Butun axtardiqlarinizi tapmaq ucun buraya: DAXIL OLUN
  Mp4 Mp3 Axtar Yukle
  Video Axtar Yukle
  Shekil Axtar Yukle
  Informasiya Melumat Axtar
  Hazir Inshalar Toplusu
  AZERI CHAT + Tanishliq
  Saglamliq Tibbi Melumat
  Whatsapp Plus Yukle(Yeni)

  • Ana səhifə
  • Təsadüfi
  • Yaxınlıqdakılar
  • Daxil ol
  • Nizamlamalar
İndi ianə et Əgər Vikipediya sizin üçün faydalıdırsa, bu gün ianə edin.
 Kömək
Kitab yaradıcısı ( deaktiv et )
 Bu səhifəni kitabınıza əlavə edin Kitabı göstər (0 səhifə) Səhifə təklif edin

Jofiya Kovaç

Macarıstan idman gimnastı
  • Məqalə
  • Müzakirə

Jofiya Kovaç (mac. Kovács Zsófia; 6 aprel 2000, Dunauyvaroş, Feyer medyesi[d]) — 2016 və 2020-ci il Olimpiya Oyunlarının macar idman gimnastı.[1]

Jofiya Kovaç
mac. Kovács Zsófia
Şəxsi məlumatlar
Doğum tarixi 6 aprel 2000(2000-04-06) (25 yaş)
Doğum yeri
  • Dunauyvaroş, Feyer medyesi[d], Macarıstan
Boyu 157 sm
Çəkisi 48 kq
Gimnastika karyerası
Təmsil etdiyi ölkə Macarıstan Macarıstan
Gimnastika növü idman gimnastikası
Medallar
Avropa çempionatı
Qızıl Mərsin 2020 dayaqlı tullanma
Qızıl Mərsin 2020 paralel qollar
Qızıl Münxen 2022 dayaqlı tullanma
Bürünc Mərsin 2020 komanda
Gümüş Kluj-Napoka 2017 çoxnövçülük
Gümüş Antalya 2023 çoxnövçülük
Bürünc Antalya 2023 dayaqlı tullanma
Vikianbarın loqosu Vikianbarda əlaqəli mediafayllar

O, 2017 və 2023-cü illərdə çoxnövçülük üzrə Avropa çempionatının gümüş mükafatçısı, 2020-ci ildə paralel qollarda Avropa çempionu, həmçinin tullanma üzrə 2020 və 2022-ci illər Avropa çempionu.

Mündəricat

  • 1 Erkən həyatı
  • 2 Gənc gimnastika karyerası
  • 3 Sonrakı illər
    • 3.1 2016
    • 3.2 2017–2018
    • 3.3 2019–2020
    • 3.4 2021
    • 3.5 2022
    • 3.6 2023–2024
  • 4 İstinadlar

Erkən həyatı

Kovaç 6 aprel 2000-ci ildə Dunauyvaroşda anadan olub. Altı yaşında gimnastika ilə məşğul olmağa başlayıb.[1]

Gənc gimnastika karyerası

Kovaç çoxnövçülükdə 19-cu yer tutduğu 2014-cü il Avropa çempionatında yarışıb.[2] 2015-ci il Avropa Gənclər Olimpiya Festivalında Kovaç çoxnövçülükdə beşinci, tullanmada dördüncü, paralel qollarda və tarazlıqda yeddinci yerin sahibi olub.[3]

Sonrakı illər

2016

Kovaç 2016-cı ildə böyüklər arasında yarış hüququ qazanıb, Culiya Ştaynqruber və Barbora Mokosovanı çoxnövçülükdə geridə qoyaraq, qalib gəldiyi Avstriya Team Open-da böyük debütünü etdi.[4] Daha sonra Doha Dünya Çağırış Kubokunda yarışaraq, Ştaynqruber və Diana Bulimardan sonra bürünc medal qazandı.[5]

 
Kovaç 2016-cı il Yay Olimpiya Oyunlarında

Aprel ayında Kovaç Rio-de-Janeyroda keçirilən 2016-cı il Yay Olimpiya Oyunlarının seçmə mərhələsində yarışdı. O, çoxnövçülükdə on dördüncü olaraq, Olimpiya Oyunlarında yarışmaq üçün fərdi vəsiqə qazandı.[6] Olimpiya Oyunlarının təsnifat mərhələsində Kovaç çoxnövçülükdə 33-cü yeri tutaraq, heç bir finala yüksələ bilmədi.[7]

