Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinHeydər Əliyev adına mərkəzi meydan – Azərbaycan Respublikasının Lənkəran şəhərinin tarixi mərkəzində yerləşən meydan. Meydan Azərbaycan xalqının Ümummilli lideri Heydər Əliyevin şərəfinə adlandırılmışdır və şəhərin ən böyük meydanı hesab olunur.
| Heydər Əliyev adına mərkəzi meydan | |
|---|---|
| Heydər Əliyev meydanı | |
| Ölkə |
 Azərbaycan |
| Şəhər | Lənkəran |
| Yerləşir | Qala yaşayış massivi, Şirəli Axundov küçəsi |
| Aidiyyatı |
 Lənkəran şəhər İcra Hakimiyyəti |
| Sahəsi | 2 hektar |
| Vəziyyəti | yaxşı |
Meydan ərazisi XVII-XIX əsrlərdə "Şəhər yaşayış bölgəsi"-nin tərkibində olmuş, ərazidə bağlar və təsərüfat sahələri yaradılmışdı.
1920-1950-ci illərdə yeni mədəni mərkəz yaratmaq məqsədilə indiki meydanın əsası qoyuldu. Meydan SSRİ dövrünün tələblərinə uyğun olaraq ilk illər "Lenin meydanı", sonralar isə "Sovet əsgərləri meydanı" adlandırılmışdı. Bu dövrdə meydanda fəvvarələrdən ibarət kiçik zona, istirahət guşələri və s. yaradılmışdır. Sonralar Lənkəran şəhər Sovetinin inzibati binası və digər bir neçə dövlət qurumu meydanın ətrafında yerləşdirilmişdir.
1991-ci ildə Azərbaycanın müstəqilliyini bərpa etməsindən sonra meydan 2005 və 2012-ci illərdə əsaslı təmir olunmuş, ərazisi genişləndirilmiş, burada müxtəlif obyektlər tikilmişdir. 2012-ci ildə meydanın mərkəzi hissəsində Azərbaycan xalqının Ümummilli lideri Heydər Əliyevin heykəli ucaldılmış və meydana onun adı verilmişdir. Hazırda meydanın daxilində Heydər Əliyev Mərkəzi və Gənclər mərkəzi yerləşir.