Güzelce kəməri, Gözlüce kəməri və ya Cebeciköy kəməri— İstanbulun Sultanqazi ilçəsinin Cebeci məhəlləsində yerləşən tarixi bir su kəməridir[1]. Hündürlüyü 29,5 metr və uzunluğu 155 metr olan su kəmərinin aşağıda 8, yuxarıda isə 11 tağ var. Su kəmərinin divarlarının qalınlığı aşağı hissəsində 5,4 metr, yuxarı hissəsində isə 2,6 metrdir. Su kəmərinin tikintisində yonulmuş daşdan istifadə olunub[2]. Memar Sinanın əsəri olan bu tikili hazırda Alibeyköy su bəndi hövzəsi daxilində yerləşir. Su anbarının suları çəkildiyi yay aylarında onu diqqətlə araşdırmaq olar. Tikildiyi 16-cı əsrin memarlıq xüsusiyyətlərini pozmadan qoruyub saxlaya bilib. Yaxın ərazidə yaşayış məntəqəsi olmadığı və demək olar ki, yarıya qədər bəndin suları altında qaldığı üçün hal hazırda dağılma riski minimaldır.
