Butun axtardiqlarinizi tapmaq ucun buraya: DAXIL OLUN
  Mp4 Mp3 Axtar Yukle
  Video Axtar Yukle
  Shekil Axtar Yukle
  Informasiya Melumat Axtar
  Hazir Inshalar Toplusu
  AZERI CHAT + Tanishliq
  Saglamliq Tibbi Melumat
  Whatsapp Plus Yukle(Yeni)

  • Ana səhifə
  • Təsadüfi
  • Yaxınlıqdakılar
  • Daxil ol
  • Nizamlamalar
İndi ianə et Əgər Vikipediya sizin üçün faydalıdırsa, bu gün ianə edin.
 Kömək
Kitab yaradıcısı ( deaktiv et )
 Bu səhifəni kitabınıza əlavə edin Kitabı göstər (0 səhifə) Səhifə təklif edin

Hitman Go

  • Məqalə
  • Müzakirə

Hitman Go — "Square Enix Montréal" studiyası tərəfindən hazırlanmış və "Square Enix"in Avropa bölməsi tərəfindən nəşr edilmiş növbə əsaslı pazl videooyunu. Oyun 2014-cü ilin fevral ayında elan edilmişdir. Onun iOS versiyası 2014-cü ilin aprel ayında, "Android" versiyası isə 2014-cü ilin iyun ayında buraxılmışdır. "Windows" və "Windows Phone" üçün versiyalar növbəti il — 2015-ci ilin aprel ayında yayımlanmışdır. 2016-cı ilin fevral ayında oyunun "Definitive Edition" adlı versiyası "PlayStation 4", "PlayStation Vita", həmçinin "Linux" və "Windows" platformaları üçün "Steam" vasitəsilə satışa çıxarılmışdır. Oyun 2011-ci ildə yaradılmış "Square Enix Montréal" studiyasının hazırladığı ilk layihə olmuşdur. İstehsal prosesinə 2013-cü ildə tam miqyaslı şəkildə başlanmış və "Unity" oyun mühərrikindən istifadə edən on bir nəfərlik komanda tərəfindən tamamlanmışdır.

Hitman Go
"Hitman Go" videooyununun tətbiq loqosu.
"Hitman Go" videooyununun tətbiq loqosu.
Hazırlayanlar Square Enix Montréal[d]
Yayımlayanlar Square Enix
Seriya Hitman[d]
Buraxılış tarixi
  • iOS
  • 17 aprel 2014
  • Android
  • 4 iyun 2014
  • Windows, Windows Phone
  • 27 aprel 2015
  • Linux, PlayStation 4, PlayStation Vita
  • 23 fevral 2016
Janr pazl videooyunu[d], stolüstü oyun
Rejissorlar Daniel Luts
Texniki məlumat
Platformalar
  • Android
  • iOS
  • Apple TV
  • Windows
  • Windows Phone
  • Linux
  • PlayStation 4
  • PlayStation Vita
Mühərrik Unity[d]
Oyun rejimi birnəfərli oyun
İnterfeysin dili ingilis dili[1], fransız dili[1], italyan dili[1], alman dili[1], ispan dili[1], Braziliya portuqal dili[1]
Daşıyıcı rəqəmsal distribusiya, rəqəmsal yükləmə[d]
İdarəetmə sensor ekran
Rəsmi saytı

Oyunçu "Hitman" franşizasının baş qəhrəmanı olan Agent 47-ni ardıcıl şəkildə qurulmuş kvadratvarı səviyyələrdən keçirir. Səviyyələr düyünlər və xətlərdən ibarətdir, masaüstü oyun formatında təqdim edilir. Personajlar miniatür fiqurlar şəklində modelləşdirilmişdir. Düşmən personajlar oyunçunun növbə ərzində onların yerləşdiyi düyünə keçməsi ilə zərərsizləşdirilə bilər. Bu, müəyyən mənada şahmat mexanikasına bənzəyir. Oyunçu səviyyələrdə irəlilədiyi xaman tapmacaların mürəkkəbliyini artırmaq üçün yeni düşmən tipləri və mexanikalar təqdim olunur.