Olimpiadadan sonra Kovaç Sombatxey Dünya Çağırış Kubokunda yarışaraq, paralel qollarda bürünc medal qazandı.[8] O, həmçinin paralel qollar və dayaqlı tullanma üzrə qızıl medallar qazandığı Kotbas Dünya Kubokunda da yarışdı, dayaqlı tullanmada bürünc medal qazandı.[9]

2016-cı ildə o, TZ DSHS Köln komandası üçün Almaniya Gimnastika Bundesliqasında (premyer liqa) çıxış edərək, yarışın ikinci günündə, bütün gimnastlar arasında çoxnövçülük üzrə ən yaxşı çıxışını nümayiş etdirdi.[10]

2017–2018

2017-ci ildə Kluj-Napokada keçirilən Avropa çempionatında Kovaç, çoxnövçülükdə Ellisa Daunidən sonra gümüş medal qazandı və Adrien Varqanın 1998-ci ildə tullanmadakı qalibiyyətindən sonra, podiuma çıxan ilk macar qadın oldu. Bundan əlavə, Kovaç dayaqlı tullanma və paralel qollarda altıncı oldu.[11] O, 2017-ci ildə Monrealda keçirilən Dünya çempionatında da iştirak etsə də, finala vəsiqə qazana bilmədi.[12]

Kovaç qarın nahiyəsindən aldığı zədə səbəbindən 2018-ci il Avropa çempionatına qatıla bilmədi. Bununla belə, o, 2018-ci ildə Sombatxey Dünya Çağırış Kubokunda yarışdı və burada dayaqlı tullanmanın finalında qızıl medal qazandı.[13] O, Dohada keçirilən 2018-ci il Dünya çempionatında yarışaraq, 51,765 xalla iyirminci yeri tutdu və çoxnövçülüyün finalına vəsiqə qazandı.[12]

2019–2020

Martda 2019-cu il Ştutqart Dünya Kubokunda yarışmış Jofiya çoxnövçülükdə doqquzuncu oldu. Aprel ayında o, ayağından aldığı zədə səbəbindən 2019-cu il Avropa çempionatında iştirak edə bilmədi.[14] O, iyun ayında Koper Dünya Çağırış Kubokunda yarışa qayıtdı, paralel qollar və dirəklə tullanmada qızıl medallar qazandı.[15] Sentyabrda Paris Dünya Çağırış Kubokunda yarışan Kovaç, Melani de Jesus dos Santos və Anastasiya Aqafonovadan sonra paralel qollarda bürünc medal qazandı.[16] Oktyabrda, Ştutqartda keçirilən 2019-cu il Dünya çempionatında yarışa qatılmış Jofiya, təsnifat mərhələsində çoxnövçülükdə otuzuncu yeri tutdu. O, çoxnövçülük üzrə finala vəsiqə qazanmasa da, 2020-ci il Yay Olimpiya Oyunlarında fərdi iştirakı üçün vəsiqə qazandı.[17]

2020-ci ildə əksər yarışlar qlobal COVID-19 pandemiyası səbəbindən təxirə salındı. Dekabr ayında Kovaç Mersində yenidən planlaşdırılan 2020 Avropa çempionatında yarışdı. Bu yarışda Kovaç, Ksenqi Bəkski, Dorina Byötseke, Mirtil Makovits və Zoya Sekeydən ibarət Macarıstan komandası Ukrayna və Rumıniyadan sonra bürünc medal qazandı. Macarıstan komandasının fəxri kürsüdə yer alması Avropa çempionatı tarixində ilk dəfə idi.[18] Fərdi olaraq Kovaç 14.050 (orta xal 14.350 və 13.750) və 13.850 xalla tullanma və paralel qollarda qızıl medal qazandı.[19]

