"Krasnodar" — Krasnodar şəhərində yerləşən eyniadlı klubun futbol stadionu. Məkan Vostoçno-Kruqlikovski mikrorayonunda, Razvedçik Leonov küçəsi, 1 ünvanında yerləşir. "Krasnodar" futbol klubu akademiyasının ərazisi və eyniadlı park stadiona bitişikdir.
| Krasnodar stadionu | |
|---|---|
 | |
 |
|
| Yeri | Krasnodar, Razvedçik Leonov küçəsi, 1 |
| Təməli qoyulub | 2013 |
| Tikilib | 2016 |
| Açılış tarixi | 9 oktyabr 2016 |
| Sahibi | Krasnodar FK |
| Tamaşaçı tutumu |
34.089 (2016—2018) 34.350 (2018—2019) 35.179 (2019-cu ildən) |
| Ev sahibi komanda | Krasnodar FK |
| Meydançanın ölçüləri | 105 × 68 |
| Ot örtüyü | təbii ot |
 Vikianbarda əlaqəli mediafayllar | |
Stadion tamamilə Rusiyanın ən böyük mağazalar şəbəkəsi “Maqnit”in keçmiş sahibi Sergey Qalitskinin hesabına tikilib.[1] Bəzi hesablamalara görə, tikintinin dəyəri təxminən 400 milyon dollardır.[2]
Gələcək stadionun tikintisi üçün ərazidə hazırlıq işlərinə 2011-ci ildə başlanıldı. Stadion layihəsi "SPEECH" memarlıq bürosunun tərkibində olan Sergey Kuznetsovla birgə "gmp Architekten von Gerkan, Marg und Partner" (Almaniya) tərəfindən yaradılmışdır.[3] Stadionun daxili dizaynı Maxim Rımar studiyası tərəfindən hazırlanıb.[4] Stadionun inşasına 2013 -cü ilin may ayında Türkiyənin "Esta Construction" şirkəti tərəfindən başlanıldı. Stadionun naviqasiyası Artemi Lebedevin studiyası tərəfindən həyata keçirilib.
Fasad bəzəməsi italyan travertin ilə edilmişdir. Stadionun tribunaları tamamilə damın altındadır. Arena yalnız futbol üçün nəzərdə tutulub, qaçış idman zolaqların olmaması oturacaqları meydançaya mümkün qədər yaxınlaşdırmağa imkan verir. Stadionun yanında təxminən 17 hektar sahəsi olan park yerləşir. Elə burada klubun matçlar zamanı istifadə etdiyi 3 min yerlik avtomobil dayanacağı var. Qalan vaxtlarda şəhərin Vostoçno-Kruqlikovski mikrorayonunun sakinləri maşınlarını orada saxlayırlar.[5] Stadion rəsmi hesab lövhəsinin olmaması ilə fərqlənir, matç haqqında məlumatlar stadionun üstü boyunca uzanan 3D ekranda göstərilir. Ümumi sahəsi 4700 m²-dir. Sergey Qalitskinin sözlərinə görə, tutumu 42700 oturacağa qədər artırmaq mümkündür.[6]
2017-ci ilin yayında stadionda rejissor Danila Kozlovskinin çəkdiyi “Məşqçi” bədii filminin çəkilişləri baş tutmuşdur.
2017-ci ilin oktyabr ayında stadionun yaxınlığında "Krasnodar" adlı şəhər parkı açıldı. Yeni stadion və park dizaynında eyni tikinti materiallarından istifadə edilən bir memarlıq ansamblıdır.
2017-ci il noyabrın 14-dən 19-dək Rusiyada başa tutan 2018-ci il futbol üzrə dünya çempionatı öncəsi Rusiya şəhərlərində keçirilən Kubok turu çərçivəsində stadionun ərazisində futbol üzrə Dünya Kuboku nümayiş etdirildi.
27 avqust 2021-ci il tarixində RPL-in 6-cı turu çərçivəsində keçirilən "Krasnodar" və "Rubin" arasındakı oyunda Krasnodar stadionunda ilk dəfə olaraq alman bəstəkarı Hans Zimmerin xüsusi yazdığı klubun himni səsləndirildi.
