Kuroda Seyki (黒田 清輝?, 9 avqust 1866, Hiqaşisenqoku[d], Kaqoşima prefekturası – 15 iyul 1924[1][2][…], Tokio şəhəri[d][3]) və ya Kuroda Kiyoteru – Yaponiya rəssamı. Yaponiyanı impressionizmlə tanış etmişdir.[4] "Yaponiyada Qərb rəssamlığının atası" hesab olunur.[5]
| Kuroda Seyki | |
|---|---|
| yap. 黒田清輝 | |
 | |
| Doğum tarixi | 9 avqust 1866 |
| Doğum yeri |
|
| Vəfat tarixi | 15 iyul 1924[1][2][…] (57 yaşında) |
| Vəfat yeri | |
| Dəfn yeri |
|
| Fəaliyyəti | rəssam, siyasətçi |
| Təhsili |
|
| Mükafatları |
   |
 Vikianbarda əlaqəli mediafayllar | |
Kuroda Seyki 1866-cı ildə müasir Kaqoşima prefekturasının ərazisində doğulmuş və dayısı Kuroda Kiyotsuna tərəfindən övladlığa götürülmüşdür.[4] 1884-cü ildə hüquq təhsili almaq üçün Parisə səyahət etmişdir.[4] Parisdə sənət əsərləri satmaqla məşğul olan Hayaşi Tadamasa, eləcə də, sənətşünaslıq tələbələri Yamamoto Hasui və Fuci Masazo ilə tanış olmuşdur.[4] İki il boyunca həm hüquq, həm də rəssamlıqla məşğul olmuşdur.[4] Lakin ailəsinin icazəsi ilə özünü tamamilə rəssamlığa həsr etməyə qərar vermiş və Rafael Kollenin tələbəsi olmuşdur.[4]
Kurodanın yaradıcılığı tanınmış və Fransanın bir sıra təsviri incəsənət cəmiyyətlərinə qəbul edilmişdir.[4] 1893-cü ildə Yaponiyaya qayıdaraq Meyci dövrünün Qərb rəssamlığında yeni istiqamət başlatmışdır.[4] O, Meyci Təsviri İncəsənət Cəmiyyətinə qoşulanda gənc üzvlər onun liderliyini sezmiş, mühafizəkarlar isə onu rəqib hesab etmişdirlər.[4] Kollenin digər tələbəsi olmuş Kume Keyiçiro ilə birlikdə fransız sisteminə əsaslanan Tenşin Doco studiyasını açmışdır.[4]
1896-cı ildə Kuroda və onun təqibçiləri Meyci Təsviri İncəsənət Cəmiyyətini tərk edərək Ağ At Cəmiyyəti adlı müstəqil rəssamlıq təşkilatı yaratmışdırlar.[4] Tezliklə ona Tokio İncəsənət Məktəbinə qoşulmaq barədə təklif gəlmiş və o, Yaponiyada Qərb rəssamlığının liderinə çevrilmişdir.[4] 1897-ci ildə çəkdiyi "Göl kənarı" əsəri onun ən tanınmış əsəri hesab olunur.[4] 1900–01-ci illərdə Parisdə Yaponiya Təhsil Nazirliyinin nümayəndəsi kimi işləmiş və Parisdə beynəlxalq sərgilərdə çıxış etmişdir.[4]
Kuroda 1907-ci ildə Təhsil Nazirliyi tərəfindən təşkil olunan Bunten sərgisinin hakimi təyin olunmuş, 1919-cu ildə İmperiya evinin rəssamı seçilmiş, 1919-cu ildə isə Yaponiya Təsviri İncsənət Akademiyasının üzvlüyünə qəbul edilmişdir.[4] 1922-ci ildə bu təşkilatın prezidenti seçilmişdir.[4] 1920-ci ildə Yaponiya parlamentinin deputatı olmuşdur.[4] O, 1930-cu ildə İncəsənət Tədqiqatı İnstitutunun əsasını qoymuşdur.[4]
Kurodanın "Göl kənarı" və "Mayko" əsərləri Yaponiya hökuməti tərəfindən buraxılmış poçt markalarının üzərində təsvir edilmişdir.[5] Tokio Milli Muzeyində onun əsərlərinin sərgiləndiyi Kuroda Memorial Zalı yaradılmışdır.[5] Google 9 avqust 2022-ci ildə Kurodanın 156 illiyi münasibətilə dudl təqdim etmişdir.[5]
-
"Mandolin tutan qız", 1891. -
"Mayko", 1893. -
"Göl kənarı", 1897. -
"Çəmən", 1907. -
"Zanbaqlar", 1909. -
"Sakuracimanın püskürməsi", 1914.
.jpg)
.jpg)
.jpg)
_by_Kuroda_Seiki_(Kagoshima_City_Museum_of_Art).jpg)
- ↑ 1 2 Oxford Art Online (ing.). [Oxford, England]: OUP, 2002.
- ↑ 1 2 Seiki Kuroda (nid.).
- ↑ 1 2 Burt E. C. Dictionary of Erotic Artists. Painters, Sculptors, Printmakers, Graphic Designers and Illustrators (ing.). Jefferson, London: McFarland & Company, 2010. ISBN 978-0-7864-4874-6
- ↑ 1 2 3 4 5 6 7 8 9 10 11 12 13 14 15 16 17 18 Kodansha Encyclopedia of Japan
- ↑ 1 2 3 4 "Seiki Kuroda's 156th birthday". Google (ingiliscə). 9 avqust 2022. 23 oktyabr 2022 tarixində arxivləşdirilib. İstifadə tarixi: 23 oktyabr 2022.
- Kodansha Encyclopedia of Japan (ingiliscə). IV cild (J–Libe). Tokio: Kodansha. 1983. səh. 315. ISBN 0-87011-624-7. İstifadə tarixi: 23 oktyabr 2022.