2021

Kovaç 2021-ci il Avropa çempionatında paralel qollar və tarazlıqda yarışsa da, lakin finala çıxa bilmədi. O, 2021-ci il Osiyek Dünya Çağırış Kubokunda Nina Dervaldan sonra, paralel qollarda gümüş medal qazandı.[20] Doha Dünya Kubokunda isə, Diana Varinskadan sonra tarazlıqda gümüş medal qazandı.[21]

Kovaç, Macarıstanı 2020-ci ildə Tokioda keçirilən Yay Olimpiya Oyunlarında təmsil edib. Təsnifat mərhələsində o, çoxnövçülükdə finala vəsiqə qazandı və paralel qollarda on dördüncü yeri tutdu. Çoxnövçülükdə finalda o, 53.433 xalla on dördüncü oldu.[22]

Kovaç daha sonra Kitakyuşuda, 2021-ci il Dünya çempionatında yarışdı, lakin ayağından aldığı zədə səbəbindən yarışı davam etdirə bilmədi. O, beşinci yeri tutduğu paralel qolların finalına vəsiqə qazandı.[12]

2022

 
Kovaç 2022-ci il Avropa çempionatında

Kovaç 2022-ci ilin yarış mövsümünə Qahirə Dünya Kuboku ilə başladı və dirəkli tullanmada gümüş medal qazandı.[23] İyun ayında o, Koper Dünya Çağırış Kubokunda iştirak edərək, dirəkli tullanma və paralel qollarda üç qızıl medal qazandı.[24]

Avqust ayında Kovaç 2022-ci ildə Münxendə keçirilən Avropa çempionatında çoxnövçülükdə yarışdı. Lakin, yarışın təsnifat mərhələsində o, iki dəfə tarazlıq tirində və eyni zamanda paralel qollar üzərində də yıxıldı.[25] Düşməyinə baxmayaraq, o, çoxnövçülükdə 9-cu yeri tutaraq 52.765 xal toplaya bildi.[26] Bundan əlavə, o, dayaqlı tullanmada birinci və sərbəst hərəkətlərdə yeddinci yeri qazanmaqla Macarıstanın komanda finalına vəsiqə qazanmasında böyük rol oynadı. Macarıstan komanda finalında yeddinci oldu. Dayaqlı tullanmada Asya Damato və Alin Frisi geridə qoyaraq qızıl medal qazandı və ikinci Avropa çempionluğunu qazandı.[27] Döşəmə hərəkətlərinin finalında o, üçüncü tamblinq ötürməsində yıxıldığından səkkizinci oldu.[28]

2022-ci ildə Liverpulda keçirilən Dünya çempionatında Kovaç qarın əzələsindən aldığı zədə səbəbindən yarışı müxtəlif hündürlüklü qollar ilə məhdudlaşdı. Yeddinci yeri tutduğu finala vəsiqə qazandı.[29]

2023–2024

2023-cü il Avropa çempionatında Kovaç Macarıstan komandasına dördüncü yeri qazandırdı.[30] Bundan əlavə, o, çoxnövçülükdə; müxtəlif hündürlüklü qollar, dayaqlı tullanma və sərbəst hərəkətlər finallarına vəsiqə qazandı.[31] Çoxnövçülükdə finalda o, Cesika Qədirovadan sonra gümüş medal qazandı. O, müxtəlif hündürlüklü qollarda beşinci, döşəmə hərəkətində səkkizinci yeri tutdu və dayaqlı tullanmada bürünc medal qazandı.[32][33]

Sentyabr ayında Kovaç ayaq vətərinin zədələnməsi səbəbindən 2023-cü il Dünya çempionatında iştirak edə bilmədi.[34]

Kovaç 2024-cü ilin iyununda RomGym Trophy-də yarışmaq üçün yarışa qayıtdı. Kvalifikasiyalar zamanı o, müxtəlif hündürlüklü qollarda 10.600 bal toplasa da, finala vəsiqə qazana bilmədi. Bununla belə, Ana Filipa Martins geri çəkildikdən sonra Kovaç finalda onu əvəzlədi.[35] Nəticədə Macarıstan Gimnastika Federasiyası Kovaça qeyri-nominant Olimpiya vəsiqəsini verdi.[36] 2024-cü il Olimpiya Oyunlarında döşəmə hərəkətləri məşqi zamanı Kovaç dizindən zədə aldı və yarışa bilmədi. Onu Zoya Jekeli əvəz etdi.[37]

Vikianbarda Jofiya Kovaç ilə əlaqəli mediafayllar var.