Stadioun UEFA 4 kateqoriyasına malikdir, bu da onun ən yüksək kateqoriyalı stadion olduğu deməkdir və burada FİFA Dünya Kuboku və Avropa Futbol Çempionatının final mərhələsi, həmçinin Çempionlar Liqasının və Avropa Liqasının bütün mərhələlərinin oyunlarını keçirmək mümkündür.
Stadiumdb.com portalının məlumatlarına görə, stadion ilin ən yaxşı stadionu (2016 -cı ildə tikilən və ya yenidən qurulan) adına namizəd göstərilmişdir. “Krasnodar” klubunun stadionu əvvəlcə müsabiqənin final hissəsinə düşdü, sonra yekun səsvermədə tamaşaçıların səsverməsinin nəticələrinə görə ikinci,[7] ekspert münsiflər heyətinin səsverməsinin nəticələrinə görə isə üçüncü yeri tutdu[8].
Müsabiqənin münsiflər heyəti stadion layihələşdirməsinə görə tanınan beş memardan ibarət idi. Stadion arenanın vizual təsiri, onun ətraf əraziləri və innovativ hissəsi kimi üç meyar üzrəində qiymətləndirilirdi.[9]
Səsvermənin nəticələrinə görə, stadion 100.614 xal topladı və StadiumDB reytinqlərinin ümumi tarixində belə nəticəyə nail olan dünyada üç stadiondan biri oldu. Həmçinin, bundan əvvəl dünyada yalnız iki stadion həm tamaşaçı, həm də ekspert səsverməsinin nəticələrinə əsasən ilk üçlüyə daxil olmuşdur.
2017-ci ilin oktyabrında "Krasnodar" stadionu stadionun daxili təşəkkülündə videoekrandan istifadəyə görə "Ən Yaxşı İnnovasiya" nominasiyasında "TheStadiumBusiness Design & Development Awards 2017" müsabiqəsinin qısa siyahısına daxil edilmişdir.
- ↑ "Галицкий: Новый стадион ФК "Краснодар" никогда не окупится" (rus). Российская газета. 12 avqust 2019 tarixində arxivləşdirilib. İstifadə tarixi: 15 iyun 2019.
- ↑ Русские норм!. "Сергей Галицкий. Первое интервью после сделки: почему продали «Магнит», о футболе, Мамаеве и Крыме". 6 aprel 2019. 8 iyun 2019 tarixində arxivləşdirilib. İstifadə tarixi: 15 iyun 2019.
- ↑ "Лекция Сергея Чобана «Архитектура спорта»". archi.ru. 11 oktyabr 2012. 18 mart 2015 tarixində arxivləşdirilib. İstifadə tarixi: 12 aprel 2015.
- ↑ "MAXIM RYMAR Architectural Studio". 5 iyun 2017 tarixində arxivləşdirilib. İstifadə tarixi: 7 avqust 2019.
- ↑ Строительство стадиона ФК «Краснодар» Arxivləşdirilib 2016-12-25 at the Wayback Machine Югополис, 30.04.2014
- ↑ "Программа «В рабочий полдень»: Сергей Галицкий". 2 fevral 2017 tarixində arxivləşdirilib. İstifadə tarixi: 25 oktyabr 2021.
- ↑ "Stadium of the Year 2016: Public Vote 2nd Place – Stadion FK Krasnodar – StadiumDB.com" (ingilis). stadiumdb.com. 4 aprel 2017 tarixində arxivləşdirilib. İstifadə tarixi: 3 aprel 2017.
- ↑ "Stadium of the Year 2016: Jury Vote 3rd place – Stadion FK Krasnodar – StadiumDB.com" (ingilis). stadiumdb.com. 4 aprel 2017 tarixində arxivləşdirilib. İstifadə tarixi: 3 aprel 2017.
- ↑ "Стадион ФК «Краснодар» занял третье место в списке лучших арен 2016 года". RT на русском (rus). 3 aprel 2017 tarixində arxivləşdirilib. İstifadə tarixi: 3 aprel 2017.