Gizəm Saka (türk. Gizem Saka; 9 aprel 1978, İstanbul[1]) — türkiyəli rəssam, keçmiş idmançı, elm adamı və iqtisadçısı. O, Pensilvaniya Universitetinin Uorton Biznes Məktəbində baş müəllim və Harvard Universitetində incəsənət marketinqi texnikaları üzrə mühazirələr verir.
| Gizəm Saka | |
|---|---|
| türk. Gizem Saka | |
 | |
| Doğum tarixi | 9 aprel 1978 (47 yaş) |
| Doğum yeri | |
| Milliyyəti | türk |
| Fəaliyyəti | rəssam, iqtisadçı, universitet müəllimi[d] |
| Təhsili |
Koç Universiteti Kornell Universiteti |
| Tanınmış işləri |
Qadınlar, İstanbul evləri, Falıma bax Osmanlı İznik çiniləri, Kitab sevgisi, Rəssamlıqda ədəbiyyat |
 Vikianbarda əlaqəli mediafayllar | |
Gizəm Saka 9 aprel 1978-ci ildə İstanbulda anadan olub və böyüyüb. 1999-cu ildə Koç Universitetində iqtisadiyyat üzrə bakalavr dərəcəsi alıb. Elə həmin il ABŞ-yə köçüb. O, 2008-ci ildə Kornell Universitetində davranış və eksperimental iqtisadiyyat üzrə doktorluq dərəcəsinə yiyələnib. Universitetdə təhsil alarkən rəsm çəkməyə başlayan Saka, dulusçuluq və heykəltəraşlıq üzrə də təhsil alıb. 2000-ci ildə Kornell Universitetinin İncəsənət və Memarlıq kafedrasında təhsil almışdır. 2005-ci ildə o, ilk fərdi sərgisini Monrealdakı Qora qalereyasında keçirib.[2] 2005-ci ildən sonra o, bir çox beynəlxalq incəsənət təşkilatlarında sərgilərini davam etdirib. Tələbəlik illərində atletika ilə məşğul olan Saka, həmçinin gimnastika üzrə Türkiyə milli çempionu və 1989-1993-cü illər arasında Türkiyə milli gimnastika komandasının üzvü olub.
Sakanın sənət anlayışına Yaxın Şərq və Aralıq dənizi rənglərini özündə birləşdirən dekorativ elementlər daxildir. Keçmişindən ilham alan Sakanın əsərlərinin əsas mövzusu qadınlar, kitab oxumaq, Osmanlı dövrünə aid İznik çini qabları və fiqurlardır. Müsahibələrinin birində o, ailəsində qadınlar çoxluq təşkil etdiyindən tez-tez qadınların sevinci və kədərlərini müşahidə etdiyini bildirmişdi. Onun davam edən "Qadınlar" kolleksiyasına: çay və qəhvə içmək, dostlarla söhbət etmək, sevgilini öpmək, kitab oxumaq və ya güzgüyə baxmaq kimi gündəlik həyat tərzləri daxildir. O, "İstanbul evləri" kolleksiyasında doğma şəhərinin sadəlövh, ibtidai şəhər mənzərələrini təsvir edib. Onun "Falıma bax" adlı kolleksiyası bəzi mədəniyyətlərdə falçılıq kimi istifadə edilən üyüdülmüş qəhvə və espresso fincanlarının vizual təsvirini özündə birləşdirib. Onun 2013-cü ildə Boston Universitetində keçirdiyi sərgisi XVI əsr Osmanlı yelkənli gəmilərini təsvir edən irimiqyaslı kətanlardan ibarət idi.[3][4][5] Yeni kolleksiyası "Rəssamlıqda ədəbiyyat" adlanır ki, burada o, kətanları sanki bir dəftərdə düzərək, ədəbi əsərlərdən ən sevdiyi parçaları vurğulayıb. Saka yerli, qeyri-kommersiya məkanlarında, qalereya və ictimai məkanlarda sərgilər təşkil edib. Onun rəsmləri dünyanın hər yerində şəxsi kolleksiyalarda yer alır.
