Həsən Qasımov
Həsən Allahyar oğlu Qasımov (1940, Qaraçuq, Naxçıvan rayonu – 13 yanvar 1994, Bakı) — iqtisad elmləri namizədi (1968), iqtisad elmləri doktoru (1985), professor (1987),[1]Azərbaycan Dövlət İqtisad Universitetinin sabiq rektoru (1992–1994).
| Həsən Qasımov | |
|---|---|
 | |
| Şəxsi məlumatlar | |
| Doğum tarixi | 1940 |
| Doğum yeri | |
| Vəfat tarixi | 13 yanvar 1994 (53–54 yaşında) |
| Vəfat yeri | |
| Dəfn yeri | |
| Təhsili | |
| Elmi fəaliyyəti | |
| Elmi dərəcəsi | |
1940-cı ildə Naxçıvan MR-nın Naxçıvan şəhərinin inzibati ərazi vahidində yerləşən Qaraçuq kəndində anadan olmuşdur. 1968-ci ildə namizədlik, 1985-ci ildə doktorluq dissertasiyalarını müdafiə etmişdir. 1987-ci ildə professor adına layiq görülmüşdür. Professor H. Qasımovun tədqiqat obyekti Azərbaycanda aqrar-sənaye kompleksinin maddi-texniki bazasının formalaşması və inkişafı məsələləridir. Bir neçə monoqrafiyanın, 200-dən çox elmi məqalənin müəllifidir.
1961–1986-cı illərdə Azərbaycan SSR EA İqtisadiyyat İnstitutunda laborant, elmi işçi, şöbə müdiri, 1987–1992-ci illərdə Azərbaycan Respublikası Kənd Təsərrüfatı Nazirliyi Elmi Tədqiqat Kənd Təsərrüfatının İqtisadiyyatı və Təşkili İnstitutunun direktoru, 1992–1994-cü illərdə Azərbaycan Dövlət İqtisad İnstitutunun rektoru vəzifələrində çalışmışdır.
- ↑ "Həsən Qasımov". 29 fevral 2016 tarixində orijinalından arxivləşdirilib. İstifadə tarixi: 31 yanvar 2016.