Elanından sonra "Hitman Go" müəyyən skeptisizmlə qarşılanmışdır. Bununla belə, oyun sənət üslubu, estetikası, sadə oyun mexanikası və "Hitman" konsepsiyasının mobil qurğuya uğurlu adaptasiyası səbəbilə müsbət rəylər almışdır. Oyun həmçinin, müxtəlif oyun nəşrləri və mükafat təşkilatları tərəfindən bir sıra nominasiyalar və mükafatlara layiq görülmüşdür. "Tomb Raider" franşizası çərçivəsində keçirilən süjetə əsaslanan sikveli – "Lara Croft Go" 2015-ci ilin avqust ayında buraxılmışdır.

Mündəricat

  • 1 Geympley
  • 2 İstehsal və buraxılışı
  • 3 Qəbulu
  • 4 Sikvellər
  • 5 İstinadlar
  • 6

Geympley

 
"Hitman Go" daxilində bir səviyyə. Agent 47 solda yerləşir və yuxarı sağ küncdəki son düyünə çatmaq üçün düşmənlərin yanından keçməlidir.

"Hitman Go" növbə əsaslı pazl videooyunudur və "Hitman" videooyun seriyasının bir hissəsidir.[2] Oyunda hər səviyyə qarşılıqlı şəkildə birləşmiş düyünlər və xətlərdən ibarət kvadratvari lövhə üzərində qurulmuşdur.[3] Düyünlər oyunçunun və ya düşmənlərin yerləşə biləcəyi mövqelərdir, xətlər isə növbə ərzində həmin mövqelər arasında hərəkət etmək üçün istifadə olunur.[2][4] Oyunçular seriyanın protaqonisti Agent 47-yə nəzarət edirlər.[5] Sensor idarəetmədən istifadə etməklə oyunçu növbə zamanı Agent 47-ni hərəkət etdirmək istədiyi istiqamətdə xətt boyunca sürüşdürmə hərəkəti edir.[6] Fərdi kompüterlərdə olan "Definitive Edition" versiyasında bu mexanizm klikləmə, siçan vasitəsilə saxlayıb sürükləmə ilə əvəz olunmuşdur.[7] Oyunçunun növbəsi başa çatdıqdan sonra lövhədəki bütün düşmənlər eyni vaxtda hərəkət edirlər.[8] Hər səviyyənin əsas məqsədi var. Məsələn, buna Agent 47-ni son düyünə yönəltmək və ya müəyyən bir hədəfi məhv etmək aiddir.[9] Oyunçu düşmənləri onların yerləşdiyi düyünə keçməklə öldürə bilir. Eyni qayda ilə düşmən də oyunçunun yerləşdiyi düyünə keçərsə, Agent 47 məhv olur.[4]

Oyunçu irəlilədikcə səviyyələr daha mürəkkəbləşir, yeni mexanizmlər və fərqli düşmən tipləri əlavə edilir. Hər düşmən tipi özünəməxsus rəngdə geyindirilmişdir. Bu, onların hərəkət modelini tanımağı asanlaşdırır. Bəzi düşmənlər bir düyün üzərində sabit dayanır və ya həmin düyün ətrafında fırlanır, digərləri isə əvvəlcədən müəyyən olunmuş marşrut üzrə patrul edir.[10] Sonrakı mərhələlərdə oyunçu lövhə üzərində yerləşdirilmiş açarları toplamalı və səviyyənin məqsədinə aparan qapıları açmalıdır.[6] Lövhədəki bəzi keçid qapıları iki nöqtəni birləşdirərək oyunçuya növbə ərzində birindən digərinə keçməyə imkan verir.[9] Bəzi düyünlərdə yerləşdirilmiş dibçək bitkiləri oyunçunun həmin mövqedə aşkar edilməməsini təmin edir.[10] Lövhədə tapılan rəngli maskalanmalar oyunçuya uyğun rəngdə olan düşmən tipinin yanından aşkarlanmayaraq keçməyə imkan verir.[9] Oyunda atıla bilən əşyalar var. Bunlar düşmənlərin davranış modelini dəyişdirmək və diqqətlərini yayındırmaq üçün istifadə olunur.[10] Müəyyən səviyyələrdə tapılan atəşli silahlar uzaq məsafədən hədəflərə və ya maneələrə atəş açmaq üçün tətbiq edilir.[9]

