Kaçi (şəhər)

Kaçi And dağlarının ətəklərində, Kalçaqui vadisi boyunca yerləşir. Kaçi Argentina üçün məşhur olan təbii gözəllikləri və tarixi mirası ilə tanınır. O, Salta şəhərinin təxminən 150 km cənub-qərbində yerləşir. O, təxminən 2,280 metr yüksəklikdədir və bölgəyə xas olan quru iqlimi ilə seçilir. "Kaçi" adı Quechua dilində "duz" mənasını verir. Bunun səbəbi bölgənin yaxınlığındakı duz sahələri ilə bağlıdır.^[2]

Kaçi qədim zamanlardan bəri yerli Kalçaqui hinduları tərəfindən məskunlaşdırılmışdır. Bu xalqlar bölgədə inkişaf etmiş kənd təsərrüfatı və ticarət mədəniyyəti ilə tanınırdılar. İspanlar bölgəyə XVI əsrdə gəliblər. Kaçinin müasir memarlığı bu dövrün təsirini əks etdirir. Kolonial üslubda inşa edilmiş evlər, dar daş küçələr və mərkəzi meydan bu tarixdən miras qalmışdır.

Kaçi şəhəri həmçinin turizmi ilə fərqlənir. Bura bir çox məkanları, həmçinin, Katolik Kilsəsi (Iglesia de San José), Arxeologiya Muzeyini (Museo Arqueológico de Cachi) misal çəkə bilərik.

• Katolik Kilsəsi (Iglesia de San José) - 1796-cı ildə tikilmiş bu tarixi kilsə, kaktus ağacından düzəldilmiş tavanı ilə məşhurdur.
• Arxeologiya Muzeyi (Museo Arqueológico de Cachi) - Bu muzeydə Kalçaqui vadisinin qədim mədəniyyətlərinə aid əsərlər nümayiş olunur.

Kaçidə 2001-ci ildə 5254 nəfər əhali yaşayıb. Bu da 1991-ci ildəki son siyahıyaalma ilə müqayisədə 17,62% artım deməkdir. Artıma iki amil təsir edib, yüksək doğum nisbəti və insanların Salta, Tukuman və Buenos-Ayresdən bölgəyə köçməsi.^[3]

•   Vikisəyahətdə Kaçi (şəhər) haqqında səyahət məlumatları var.
• Cachi pictures