Həvva İsa qızı Məmmədova (15 may 1958, Xanərəb, Bərdə rayonu) — tarixçi və ictimai-siyasi xadim, tarix elmləri doktoru, professor, Azərbaycan Respublikasının Milli Məclisi III çağırış deputatı.
| Havva Məmmədova | |
|---|---|
| 2005 – 2010 | |
| Seçki dairəsi | 2005 — 122 saylı Xankəndi |
| Əvvəlki | Seçkilər keçirilməyib. |
| Sonrakı | Flora Qasımova |
| Şəxsi məlumatlar | |
| Doğum adı | Həvva İsa qızı Məmmədova |
| Doğum tarixi | 15 may 1958 (67 yaş) |
| Doğum yeri | |
| Təhsili | |
| Fəaliyyəti | tarixçi, siyasətçi |
| Elmi fəaliyyəti | |
| Elmi dərəcəsi | |
1958-ci il mayın 15-də Bərdə rayonunun Xanərəb kəndində anadan olmuşdur.Xankəndi Pedaqoji İnstitutunun tarix fakültəsini və Bakı Sosial İdarəetmə və Politologiya İnstitutunu bitirmişdir.
1980–1990-cı illərdə Xankəndi şəhərində orta məktəbdə müəllim işləmişdir. 1993-cü ildən Bakı Sosial İdarəetmə və Politologiya İnstitutunda baş laborant, baş müəllim, metodist vəzifələrində çalışmışdır. 1999-cu ildən Azərbaycan Respublikasının Prezidenti yanında Dövlət İdarəçilik Akademiyasının Tarix kafedrasının müəllimidir.
2001-ci ildə "Azərbaycan Demokratik Respublikası dövründə Qarabağın Dağlıq hissəsində erməni separatizminə qarşı mübarizə" mövzusunda dissertasiya müdafiə edərək tarix elmləri namizədi elmi dərəcəsi almışdır.[1]
2011-ci ildə "Ermənistan-Azərbaycan, Dağlıq Qarabağ münaqişəsi Azərbaycan Respublikasının xarici siyasətində" mövzusunda doktorluq dissertasiyası müdafiə edərək tarix elmləri doktoru elmi dərəcəsi almışdır.[2]
6 kitabın və 40 elmi məqalənin müəllifidir.
Evlidir, 3 övladı var.
Dünya Azərbaycanlıları Konqresi Qadınlar Şurasının sədridir. Rus dilini bilir.
Milli Məclisin İnsan hüquqları komitəsinin üzvü olmuşdur. Azərbaycan-Danimarka, Azərbaycan-İsveç, Azərbaycan-Özbəkistan parlamentlərarası əlaqələr üzrə işçi qruplarının üzvü olmuşdur.
- Qarabağ general-qubernatorluğunun erməni təcavüzünə qarşı mübarizəsi tarixindən səhifələr. Bakı: Şirvannəşr, 1999, 76 s.
- Xocalı: şəhidlər, şahidlər. Bakı: Yeni Nəşrlər Evi, 2003, 200 s.
- Azərbaycan Xalq Cümhuriyyəti dövründə Yuxarı Qarabağda siyasi vəziyyət: Erməni terrorizminin güclənməsi (1918-1920). Bakı: Nağıl Evi, 2006, 149 s.
- Azərbaycan Respublikasının xarici siyasətində Ermənistan-Azərbaycan Dağlıq Qarabağ münaqişəsi. Bakı: Elm, 2009, 360 s.
- "Dağlıq Qarabağ: həqiqətlər, yalanlar…"[3]
- ↑ Məmmədova H.İ. Azərbaycan Demokratik Respublikası dövründə Qarabağın Dağlıq hissəsində erməni separatizminə qarşı mübarizə : tarix e. n. a. dər. al. üçün təq. ol. dis.: 07.00.02 /H. İ. Məmmədova ; AMEA, A. Bakıxanov ad. Tarix İn-tu. Bakı: 2001, 153 s.
- ↑ Məmmədova H.İ. Ermənistan-Azərbaycan, Dağlıq Qarabağ münaqişəsi Azərbaycan Respublikasının xarici siyasətindəq: tarix e. d-ru e. dər. al. üçün təq. ed. dis-nın avtoreferatı : 07.00.02 /H. İ. Məmmədova; AMEA, Naxçıvan Bölməsi. Naxçıvan: 2011, 332 s.
- ↑ Fuad. Həvva Məmmədova Dağlıq Qarabağla bağlı film çəkib: 35 dəqiqəlik sənədli filmdə xarici ekspertlər Dağlıq Qarabağ və Azərbaycanla bağlı öz fikirlərini səsləndirib: ["Dağlıq Qarabağ: həqiqətlər, yalanlar…" adlı film haqqında] //Paritet.- 2010.- 2–3 sentyabr.- S. 5.