Əksər səviyyələrdə əlavə məqsədlər mövcuddur. Məsələn, bunlara çemodan toplamaq və ya səviyyəni heç kimi öldürmədən tamamlamaq aiddir. Bu kimi məqsədlərin yerinə yetirilməsi oyunçuya ulduzlar qazandırır.[9] Ulduzlar növbəti fəslin səviyyələrinin açılması üçün istifadə olunur. Oyun ilkin buraxılışda beş fəsildən ibarət idi.[4] Onlardan biri "Hitman: Blood Money" videooyunundakı bir səviyyədən ilhamlanmışdır.[9] Buraxılışdan sonra oyuna əlavə olaraq iki yeni fəsil daxil edilmişdir. Onlardan biri "Hitman 2: Silent Assassin" videooyunundakı bir səviyyəyə əsaslanırdı.[11][12] Oyunda tətbiqdaxili alışlar mövcuddur. Bu alışlar tapmacalar üçün ipucları əldə etməyə və ya səviyyə fəsillərini dərhal açmağa imkan verir.[2][11]

Oyunun "Definitive Edition" buraxılışında 4 bürünc, 3 gümüş, 9 qızıl və 1 platin də daxil olmaqla 17 kubok var. İlk 7 kubok müvafiq fəsillərdəki bütün məqsədləri yerinə yetirməklə qazanılır, qalan kubokların əksəriyyəti oyun zamanı müəyyən hərəkətlər etməklə açılır.[13]

İstehsal və buraxılışı

"Hitman Go" Kanadanın "Square Enix Montréal" studiyası tərəfindən hazırlanmışdır.[2] Bu, 2011-ci ilin sonunda "Square Enix Europe" bölməsinin əməkdaşları tərəfindən yaradılan studiyanın ilk layihəsi idi.[2][14] Studiyanın təsis edildiyi zaman ilk planı "Hitman" seriyası üçün yeni bir videooyun hazırlamaq idi.[14] İlkin niyyət "triple-A" konsol oyunları yaratmaq və komandadakı əməkdaşların sayını 150-yə çatdırmaqdan ibarət idi,[2][14][15] lakin bir ildən sonra, komanda hələ də genişlənməkdə olduğu zaman konsol layihəsi ləğv edilmiş və studiya diqqətini mobil oyunlara yönəltmişdir.[2][15][16] Bu keçid nəticəsində heyətin təxminən üçdə biri layihədən ayrılmışdı,[16] çünki əməkdaş sayının çoxluğu "gəlirə zərər verirdi".[17]

Konseptual mərhələdə "Hitman Go" üzərində cəmi dörd nəfər çalışırdı.[18] İlkin prototiplər çap olunmuş personaj fiqurlarından istifadə edilməklə kağız üzərində qurulmuşdu.[19] Layihə 2013-cü ilin ortalarında təqdim edilmiş və istehsala təsdiqlənmişdir.[2] Daniel Luts yaradıcı direktor kimi çıxış etmiş[2] və növbəti inkişaf mərhələlərində komandanın sayı maksimum on bir nəfərə çatmışdı.[18] Studiya oyunu hazırlamaq üçün bir neçə müxtəlif oyun mühərrikini nəzərdən keçirmişdir, ancaq ilkin mərhələdə "Unity" mühərrikinə üstünlük verilmişdir, çünki bu mühərrik mobil platformalar üçün geniş dəstək təmin edir və komandanın bəzi üzvləri "Unity" ilə əvvəlki təcrübəyə malik idi. Bir neçə gün ərzində işlək prototip və əsas səviyyə redaktoru hazırlanmış, iki həftə sonra isə oyunun ilk versiyası studiyanın qalan hissəsinə təqdim olunmuşdur.[18] Prototip 68 səviyyədən ibarət idi.[20]

Oyunun dizaynı üzərində işləyən zaman Luts və komanda müəyyən məqamları nəzərə almışdı. Bunlara oyunun qiyməti, oyun müddəti, brend, janr, auditoriya gözləntiləri, istehsal məhdudiyyətləri və biznes modeli daxil idi Luts qeyd etmişdir ki, onlar "Hitman" üçün sonsuz ranner janrında bir oyun hazırlaya bilərdilər, lakin bu, seriyanın dəyərləri ilə uyğun gəlmirdi və hədəf auditoriya tərəfindən yaxşı qarşılanmayacaqdı.[15] Bunun əvəzinə, "Hitman" modelinin stolüstü oyuna çevrilməsi daha məqsədəuyğun hesab edildi, çünki bu, oyunçulara hərəkətlərini əvvəlcədən düşünmək və planlaşdırmaq imkanı verirdi və "Hitman"in "təfəkkür oyunu" kimi qəbul edilən təbiətinə uyğun gəlirdi. Komanda əsas "Hitman" oyunlarına bənzər şəkildə hədəfləri pusquda gözləmə funksiyasını da sınaqdan keçirmişdi, lakin bu xüsusiyyət tapmacaların quruluşunu pozduğu üçün son versiyadan çıxarılmışdır. Oyunun vizual üslubu memarlıq modellərindən və dioramalardan ilhamlanmışdır.[2] Personajlar əl-qol animasiyası olmadan, şahmat fiqurlarına bənzər sabit pozalarda yaradılmışdı. Ətraflı teksturalardan istifadə yaddaşı artırdığı üçün rəssamlar rəng panelləri ilə işləməyi seçmişdilər. Bu yanaşma müxtəlif rəng kombinasiyalarının az sayda texniki çağırışla tətbiqinə imkan verirdi. Komanda mobil oyunların qısa sessiyalarla oynandığını nəzərə alaraq dialoqu, videoçarxları və ağır narrativ strukturu oyuna daxil etməmişdi.[18][19]

