Müqəddəs Məryəm kilsəsi (alm. Marienkirche (Rostock)) — Rostok şəhərində yerləşən Lüteran kilsəsi. O, Almaniyanın şimalındakı Rostok şəhərində yerləşən üç şəhər kilsəsindən ən böyüyüdür. Digər ikisi Müqəddəs Pyotr kilsəsi (Petrikirche) və Müqəddəs Nikolay kilsəsidir (Nikolaikirche). Dördüncü kilsə olan Müqəddəs Yakov kilsəsi (Jakobikirche) İkinci Dünya müharibəsi zamanı ağır ziyan görmüş və sonradan sökülmüşdür. Müqəddəs Məryəm Kilsəsi 1265-ci ildə əsas məhəllə kilsəsi kimi fəaliyyətə başlayıb. 1531-ci ildə Protestan Reformasiyasından başlayaraq Meklenburq Evangelist Lüteran Dövlət kilsəsinin icmasına ev sahibliyi edir.[2]
| lüteranlıq | |
| Müqəddəs Məryəm kilsəsi | |
|---|---|
 | |
 | |
| Ölkə | |
| Materialı | kərpic |
| Uzunluğu |
|
| marienkirche-rostock.de | |
 Vikianbarda əlaqəli mediafayllar | |
Ziegenmarkt meydanında yerləşən Müqəddəs Məryəm kilsəsi, böyük bir kərpic qotikası kilsəsidir. XIII əsrdə tikilən kilsə, XIV əsrin sonunda genişləndirilərək hazırkı bazilika formasına salınmışdır. Bu ərazidə bir kilsənin ilk dəfə qeydə alınması 1232-ci ilə aiddir ki, bu da hazırkı binanın əvvəlki versiyası hesab edilir. Üç nefli xaç formalı bazilika, Şimali Almaniyanın Hanza liman şəhərlərinə xas olan kərpic qotikası üslubunda tikilmişdir. Üstündə Barokko fənəri olan nəhəng qüllə isə XVIII əsrin sonuna qədər tamamlanmamışdı.
Kilsədə yüksək qurbangah 1721-ci ildə Berlinli sənətkar tərəfindən əsasən rəngli taxtadan hazırlanmışdır. Qurbangah üç şəkildə təsvir edilir, aşağıda — "Son Şam Yeməyi", ortada — "Dirilmə", yuxarıda isə — "Müqəddəs Ruhun Ucalması".
1574-cü ildə Rudolf Ştokmann tərəfindən hazırlanmış İntibah üslubunda olan mimbər, reformasiyadan sonra Müqəddəs Məryəm kilsəsinə quraşdırılan ilk bəzək elementi idi. İsanın əzab-əziyyət səhnələri ilə bəzədilmiş və 1723-cü ildən qalma Barokko minbər örtüyü ilə minbər indi vahid bir təsir yaradır. Müqəddəs Məryəm kilsəsindəki zəif akustikanı kompensasiya etmək üçün minbər kilsənin ortasında tikilmişdir ki, icmaya yaxınlıq təmin edilsin.[3]
- ↑ 1 2 ArchINFORM (alm.). 1994.
- ↑ Martin Ruhnke, revised by Dorothea Schröder. Friderici, Daniel // Grove Music Online. Oxford Music Online. en:Oxford University Press. 2001. doi:10.1093/gmo/9781561592630.article.10251.
- ↑ David J. Nichols. Hasse, Nikolaus // Grove Music Online. Oxford Music Online. en:Oxford University Press. 2001. doi:10.1093/omo/9781561592630.013.90000380290.
- "Architekturführer DDR Bezirk Rostock " — Verlag für Bauwesen, 1977
- "In deinen Mauern herrsche Eintracht und allgemeines Wohlergehen", Karsten Schröder — Ingo Koch Verlag, 2002
- "ROSTOCK — a tour of the city under the symbols of bull and griffin", Selma Kleinfeldt — Klatschmohn Verlag, 1997
- "Tadellöser & Wolff ", Walter Kempowski — Random House, 1996
- Marienkirche Rostock — English content provided
- Historische Rostocker Bauwerke – Die St.-Marien-Kirche
- Stiftung St.-Marien-Kirche zu Rostock e. V.
- Marien-Kantorei Rostock — English content provided