Bu səhifədə iş davam etməkdədir. |
Hindistanın ştatları və əraziləri — Hindistan Respublikasının inzibati bölgüsünün birinci səviyyəsi. 2020-ci il vəziyyətinə görə, ölkədə 28 ştat və 8 federal ərazi (o cümlədən Milli Paytaxt Dairəsi Deli) mövcuddur. Hər bir ştat isə öz növbəsində rayonlara (distriktlərə) bölünür, onların ümumi sayı 800-ə çatır.
Hindistanın inzibati bölgüsündə son dəyişiklik 2019-cu ilin oktyabr ayında baş verib, həmin vaxt Cammu və Kəşmir ştatı iki federal əraziyə — Cammu və Kəşmir və Ladakha çevrilərək bölünüb. Sonra həmin ilin noyabr ayında Hindistan hökuməti Daman və Diu ilə Dadra və Nagar Haveli federal ərazilərini birləşdirən qanun qəbul edib; yeni birləşdirilmiş federal ərazi “Dadra və Nagar Haveli və Daman və Diu” adlanacaq və bu qanun 26 yanvar 2020-ci ildə qüvvəyə minib.