"Hitman Go" 2014-cü ilin fevralında elan edilmişdir.[21] Oyun 17 aprel 2014-cü ildə iOS,[22] 4 iyun 2014-cü ildə "Android" üçün buraxılmışdır.[23] "Microsoft Windows" və "Windows Phone" versiyaları 27 aprel 2015-ci ildə yayımlanmışdır.[24] "Electronic Entertainment Expo" 2015 zamanı "Oculus VR" şirkəti "Hitman Go"nun "Samsung Gear VR" üçün uyğunlaşdırılmış versiyasını təqdim etmişdir.[25] 5 dekabr 2015-ci ildə "PlayStation Experience" tədbirində oyunun "PlayStation 4" və "PlayStation Vita" üçün 2016-cı ildə buraxılacağı elan edilmişdir.[26] Bu versiya 23 fevral 2016-cı ildə "Definitive Edition" adı ilə yayımlanmışdır və bu versiya təkmilləşdirilmiş qrafika ilə bütün əlavə məzmunları özündə birləşdirmişdir. "Definitive Edition" eyni zamanda "Linux" və "Windows" sistemləri üçün "Steam" platformasında təqdim olunmuşdur.[27]

Qəbulu

Qəbul
Ümumi xal
QiymətləndirənXal
MetacriticiOS: 81/100[28]
PC: 72/100[29]
PS4: 77/100[30]
VITA: 80/100[31]
Tənqid xalları
NəşrXal
Destructoid8/10[4]
Eurogamer7/10[10]
GameSpot6/10[32]
IGN8.2/10[9]
Joystiq4/5[6]
PC Gamer (UK)72/100[7]
Polygon8/10[8]
TouchArcade5/5[33]
StopGame.ru«Təqdirəlayiq»[34]
IGN Россия8/10[35]
Игры Mail.ru8/10[36]
Kanobu7/10[37]
Jeuxvideo.com16/20[38][39]

"Metacritic" videooyun rəylərinin aqreqatorunun məlumatına görə, "Hitman Go" peşəkar tənqidçilər tərəfindən "ümumilikdə müsbət" qiymətləndirmə almışdır.[28] Bir sıra resenziyaçılar "Hitman" seriyasının üçüncü şəxs baxış bucağından oynanılan stels döyüş janrından uzaqlaşaraq mobil pazl formatına keçməsi ideyasına ilkin mərhələdə skeptik yanaşdıqlarını bildirmiş, lakin oyunu oynadıqdan sonra franşizanın uğurlu və yaradıcı şəkildə yenidən təqdim olunduğunu qeyd etmişdilər.[4][9][8][10]

Oyun geniş şəkildə yüksək qiymətləndirilmiş vizual təqdimatı və stolüstü oyun estetikasına görə təriflənmişdir.[9][8] "Joystiq" redaktoru Entoni Con Ancellonun fikrinə görə, "Hitman Go"nun rəng həlli və vizual motivləri "Hitman: Absolution" oyununda istifadə olunan dizayndan daha cəlbedici görünmüşdür. O, səviyyə seçimi ekranının və menyularda stolüstü oyun qutularından istifadə edilməsinin müsbət cəhətlər olduğunu vurğulamışdır.[6] "Destructoid" yazarı Brittani Vinsent təmiz menyu həllini və istifadəçi interfeysi ikonlarını yüksək qiymətləndirmiş, oyun səviyyələrinin kukla evlərini xatırlatdığını bildirmişdir.[4] "Eurogamer" və IGN məqalə müəllifləri personaj dizaynını miniatür stolüstü oyun fiqurlarına bənzətmişlər.[9][10] "Polygon" əməkdaşı Artur Qyess sadə oyun mexanikası və minimalistik yanaşmanı tərifləmiş və bildirmişdir ki, "Hitman Go" seriyanın əsas elementlərini mürəkkəb stolüstü oyun sistemi vasitəsilə parlaq şəkildə çatdırmışdır.[8] "Joystiq" jurnalisti Ancellonun fikrinə görə, "Hitman Go" layihəsi "Square Enix Monreal" studiyası üçün təsirli debüt olmuş və toxunma əsaslı cihazlara uyğunlaşma baxımından uğurlu təqdimat göstərmişdir.[6] Resenziyaçılar oyunda əlavə bonus tapşırıqlarını tamamlamanın əlavə çətinlik və təkraroynanma dəyəri yaratdığını da vurğulamışdılar.[6][8]

