Lins yeni kafedralı və yaxud Müqəddəs Bakirə Məryəmin Məsum Hamiləliyi kafedralı (alm. Maria-Empfängnis-Dom) — Avstriyanın Lins şəhərində yerləşən Roma-Katolik kilsəsi. Neoqotika üslubunda olan bu kilsə, Avstriyanın ən böyük dini binasıdır.[2]
| Lins yeni kafedralı | |
|---|---|
.JPG) | |
| Ölkə | |
| Yerləşir | Lins[1] |
| Tikilmə tarixi | 1862 |
| Üslubu | neoqotika |
| Hündürlüyü | 134,7 m |
| Rəsmi sayt | dioezese-linz.at/mariend… |
| 48°18′01″ şm. e. 14°17′10″ ş. u. | |
 |
|
 Vikianbarda əlaqəli mediafayllar | |
Kafedralın tikinti planları 1855-ci ildə yepiskop Frans-Yosef Rudiqer tərəfindən başladılmışdır. İlk daş 1 may 1862-ci ildə qoyulmuşdur və bu hadisə təntənəli şəkildə qeyd edilmişdir. 1924-cü ildə yepiskop Yohan Mariya Qollner tamamlanmış binanı Müqəddəs Məryəmin şərəfinə "Müqəddəs Bakirə Məryəmin Məsum Hamiləliyi kafedralı" kimi təqdis etdi. Köln Arxiyeparxiyasının baş memarı Vinsent Stats tərəfindən çəkilmiş planlar Fransa Qotik üslubunda hazırlanmışdır.[3]
20,000 nəfər tutumuna malik olan kafedral, Avstriyanın ən böyük (130 metr uzunluqda və 5,170 kvadrat metr sahəsi olan), lakin ən hündür olmayan kilsəsidir. Əvvəlcə planlaşdırılan daha hündür qüllə təsdiq edilmədi, çünki o dövrdə Avstriya-Macarıstan imperiyasında heç bir bina Vyana şəhərindəki Müqəddəs Ştefan kafedralının Cənub qülləsindən daha hündür ola bilməzdi. 134.6 metr hündürlüyü ilə Yeni Kafedral Vyana kafedralından iki metr qısadır.
Kafedralın ən diqqətçəkən xüsusiyyətlərindən biri rəngli şüşə pəncərələridir. Ən məşhuru Lins pəncərəsidir ki, burada Lins şəhərinin tarixi təsvir edilmişdir. Pəncərələrdə həmçinin kilsənin tikintisinə sponsorluq edən müxtəlif şəxslərin portretləri də var. İkinci Dünya müharibəsi zamanı kafedralın cənub hissəsindəki bəzi pəncərələr zədələnmişdir. Orijinal pəncərələrin bərpası əvəzinə onlar müasir incəsənət nümunələri olan pəncərələrlə əvəz edilmişdir. Həmçinin, kilsənin dəfn zalında S.Osterrieder tərəfindən hazırlanmış fiqurlarla bəzədilmiş İsa peyğəmbərin doğulması səhnəsi, yepiskop Rudiqerin əşyalarının nümayişi və 1968-ci ildə məşhur Danimarka orqan ustası Marcussen & Søn tərəfindən hazırlanmış böyük orqan (sözdə "Rudigierorgel") diqqət çəkir.[4]
Kafedralda qüllədə asılmış yeddi zəng var və onlar 2 mərtəbədə yerləşdirilib. Bütün zənglər 1901-ci ildə Anton Guqq tərəfindən hazırlanmışdır. Aşağı mərtəbədə 8 ton ağırlığında olan ən böyük zəng, "Immaculata" yerləşir, yuxarı mərtəbədə isə digər zənglər var. Ən böyük zəng əvvəlcə digər zənglərlə yanaşı yuxarı mərtəbədə asılmışdı, lakin zəng sisteminin tamamlanmasından bir il sonra qüllənin çox yırğalanması səbəbindən bir mərtəbə aşağıya köçürülməli oldu. 3 ən böyük zəng həm də saat zəngi kimi xidmət edir, Pyotr hər rüb saatda, Yozef və Immaculata isə hər tam saatda zəng çalır. Avstriyada zənglər həmişə ən böyükdən ən kiçiyə qədər nömrələnir, 1-ci zəng həmişə tenor və ya bourdon zəngidir.[5]
- ↑ 1 2 3 Wiki Loves Monuments monuments database. 2017.
- ↑ Oberösterreichische Nachrichten (OÖN) of 2006-11-09 Retrieved on 2009-08-07
- ↑ Сайт прихода Непорочного зачатия Пресвятой Девы Марии
- ↑ Universum zu Linz09 from 7 April 2009
- ↑ Daily paper "Heute" of 2008-11-11