Həsən Vəliqulu oğlu Ağayev (Ağasoy) ( 27 mart 1958, Gülüstan, Culfa rayonu) — Azərbaycan teatr aktyoru, Azərbaycan Respublikasının xalq artisti (1999)[1].
| Həsən Ağasoy | |||
|---|---|---|---|
| Doğum adı | Həsən Ağayev | ||
| Doğum tarixi | |||
| Doğum yeri | Gülüstan kəndi, Culfa rayonu, Naxçıvan MSSR, Azərbaycan SSR | ||
| Vətəndaşlığı |
 SSRİ→ Azərbaycan |
||
| Fəaliyyəti | teatr aktyoru | ||
| Fəaliyyət illəri | 1979–indiyə kimi | ||
| Təhsili | |||
| Teatr | Naxçıvan Dövlət Musiqili Dram Teatrı | ||
| Mükafatları |
|
||
Həsən Ağasoy 1958-ci ilin mart ayının 27-də Culfa rayonunun Gülüstan kəndində anadan olub. 1975-ci ildə Culfa şəhər orta məktəbini bitirib. 1975-ci ildə M.A.Əliyev adına Azərbaycan Dövlət İncəsənət institutunun dram və kino aktyorluğu fakültəsinə daxil olub. Tələbəlik illərində aktyor sənəti dərsini Azərbaycan SSR-nin Xalq artisti Rza Təhmasibdən alıb. Həmçinin eyni vaxtda Həsən Ağasoya görkəmli şair, dramaturq, Hüseyn Cavidin qızı Turan Cavid Azərbaycan teatr tarixindən dərs deyib. 1979-cu ildə institutu bitirərək, təyinatla C.Məmmədquluzadə adına Naxçıvan Dövlət Musiqili teatrına göndərilib. O gündən bu günə kimi teatda aktyor vəzifəsində çalışır. Həsən Ağasoy Naxçıvan teatrının səhnəsində 80-dən çox müxtəlif xarakterli obrazlar yaradıb. 1979–1981-ci illərdə hərbi xidmətdə olub. Ehtiyatda olan zabitdir.
1984-cü ildə "Naxçıvan MSSR əməkdar artisti", 1989-cu ildə "Azərbaycan SSR əməkdar artisti", 1999-cu ildə[2] isə "Azərbaycan Respublikasının xalq artisti" fəxri adlarına layiq görülüb. 2005–2010-cu illərdə[3], 9 may 2018-ci ildə[4] və 6 may 2023-cü ildə[5] Prezident Mükafatına layiq görülmüşdür. 2008-ci ildə[6] "Tərəqqi" medalına layiq görülüb.
Azərbaycan Respublikasının xalq artisti Həsən Ağasoyun oynadığı rolların bir qismi:
| Müəllifin adı | Əsər | Oynadığı rol |
|---|---|---|
| Hüseyn Cavid | "Ana" | Orxan |
| "İblis" | İblis | |
| "Uçurum" | Əkrəm bəy | |
| "Şeyda" | Əşrəf bəy | |
| Şeyx Sənan | Simon, Dərviş | |
| Zessinq | Müdrik Natan | Natan |
| Çingiz Aytmatov | Manqurt | Yedigey |
| Cəlil Məmmədquluzadə | "Dəli yığıncağı" | Fazil |
| Nəriman Nərimanov | "Nadanlıq" | Hacı Abdulla |
| "Nadir şah" | Cavad | |
| Nəriman Həsənzadə | "Atabəylər" | Nizami Gəncəvi |
| Taleh Həmid | "Yəhya bəy Dilqəm" | Böyükağa |
| Elçin Əfəndiyev | "Arılar arasında" | Baba |
- ↑ "AĞAYEV Həsən Vəliqulu oğlu".
- ↑ Hüquqi Aktların Dövlət Reyestri. "Naxçıvan Muxtar Respublikasının elm, mədəniyyat və ədəbiyyat xadimlərinə fəxri adların verilməsi haqqında Prezideent Fərmanı". e-qanun.az (az.). 9 noyabr 2014 tarixində arxivləşdirilib. İstifadə tarixi: 9 oktyabr 2024.
- ↑ Prezident mükafatçıları Həsən Ağasoy, Tamerlan Bağırov və başqalarından, Naxçıvan, Azərbaycan.
- ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 09.05.2018. 2018-06-12 tarixində arxivləşdirilib. İstifadə tarixi: 2018-05-10.
- ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 06.05.2023. 2023-06-28 tarixində arxivləşdirilib. İstifadə tarixi: 2023-05-06.
- ↑ "Cəlil Məmmədquluzadə adına Naxçıvan Dövlət Musiqili Dram Teatrının əməkdaşlarının "Tərəqqi" medalı ilə təltif edilməsi haqqında". frameworks.e-qanun.az. İstifadə tarixi: 9 oktyabr 2024.
- Ağayev Həsən Vəliqulu oğlu // Azərbaycan Milli Ensiklopediyası (25 cilddə). 1-ci cild: A – Argelander (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2009. səh. 170. ISBN 978-9952-441-02-4.