Oyun dizaynının müəyyən bir cəhəti – səviyyələrdə hərəkət trayektoriyalarının məhdudluğu tənqid hədəfinə çevrilmişdir. "Polygon"dan Artur Qyess diqqət yayındırma və qətl mexanikalarının stolüstü oyun formatında uğurlu şəkildə interpretasiya olunduğunu qeyd etmişdir, lakin bəzi səviyyələrin hədəf olmayan mühafizəçiləri öldürmədən tamamlanmasının mümkünsüzlüyündən narazılığını ifadə etmişdir.[8] "Destructoid"dən Vinsent də bu fikri bölüşmüş, "Hitman" seriyasına xas əsas elementlərdən birinin aradan qaldırılmasını məyusedici hesab etmişdir.[4] "Eurogamer" və "IGN" yazıçıları tətbiqi daxili alışların baha olduğunu bildirmiş, lakin səviyyə həllərinin internetdə geniş şəkildə paylaşılması səbəbilə onların asanlıqla nəzərə alınmaya biləcəyini də vurğulamışdılar.[9][10] "Definitive Edition" versiyasını nəzərdən keçirən "PC Gamer" yazarı Fil Sevic kompüter versiyasının mobil mənşəyini gizlədə bilmədiyini qeyd etmişdir. O, siçanla klikləmə və sürükləmə mexanikasını optimal hesab etməmiş, lakin oyunun estetikası və mexanikasını yenə də müsbət qiymətləndirmişdir.[7] "GameSpot" yazarı Met Paqet VR versiyası ilə bağlı məyusluğunu ifadə etmişdir. O, virtual reallıq oyunundan gözlədiyi immersiya təcrübəsini "Hitman Go VR"da görə bilməmişdir. Paqet oyunun özünü yüksək qiymətləndirmişdir, lakin VR versiyasını almağı tövsiyə etməmiş və onun “əziyyətə dəymədiyini” bildirmişdir.[32]

"Hitman Go" 2014-cü il "Golden Joystick Awards"da iki nominasiyaya — "Ən yaxşı vizual dizayn" və "Ən yaxşı mobil oyun"a layiq görülmüşdür.[40] 2015-ci ildə oyun Britaniya Akademiyasının 11-ci Videooyun Mükafatlarında "Debüt oyun", həmçinin "Mobil və portativ" kateqoriyalarında namizəd göstərilmişdir.[41] "GameSpot" və "IGN" hər iki nəşrin ilin yekun siyahılarında "Hitman Go"nu 2014-cü ilin "Ən yaxşı mobil oyun" nominasiyasına daxil etmişdir.[42][43] Oyun həmçinin, 2014-cü il Kanada Videooyun Mükafatlarında "Ən yaxşı oyun dizaynı" və "Ən yaxşı iOS oyunu" kateqoriyaları üzrə iki mükafat qazanmışdır.[44] 2014-cü il Videooyun Ticarət Tənqidçiləri Milli Akademiyası mükafatlarında "Hitman Go" videooyunu "Xüsusi sinif oyun" kateqoriyasında namizəd göstərilmişdir.[45] Rusiyanın "Mail.ru" platformasının videooyunlara ayrılmış bölməsi onu 2014-cü ilin aprel ayının ən yaxşı oyunlarından biri adlandırmışdır.[46]