İstinadlar

  1. ↑ 1 2 "Kovács Zsófia" (macar). Magyar Olimpiai Bizottság. 2016. 22 aprel 2017 tarixində arxivləşdirilib. İstifadə tarixi: 14 fevral 2017.
  2. ↑ "2014 European Championships Results". The Gymternet. 18 may 2014.
  3. ↑ "2015 European Youth Olympic Festival Results". The Gymternet. 30 iyul 2015. 31 mart 2022 tarixində arxivləşdirilib. İstifadə tarixi: 19 may 2025.
  4. ↑ "2016 Austrian Team Open results". The Gymternet. 6 mart 2016. İstifadə tarixi: 12 avqust 2022.
  5. ↑ "2016 Doha Challenge Cup results". The Gymternet. 24 mart 2016. 12 avqust 2022 tarixində arxivləşdirilib. İstifadə tarixi: 12 avqust 2022.
  6. ↑ "Test Event". GymnasticsResults. 25 mart 2022 tarixində arxivləşdirilib. İstifadə tarixi: 12 avqust 2022.
  7. ↑ "2016 Olympics". GymnasticsResults. 7 aprel 2023 tarixində arxivləşdirilib. İstifadə tarixi: 12 avqust 2022.
  8. ↑ "2016 Szombathely Challenge Cup results". The Gymternet. 7 oktyabr 2016. 31 mart 2022 tarixində arxivləşdirilib. İstifadə tarixi: 12 avqust 2022.
  9. ↑ "2016 Cottbus World Cup results". The Gymternet. 17 noyabr 2016. 12 avqust 2022 tarixində arxivləşdirilib. İstifadə tarixi: 12 avqust 2022.
  10. ↑ "Results of the 2nd competition day of the German Gymnastics Bundesliga" (PDF). deutsche-turnliga.de. 11 may 2024 tarixində arxivləşdirilib (PDF). İstifadə tarixi: 19 may 2025.
  11. ↑ "2017 European Championships results". European Gymnastics. 12 avqust 2022 tarixində arxivləşdirilib. İstifadə tarixi: 12 avqust 2022.
  12. ↑ 1 2 3 "Zsofia Kovacs FIG Athlete Profile". International Gymnastics Federation. 31 mart 2022 tarixində arxivləşdirilib. İstifadə tarixi: 12 avqust 2022.
  13. ↑ "2018 Szombathely Challenge Cup results". The Gymternet. 23 sentyabr 2018. 19 yanvar 2019 tarixində arxivləşdirilib. İstifadə tarixi: 19 may 2025.
  14. ↑ "2019 Stuttgart World Cup results". The Gymternet. 17 mart 2019. 19 yanvar 2025 tarixində arxivləşdirilib. İstifadə tarixi: 19 may 2025.
  15. ↑ "2019 Koper Challenge Cup results". The Gymternet. 7 iyun 2019. 21 fevral 2025 tarixində arxivləşdirilib. İstifadə tarixi: 19 may 2025.
  16. ↑ "Paris Challenge Cup results". The Gymternet. 17 sentyabr 2019. 11 may 2025 tarixində arxivləşdirilib. İstifadə tarixi: 19 may 2025.
  17. ↑ "Olympic Qualifiers". The Gymternet. 7 oktyabr 2019. 19 dekabr 2020 tarixində arxivləşdirilib. İstifadə tarixi: 19 may 2025.
  18. ↑ "Magyar bronzérem született a csapatversenyben a női torna EB-n" [Hungarian bronze medal in the team event at the women's ECH]. Origo Sport (macar). 19 dekabr 2020. İstifadə tarixi: 12 avqust 2022.
  19. ↑ "2020 European Championships results". European Gymnastics. 12 avqust 2022 tarixində arxivləşdirilib. İstifadə tarixi: 12 avqust 2022.
  20. ↑ "2021 Osijek Challenge Cup results". The Gymternet. 16 iyun 2021. 15 aprel 2025 tarixində arxivləşdirilib. İstifadə tarixi: 19 may 2025.
  21. ↑ "2021 Doha World Cup results". The Gymternet. 27 iyun 2021. 14 may 2024 tarixində arxivləşdirilib. İstifadə tarixi: 19 may 2025.
