalqına qəhrəman qismində bu millətin həqiqi qurucuları və şəxsiyətləri deyil, Sovetlərin yaxud İrançıların müsbət hesab etdiyi şəxsiyyətlər sırıdılıb.^[3]

Səfəvilər kitabının müəllifi müasir tarix elmini “sadəcə tarixi olayların sadalanması kimi” deyil, “olayların incələnməsi” kimi qiymətləndirir. Onun sözlərinə görə, “tarixçilik” ilə “tarix yazmaq” eyni şeylər deyil, və indiki tarixçilər keçmişdəki tarix yazarlarının yazdıqlarına istinad edərək indi məqbul olan informasiya əsasında tarixi olayları təhlil etməlidirlər.^[4]

Əvəllər Güntay Cavanşir, daha sonralar Güntay Gəncalp adı ilə yazılar yazıb, tərcümələr edib. Bakıda 6, İranda 2 kitabı çap olunub.

Bütün insanlar qardaşdır Mahatmaq Qandi Tərcümə: Güntay Gəncalp 2011-ci il

• "Tahirə Qurrət-ul Eyn" Dörd pərdəli pyes ^[5].
• "Səməd Behrəngi" Oynav(pyes) http://gencalpguntay.blogspot.com/2010/11/smd-behrngi-oynav-pyes.html Arxivləşdirilib 2016-03-05 at the Wayback Machine

Səməd Behrənginin "Qaraca balıq" hekayəsinin davamı olaraq, yazdığı "Qırmızı balıq" ^[6] və bir də "Qocabəylilər" adlı böyük romanı bu günlərdə Bakıda çap olunacaq.

• "Axundovçuluq və antiaxundovçuluq üzərinə" ^[7]
• "Türkiyə- İran ilişkiləri və İran türkləri" ^[8]
• "Hüseyin Cavidin təsvir etdiyi Atatürk obrazı" ^[9]
• Pro. Dr. Cavad Heyət ^[10]

• Güntay Gəncalp şəxsi bloqu Arxivləşdirilib 2011-08-12 at the Wayback Machine
• Güntay Gəncalpın şeirləri^{[ölü keçid]}
• Güntay Gəncalpın tarix, tərcümə, şeir və hekayələri
• Güntay Gəncalpın hekayələri^{[ölü keçid]}
• Güntay Gəncalpın tərcümələri
• Atatürk örnəyi və Milli Qurtuluş Hərəkatı Arxivləşdirilib 2010-08-31 at the Wayback Machine
• Güntay Gəncalp "Anti Axundov"çuluq nədir?^{[ölü keçid]}
• [1] Arxivləşdirilib 2016-03-04 at the Wayback Machine
• Sezənin sevgisi^{[ölü keçid]}
• Yüksəl Birol Arxivləşdirilib 2016-03-04 at the Wayback Machine
• Abbas Mirzə və Azərbaycan^{[ölü keçid]}