Sikvellər

E3 2015 sərgisində "Square Enix Montréal" studiyası "Hitman Go" oyununa sikvel kimi nəzərdə tutulan və "Tomb Raider" kainatında cərəyan edən "Lara Croft Go" layihəsini elan etmişdir.[47] Oyun 27 avqust 2015-ci ildə satışa çıxarılmışdır.[48] Bu oyunda istifadəçilər Lara Kroft obrazını düyünlər və xətlərdən ibarət səviyyələrdə sensor idarəetmə vasitəsilə hərəkət etdirirlər.[47] Əsas mexanika və ümumi dizayn baxımından "Hitman Go" ilə oxşarlıqlar olmağına baxmayaraq, yaradıcı komanda "Lara Croft Go"nun sadəcə vizual yenidənqurma təsiri yaratmamasına xüsusi diqqət yetirmişdir. Bu məqsədlə "Tomb Raider" brendinə xas tapmaca yönümlü araşdırma və oynanış elementləri daha qabarıq şəkildə ön plana çəkilmişdir.[47]

Növbəti il "Square Enix Montréal" studiyası "Deus Ex" seriyasına əsaslanan oxşar konsepsiya ilə "Deus Ex Go" videooyununu da təqdim etmişdir.[49]

İstinadlar

  1. ↑ 1 2 3 4 5 6 Hitman GO: Definitive Edition // Steam. 2003.
  2. ↑ 1 2 3 4 5 6 7 8 9 10 Wawro, Alex. "For Square Enix, designing Hitman as a 'board game' just made sense". Gamasutra. UBM plc. 28 aprel 2014. 15 iyul 2015 tarixində orijinalından arxivləşdirilib. İstifadə tarixi: 14 iyul 2015.
  3. ↑ Palmieri, Giorgio. "Hitman Go, la recensione del puzzle game di Square Enix". androidworld.it. 7 giugno 2014. İstifadə tarixi: 15 aprile 2020.
  4. ↑ 1 2 3 4 5 6 7 Vincent, Brittany. "Review: Hitman GO". Destructoid. 7 may 2014. 25 iyul 2015 tarixində arxivləşdirilib. İstifadə tarixi: 16 iyul 2015.
  5. ↑ Leoni, Davide. "Hitman GO: recensione del board game con l'Agente 47". Everyeye.it. 19 aprile 2014. İstifadə tarixi: 15 aprile 2020.
  6. ↑ 1 2 3 4 5 6 Agnello, Anthony John. "Hitman Go review: The game of death". Engadget. AOL. 24 aprel 2014. 9 avqust 2015 tarixində arxivləşdirilib. İstifadə tarixi: 22 iyul 2015.
  7. ↑ 1 2 3 Savage, Phil. "Hitman GO: Definitive Edition Review". PC Gamer. Future Publishing. 22 mart 2016. 5 dekabr 2016 tarixində arxivləşdirilib. İstifadə tarixi: 5 dekabr 2016.
  8. ↑ 1 2 3 4 5 6 7 Gies, Arthur. "Hitman Go review: mouse trap". Polygon. Vox Media. 30 aprel 2014. 21 iyul 2015 tarixində arxivləşdirilib. İstifadə tarixi: 8 avqust 2015.
  9. ↑ 1 2 3 4 5 6 7 8 9 10 11 Cobbett, Richard. "Hitman Go Review". IGN. Ziff Davis. 23 aprel 2014. 21 iyul 2015 tarixində arxivləşdirilib. İstifadə tarixi: 16 iyul 2015.
  10. ↑ 1 2 3 4 5 6 7 Dean, Paul. "Hitman GO review". Eurogamer. Gamer Network. 25 aprel 2014. 21 iyul 2015 tarixində arxivləşdirilib. İstifadə tarixi: 22 iyul 2015.
  11. ↑ 1 2 Carter, Chris. "Hitman Go gets 15 new levels via a free update". Destructoid. 3 iyul 2014. 20 iyul 2015 tarixində arxivləşdirilib. İstifadə tarixi: 16 iyul 2015.
  12. ↑ Blake, Vikki. "Hitman GO Gets New Content, Price Drop". IGN. Ziff Davis. 23 oktyabr 2014. 21 iyul 2015 tarixində arxivləşdirilib. İstifadə tarixi: 16 iyul 2015.
  13. ↑ Palmisano, Fabio. "Hitman GO: Definitive Edition - Recensione - PS4 - 47, vieni a tavola!". Multiplayer.it. 25 febbraio 2016. İstifadə tarixi: 15 aprile 2020.