  22. ↑ "2020 Olympics". GymnasticsResults. 7 aprel 2023 tarixində arxivləşdirilib. İstifadə tarixi: 12 avqust 2022.
  23. ↑ "2022 Cairo World Cup results". 20 mart 2022. 5 avqust 2024 tarixində arxivləşdirilib. İstifadə tarixi: 19 may 2025.
  24. ↑ "2022 Koper Challenge Cup results". The Gymternet. 21 iyun 2022. 23 iyun 2024 tarixində arxivləşdirilib. İstifadə tarixi: 19 may 2025.
  25. ↑ "European Championship preview". BalanceBeamSituation. 9 avqust 2022.
  26. ↑ "Inkább sír, mint mosolyog tornásznőnk, pedig első helyen lett Eb-döntős" [Our gymnast is crying rather than smiling, even though she is a finalist in the European Championships]. Magyar Nemzet (macar). 12 avqust 2022.
  27. ↑ "Multisport Eb, torna: hetedik lett a női csapatunk". Nemzeti Sport (macar). 13 avqust 2022. 28 may 2023 tarixində arxivləşdirilib. İstifadə tarixi: 19 may 2025.
  28. ↑ "Kovács Zsófia Eb-győztes ugrásban". M4 Sport (macar). 14 avqust 2022. 31 yanvar 2023 tarixində arxivləşdirilib. İstifadə tarixi: 19 may 2025.
  29. ↑ "Kovács Zsófia hibázott, de sok dicséretet kaptak a magyarok". Magyar Nemzet (macar). 6 noyabr 2022.
  30. ↑ "Sporttörténelmi magyar szereplés, negyedik a női csapat a torna Európa-bajnokságon". M4 Sport (macar). 12 aprel 2023. 6 may 2023 tarixində arxivləşdirilib. İstifadə tarixi: 20 may 2025.
  31. ↑ "European Artistic Gymnastics Championships 2023: Britain's Jessica Gadirova wins sensational all-around title". International Olympic Committee. 14 aprel 2023. 16 avqust 2024 tarixində arxivləşdirilib. İstifadə tarixi: 20 may 2025.
  32. ↑ "10th European Artistic Gymnastics Championships Results Book" (PDF). European Gymnastics. 4 oktyabr 2023 tarixində arxivləşdirilib (PDF). İstifadə tarixi: 24 aprel 2023.
  33. ↑ "Kovács Zsófia bronzérmet nyert a torna-Európa-bajnokságon". Telex (macar). 16 aprel 2023. 30 aprel 2023 tarixində arxivləşdirilib. İstifadə tarixi: 20 may 2025.
  34. ↑ "Zsofia Kovacs withdraws from World Artistic Gymnastics Championships after tearing ACL during practice". Nazara Technologies#Sportskeeda. 24 sentyabr 2023. 25 sentyabr 2023 tarixində arxivləşdirilib. İstifadə tarixi: 20 may 2025.
  35. ↑ "2024 RomGym Trophy Results". The Gymternet. 1 iyul 2024. 5 iyul 2024 tarixində arxivləşdirilib. İstifadə tarixi: 20 may 2025.
  36. ↑ "Párizs 2024: Kovács Zsófia reménykedik az olimpiai döntőben" [Paris 2024: Zsófia Kovács hopes for the Olympic final]. Nemzeti Sport (macar). 16 iyul 2024. 30 avqust 2024 tarixində arxivləşdirilib. İstifadə tarixi: 20 may 2025.
  37. ↑ "Kovács Zsófia nem indulhat a párizsi olimpián, Székely Zója válthatja" [Zsófia Kovács cannot compete in the Paris Olympics, Zója Székely can take her place]. Index (macar). 26 iyul 2024. 26 sentyabr 2024 tarixində arxivləşdirilib. İstifadə tarixi: 20 may 2025.
Mənbə — "https://az.wikipedia.org/w/index.php?title=Jofiya_Kovaç&oldid=8144736"
Informasiya Melumat Axtar