Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinHoradiz-Cəbrayıl-Zəngilan-Ağbənd avtomobil yolu — Azərbaycanın işğaldan azad edilmiş ərazilərindən keçən və Zəngəzur dəhlizinin əsas hissələrindən birini təşkil edən magistral avtomobil yolu.
| Horadiz-Cəbrayıl-Zəngilan-Ağbənd avtomobil yolu |
|---|
Horadiz-Cəbrayıl-Zəngilan-Ağbənd avtomobil yolunun təməli 2021-ci il 26 oktyabr tarixində Azərbaycan Respublikasının Prezidenti İlham Əliyev və Türkiyə Respublikasının Prezidenti Rəcəb Tayyib Ərdoğan tərəfindən qoyulub.[1]
Zəngəzur dəhlizi layihəsi çərçivəsində yol boyu geniş mühəndis və infrastruktur işləri həyata keçirilib. 2025-ci ilin sentyabrında tikintinin 95 faizinin icra olunduğu açıqlanıb.[2]
Avtomobil yolunun inşasının 2026-cı ilin ikinci yarısında başa çatdırılması planlaşdırılır.[3]
Horadiz-Cəbrayıl-Zəngilan-Ağbənd avtomobil yolunun ümumi uzunluğu 149,9 kilometrdir və bunun 123,6 kilometri əsas yol hissəsidir.[2] Yol birinci texniki dərəcəyə uyğun inşa olunur. Marşrutun 78,5 kilometrlik hissəsi altı, 45,1 kilometrlik hissəsi isə dörd hərəkət zolağından ibarətdir.[3]
Yol boyunca tunellər, körpülər, alt keçidlər və mühəndis qurğuları inşa edilmiş, torpaq yatağı və yol geyimi üzrə işlərin böyük hissəsi tamamlanmışdır.[2] Zəngilan istiqamətində tikinti işlərinin əsas podratçısı “Kalyon” şirkətidir.[1]
Tikinti zamanı torpaq işləri və asfalt örtüyünün çəkilməsi üzrə əsas mərhələlər yekunlaşdırılıb.[2] Magistral boyunca üç tunel inşa edilir və tunellərdə qazma işləri başa çatdırılıb. 2025-ci ilin noyabrına olan məlumata görə, 24 körpüdən 23-ü tamamlanıb, birində isə işlər davam etdirilir.[3]
- ↑ 1 2 "Azərbaycan və Türkiyə prezidentləri Horadiz-Cəbrayıl-Zəngilan-Ağbənd avtomobil yolunun təməlini qoyublar". President.az. Azərbaycan Respublikası Prezidentinin rəsmi internet saytı. 26 oktyabr 2021. İstifadə tarixi: 25 noyabr 2025.
- ↑ 1 2 3 4 "Horadiz-Cəbrayıl-Zəngilan-Ağbənd yolunun tikintisi 95% icra olunub". aayda.gov.az. 16 sentyabr 2025. İstifadə tarixi: 25 noyabr 2025.
- ↑ 1 2 3 "Horadiz-Ağbənd avtomobil yolunun inşası gələn ilin ikinci yarısında başa çatacaq". AZƏRTAC. 6 noyabr 2025. İstifadə tarixi: 25 noyabr 2025.