  14. ↑ 1 2 3 Nutt, Christian. "Interview: Inside Square Enix's Major Montreal Expansion". Gamasutra. UBM plc. 21 noyabr 2011. 14 iyul 2015 tarixində arxivləşdirilib. İstifadə tarixi: 14 iyul 2015.
  15. ↑ 1 2 3 Graft, Kris. "Being smart, being stupid with Hitman Go's design". Gamasutra. UBM plc. 5 mart 2015. 14 iyul 2015 tarixində orijinalından arxivləşdirilib. İstifadə tarixi: 14 iyul 2015.
  16. ↑ 1 2 Sinclair, Brendan. "When a AAA studio makes the jump to mobile". gameindustry.biz. Gamer Network. 18 noyabr 2015. 23 iyul 2015 tarixində arxivləşdirilib. İstifadə tarixi: 22 iyul 2015.
  17. ↑ Pugliese, Tommaso. "Square Enix Montreal ha deciso di abbandonare la serie GO, non c'è spazio per i titoli premium su mobile". Multiplayer.it. 1 iyun 2018.
  18. ↑ 1 2 3 4 "Go Time". unity3d.com. Unity Technologies. 8 oktyabr 2014. 23 iyul 2015 tarixində arxivləşdirilib. İstifadə tarixi: 22 iyul 2015.
  19. ↑ 1 2 Crecente, Brian. "Hitman Go: From tabletop game to slick, addictive mobile puzzler". Polygon. Vox Media. 12 aprel 2014. 25 iyul 2015 tarixində arxivləşdirilib. İstifadə tarixi: 25 iyul 2015.
  20. ↑ Fiorini, Lorenzo. "Hitmam GO, primo titolo mobile del franchise: data d'uscita, prezzo, dettagli". gameback.it. 10 April 2014. İstifadə tarixi: 15 aprile 2020.
  21. ↑ Watts, Steve. "Hitman GO takes Agent 47 to Mobile Devices". IGN. Ziff Davis. 13 fevral 2014. 23 iyul 2015 tarixində arxivləşdirilib. İstifadə tarixi: 22 iyul 2015.
  22. ↑ Matulef, Jeffrey. "Hitman GO due next week on iOS". Eurogamer. Gamer Network. 10 aprel 2014. 14 iyul 2015 tarixində arxivləşdirilib. İstifadə tarixi: 14 iyul 2015.
  23. ↑ Sarkar, Samit. "Hitman Go now available on Android". Polygon. Vox Media. 4 iyun 2014. 15 iyul 2015 tarixində arxivləşdirilib. İstifadə tarixi: 14 iyul 2015.
  24. ↑ Matulef, Jeffrey. "Hitman GO sneaks on Windows 8, Windows Phone". Eurogamer. Gamer Network. 27 aprel 2015. 14 iyul 2015 tarixində arxivləşdirilib. İstifadə tarixi: 14 iyul 2015.
  25. ↑ "Oculus @ E3 2015". oculus.com. Oculus VR. 17 iyun 2015. 26 iyun 2015 tarixində arxivləşdirilib. İstifadə tarixi: 22 iyul 2015.
  26. ↑ Frank, Allegra. "Hitman Go is coming to PS4 and Vita". Polygon. Vox Media. 5 dekabr 2015. 7 dekabr 2015 tarixində arxivləşdirilib. İstifadə tarixi: 5 dekabr 2015.
  27. ↑ Martin, Matt. "Hitman Go Definitive Edition for PS4 and PC arrives next week". VG247. 15 fevral 2016. 16 fevral 2016 tarixində arxivləşdirilib. İstifadə tarixi: 15 fevral 2016.
  28. ↑ 1 2 "Hitman GO for iPhone/iPad Reviews". Metacritic. CBS Interactive. 29 oktyabr 2015 tarixində arxivləşdirilib. İstifadə tarixi: 14 iyul 2015.
  29. ↑ "Hitman GO: Definitive Edition for PC Reviews". Metacritic. CBS Interactive. 5 dekabr 2016 tarixində arxivləşdirilib. İstifadə tarixi: 5 dekabr 2016.
  30. ↑ "Hitman GO: Definitive Edition for PlayStation 4 Reviews". Metacritic. CBS Interactive. 5 dekabr 2016 tarixində arxivləşdirilib. İstifadə tarixi: 5 dekabr 2016.
  31. ↑ "Hitman GO: Definitive Edition for PlayStation Vita Reviews". Metacritic. CBS Interactive. 5 dekabr 2016 tarixində arxivləşdirilib. İstifadə tarixi: 5 dekabr 2016.
