Girokastra Milli Folklor Festivalı
Girokastra Milli Folklor Festivalı (alb. Festivali Folklorik Kombëtar i Gjirokastrës) ― Albaniyanın cənubunda yerıəşən Girokastra şəhərinin eyniadlı qalasında hər beş ildən bir keçirilən sənət festivalı. Festival ilk dəfə 1968-ci ildə baş tutmuşdur və Albaniya mədəniyyətinin ən vacib hadisəsi hesab olunur.[1] Festivalda Albaniya vətəndaşları, diaspora nümayəndələri və Balkanlardan və İtaliyanın cənubundan gələn insanlar alban ənənəvi musiqisi, geyimləri və rəqsləri nümayiş etdirirlər. Girokastra festivalı 1949-cu ildə Tirana şəhərində başlayan Folklor Festivalları ənənəsini təqib edir.[1][2]
Girokastra Milli Folklor Festivalından əvvəl 1949-cu ildə və daha sonra 25-27 noyabr 1959-cu illərdə Albaniyanın paytaxtı Tirana şəhərində "Milli Mahnı, Musiqi və Rəqs Festivalı" keçirilirdi.[2][2] On il sonra, 8-16 oktyabr 1968-ci ildə Albaniyanın kommunist lideri və Girokastrada doğulmuş Ənvər Xocanın doğum günü şərəfinə ilk "Milli Folklor Festivalı" keçirildi.[3] Festival hər beş ildən bir 1973, 1978, 1983 və 1988-ci illərdə təkrar təşkil olunurdu. Festival 1995-ci ildə Berat şəhərində keçirildi, 2000-ci ilin sentyabr ayından isə yenidən Girokastrada təşkil olunmağa başladı.[1]
Festival doqquzuncu dəfə 2009-cu ilin sentyabr ayında baş tutdu.[4] Festivalın qalibləri Şkoder vilayəti təmsilçiləri oldular, onlar ən yaxşı ümumi çıxışlarına görə birinci yeri tutdular, ən yaxşı fərdi çıxışlarda isə Şərif Dərvişi və Mifterin Uka hamını üstələdilər.[5]
Festivalın onuncu mövsümü 10–16 may 2015-ci ilə təsadüf etdi.[6] COVID-19 koronavirus pandemiyasına görə festivalın 11-ci mövsümü bir il sonraya, 2021-ci ilin 1-8 may tarixlərinə təxirə salındı.[7]
- ↑ 1 2 3 Tole, Vasil. "Inventory of performers on iso-polyphony" (PDF). UNESCO. səh. 52. 13 iyul 2011 tarixində arxivləşdirilib (PDF). İstifadə tarixi: 26 iyul 2010.
- ↑ 1 2 3 "YouTube Festivali Folkloristik 1949". YouTube. 9 aprel 2016 tarixində arxivləşdirilib. İstifadə tarixi: 7 noyabr 2010.
- ↑ Ahmedaja, Ardian; Haid, Gerlinde. European voices: Multipart singing in the Balkans. 1. Wien : Böhlau. 2008. 3 fevral 2020 tarixində arxivləşdirilib. İstifadə tarixi: 24 mart 2021.
- ↑ Top Channel. "Gjirokaster, starton Festivali Folklorik Kombetar". Top Channel (alban). 25 sentyabr 2009. 7 oktyabr 2011 tarixində arxivləşdirilib. İstifadə tarixi: 31 avqust 2010.
- ↑ Gazeta Start. "Shkodra fiton Festivalin e Gjirokastrës". Gazeta Start (alban). 30 sentyabr 2009. 18 yanvar 2010 tarixində orijinalından arxivləşdirilib. İstifadə tarixi: 2 sentyabr 2010.
- ↑ "Arxivlənmiş surət". 23 fevral 2015 tarixində orijinalından arxivləşdirilib. İstifadə tarixi: 24 mart 2021.
- ↑ "Arxivlənmiş surət". www.visit-gjirokastra.com. 20 yanvar 2020 tarixində orijinalından arxivləşdirilib. İstifadə tarixi: 4 iyul 2020.
- Albaniya Mədəniyyət Nazirliyinin rəsmi saytı