Əbül-Münzir Hişam ibn Urvə ibn Zübeyr ibn əl-Əvvam ibn Hüveylid ibn Əsəd[1] (ərəb. هشام بن عروة; 680, Mədinə – 763, Bağdad) — Tabiin nəslinə mənsub mühəddis.[2]
| Hişam ibn Urvə | |
|---|---|
| ərəb. هشام بن عروة | |
 | |
| Doğum tarixi | 680 |
| Doğum yeri | |
| Vəfat tarixi | 763 (82–83 yaşında) |
| Vəfat yeri | |
| Elm sahəsi | hədis |
| Tanınmış yetirmələri | Abdulla ibn Mübarək, Vəki ibn Cərrah |
Hicri 61-ci (680) ildə Mədinədə dünyaya gəlib. Bəni Əsəd qəbiləsinə mənsubdur.[3] Səhabələrdən Abdullah ibn Ömər, Səhl ibn Səd, Cabir ibn Abdullah və Ənəs ibn Maliki görüb.[4][5] Hişam, atası Urvə ibn Zübeyrdən, əmisi Abdullah ibn Zübeyrdən, Əbu Sələmə ibn Əbdürrəhman ibn Əvfdən, İbnül-Münkədirdən, Əmr ibn Şueybdən, Zöhridən, Əbüz-Zinəddən və xanımı Fatimə bint Münzirdən hədis rəvayət etmişdir.[6] Ondan da Əyyub əs-Sixtiyani, Məmər ibn Rəşid, İbn Cüreyc, Şöbə, Süfyan əs-Səvri, Leys ibn Səd, Malik ibn Ənəs, Abdullah ibn Mübarək, Süfyan ibn Uyeynə və Yəhya əl-Qəttan kimi tanınmış mühəddislər hədis rəvayət ediblər.[7]
Hişam ibn Urvə hicri 146-cı (763) ildə Bağdada, xəlifə Mənsurun yanına getmiş və həmin il orada vəfat etmişdir.[8] Cənazə namazını Mənsur özü qıldırılmışdır.[9] Məzarı Heyzüran qəbiristanlığındadır.[10]
- ↑ İbn Sad. ət-Təbəqat (ərəb). VII. Beyrut. tarixsiz. 321.
- ↑ Kandemir, M. Yaşar. "HİŞÂM b. URVE". TDV İslâm Ansiklopedisi. 1998. 25.09.2025 tarixində arxivləşdirilib. İstifadə tarixi: 25.09.2025.
- ↑ əs-Səmani, Əbu Səid. əl-Ənsab (ərəb). I. Beyrut: Darül-fikr. 1998. 138.
- ↑ İbn Həcər, əl-Əsqəlani. Təhzibüt-təhzib (ərəb). XI. Beyrut. Hicri 1325. 48.
- ↑ əl-Hətli, İbrahim ibn Abdullah. Sualətü ibn Cüneyd (ərəb). Mədinə. 1988. 248.
- ↑ əl-Mizzi. Təhzibül-kəmal (ərəb). XXX. 233–334.
- ↑ əl-Mizzi. Təhzibül-kəmal (ərəb). XXX. 235.
- ↑ İbn əl-Əsir. əl-Kamil fit-tarix (ərəb). V. Beyrut. tarixsiz. 576.
- ↑ Xətib. Tarixu Bağdad (ərəb). XIV. 41.
- ↑ İbnüI-İməd. Şəzərətüz-zəhəb (ərəb). I. 219.