  32. ↑ 1 2 Paget, Mat. "Hitman Go VR Review". GameSpot. CBS Interactive. 23 may 2016. 5 dekabr 2016 tarixində arxivləşdirilib. İstifadə tarixi: 5 dekabr 2016.
  33. ↑ Paterson, James. "'Hitman GO' Review – A Surprising Hit Puzzler". TouchArcade. 17 aprel 2014. 29 aprel 2019 tarixində arxivləşdirilib. İstifadə tarixi: 1 aprel 2020.
  34. ↑ Колыско, Игнатий. "HITMAN GO: ОБЗОР". StopGame.ru. 19 may 2014. 7 mart 2022 tarixində arxivləşdirilib. İstifadə tarixi: 7 mart 2022.
  35. ↑ Зайцев, Олег. "Hitman Go - Рецензия". IGN Russia. 2 mart 2016. 7 mart 2022 tarixində arxivləşdirilib. İstifadə tarixi: 7 mart 2022.
  36. ↑ Анциферова, Ольга. "Hitman GO". Игры Mail.ru. 25 aprel 2014. 10 may 2018 tarixində arxivləşdirilib. İstifadə tarixi: 7 mart 2022.
  37. ↑ Антоненков, Егор. "Рецензия на Hitman GO". Канобу. 21 aprel 2014. 30 noyabr 2020 tarixində arxivləşdirilib. İstifadə tarixi: 7 mart 2022.
  38. ↑ Dinowan, Test du jeu Hitman Go, 23 avril 2014, Jeuxvideo.com.
  39. ↑ Silent_Jay, Test du jeu Hitman Go: Definitive Edition, 25 février 2016, Jeuxvideo.com.
  40. ↑ Reynold, Matthew. "Golden Joystick Awards 2014 public voting now open". Digital Spy. Hearst Magazines UK. 24 sentyabr 2014. 10 sentyabr 2015 tarixində arxivləşdirilib. İstifadə tarixi: 8 avqust 2015.
  41. ↑ "British Academy Games Awards 2015 – the full nominations list". The Guardian. 10 fevral 2015. 18 iyul 2015 tarixində arxivləşdirilib. İstifadə tarixi: 9 avqust 2015.
  42. ↑ "Mobile - Best Games of 2014 Nominees". GameSpot. CBS Interactive. 25 iyul 2015 tarixində arxivləşdirilib. İstifadə tarixi: 9 avqust 2015.
  43. ↑ "Hitman Go - Best Mobile Game". IGN. Ziff Davis. 8 iyun 2015 tarixində arxivləşdirilib. İstifadə tarixi: 9 avqust 2015.
  44. ↑ "Canadian Videogame Awards Announce 2013 & 2014 Winners". PR Newswire. UBM plc. 21 noyabr 2014. 24 sentyabr 2015 tarixində orijinalından arxivləşdirilib. İstifadə tarixi: 10 avqust 2015.
  45. ↑ "NAVGTR Awards (2014)". National Academy of Video Game Trade Reviewers. 22 mart 2017 tarixində orijinalından arxivləşdirilib. İstifadə tarixi: 28 yanvar 2017.
  46. ↑ Джинджолия, Фазиль. "Лучшие игры апреля 2014". Игры Mail.ru. 1 may 2014. 11 iyul 2014 tarixində arxivləşdirilib. İstifadə tarixi: 3 may 2022.
  47. ↑ 1 2 3 Farokhmanesh, Megan. "How the creators of Hitman Go hope to catch lightning in a bottle twice with Tomb Raider". Polygon. Vox Media. 24 iyun 2015. 23 iyul 2015 tarixində arxivləşdirilib. İstifadə tarixi: 22 iyul 2015.
  48. ↑ Makuch, Eddie. "Lara Croft Go Release Date Announced". GameSpot. CBS Interactive. 6 avqust 2014. 19 avqust 2015 tarixində arxivləşdirilib. İstifadə tarixi: 9 avqust 2015.
  49. ↑ Makedonski, Brett. "Deus Ex GO is the new mobile game from Square Enix Montreal". Destructoid. 8 iyun 2016. 22 oktyabr 2016 tarixində arxivləşdirilib. İstifadə tarixi: 8 iyun 2016.

  • hitmango.com — rəsmi saytı
Mənbə — "https://az.wikipedia.org/w/index.php?title=Hitman_Go&oldid=8392684"
Informasiya Melumat Axtar