Kornell Universitetinin doktorantı olan Gizem Saka, Karnegi Mellon Universitetinin Tepper Biznes Məktəbinin Samuel Curtis Johnson İdarəetmə və qlobal iqtisadiyyat İnstitutunda strategiyadan dərs verib. Həmçinin 2008-2011-ci illərdə Vermontdakı Middlberi Kollecində, 2011-2012-ci illərdə isə Massaçusetsdəki Vellsli Kollecində davranış iqtisadiyyatı və eksperimental iqtisadiyyat fənlərini tədris edib. 2011-ci ildən bəri Pensilvaniya Universitetinin Uorton Biznes Məktəbində biznes iqtisadiyyatı, incəsənət iqtisadiyyatı və makroiqtisadiyyat fənlərini tədris edir.[6] Saka Harvard Universitetində incəsənət və iqtisadiyyatın kəsişməsinə yönəlmiş "İncəsənət bazarı" adlı kursu tədris etmişdir. Onun magistr dissertasiyası olan "Təxirəsalma, öhdəlik və ədalət haqqında esselər" kitab şəklində nəşr olunmuşdur.[7] Kornell Universitetindəki işlərinə görə Hovard və Abbi Milşteyn ilə Ernest Liu Ailəsinin Tədris mükafatlarına layiq görülmüşdür.[8]
- 2013 – Pensilvaniya Universiteti, Neyrocərrahiyyə Qrand turları, "İstehlakçı mühakiməsi" kursu.
- 2013 – Uorton Biznes Məktəbi, Həntsmən Beynəlxalq Araşdırmalar və Biznes Preseptorial Proqramı. "5 dollarlıq qaraj satışı tablosunun dəyəri 40 milyon dollar ola bilərmi? İncəsənət dünyasının qarşısıalınmaz iqtisadiyyatı".
- 2012 – Devis Muzeyi, MA "Sol Levitt vasitəsilə iqtisadiyyat və incəsənət arasındakı əlaqənin araşdırılması"
- 2011 – Babson Kolleci, Davranış İqtisadiyyatı MBA kursu
- 2011 – Vermont Universiteti, Fəxri Kolleci, "Bilik ardınca: Fənlər, Universitetlər və İştirak", Sosial elmlər üzrə mühazirəçi.
- 2010 – Kembric Universiteti, İngiltərə, Fənlərarası Sosial Elmlər konfransı
- ↑ 1 2 Freebase Data Dumps. Google.
- ↑ "Saka'nın ilk kişisel sergisi ağustosta" (Türkçe). CNNTurk.com. 1 Mart 2005. 25 Şubat 2014 tarixində arxivləşdirilib. İstifadə tarixi: 1 Mart 2005.
- ↑ "Artist Gizem Saka's Exhibition "Turquoise Dream" Opened in Boston". TurkishNY.com-Turkish American Web Portal. 6 Kasım 2013. 14 Mart 2018 tarixində arxivləşdirilib. İstifadə tarixi: 6 Kasım 2013.
- ↑ "Art Exhibition: Turquoise Dream: A Journey to the Aegean by Gizem Saka". www.bostonturkishfestival.org. 1 Kasım 2013. 12 Mayıs 2021 tarixində arxivləşdirilib. İstifadə tarixi: 1 Kasım 2013.
- ↑ "Boston Turkish Festival ends". Hurriyet Daily News. 18 Şubat 2014. İstifadə tarixi: 18 Şubat 2014.
- ↑ "Arşivlenmiş kopya". 11 Mayıs 2021 tarixində arxivləşdirilib. İstifadə tarixi: 11 Mayıs 2021.
- ↑ Gizem Saka, "Essays in Procrastination, Commitment and Fairness", VDM Verlag, 2009, ISBN 978-3639156119
- ↑ "Exploring The Connection Between Altruism And Cheating". www.vpr.net. 23 Şubat 2011. 11 Mayıs 2021 tarixində arxivləşdirilib. İstifadə tarixi: 23 Şubat 2011.
- Gizem Saka's Official Website Arxivləşdirilib 2020-08-01 at the Wayback Machine
- Gizem Saka's Academic Website Harvard Arxivləşdirilib 2018-04-01 at the Wayback Machine
- Gizem Saka's Academic Website UPENN Arxivləşdirilib 2018-03-06 at the Wayback Machine