Müreysi müharibəsi,[1] Bəni Müstəliq savaşı[2] və ya Bəni Müstəliq qəzvəsi[3] (ərəb. غزوة بني المصطلق) — 627-ci ildə müsəlmanlarla Bəni Müstəliq qəbiləsi arasında baş vermiş döyüş.
| Müreysi müharibəsi | |||
|---|---|---|---|
| ərəb. غزوة بني المصطلق | |||
| Tarix | dekabr 627 | ||
| Səbəbi | Bəni Müstəliqin müsəlmanlara qarşı ordu toplaması | ||
| Nəticəsi | Müsəlmanların qələbəsi | ||
| Münaqişə tərəfləri | |||
|
|||
| Komandan(lar) | |||
|
|
|||
| Tərəflərin qüvvəsi | |||
|
|||
| İtkilər | |||
|
|||
|
|
|||
Qureyş qəbiləsi bütün müttəfiqlərini hərəkətə gətirərək Xəndək döyüşü üçün hazırlıqlara başladı. Bəni Müstəliqin başçısı Haris ibn Əbu Dirar, böyük sayda ordu toplayaraq Müreysi quyusunun başında müsəlmanlar qarşı mövqe tutdu. O, Mədinəyə hücuma hazırlaşırdı.[2]
Bu xəbəri alan Məhəmməd peyğəmbər, 700 nəfərlik ordu ilə Bəni Müstəliqə qarşı hücuma keçdi. Məhəmməd peyğəmbər əvvəlcə Ömərdən Bəni Müstəliqi İslama dəvət etməsini istədi.[1] Bəni Müstəliq Ömərin çağırışına oxlarla cavab verdi.[1][2] Hücuma keçən müsəlmanlar Müreysi quyusu ətrafında Bəni Müstəliqi məğlub etdilər.
Bəni Müstəqildən 10, müsəlmanlardan 1 nəfər öldürüldü.[1] Haris ibn Əbu Dirar qaçdı. Bəni Müstəliqdən 600[2] və ya 700[3] nəfər əsir alındı. 2000 dəvə, 5000 qoyun və çox sayda qənimət elə keçirildi.[3] Əsirlərin arasında Harisin qızı Cüveyriyə bint Haris də var idi.[1] Bu döyüşdən sonra ətrafdakı paqan qəbilələrin hücum planları pozuldu. Bəni Müstəliq qəzvəsinin Xəndək döyüşündən sonra baş verdiyi də söylənmişdir.[4]
- ↑ 1 2 3 4 5 BİU, Zaqatala şöbəsi; Elmi və bədii redaktor: Eldar Kərimov. Siyəri-Nəbi (az.). Zaqatala. 2009. 207–208.
- ↑ 1 2 3 4 Ayvalı, Ramazan; tərcümə: Loğman. Sevgili Peyğəmbərim (az.) (1-ci nəşr). Bakı: Nurlar. 2013. 261–262. ISBN 978-9952-460-65-0.
- ↑ 1 2 3 Önkal, Ahmet. "MUSTALİḲ (Benî Mustaliḳ)", TDV İslâm Ansiklopedisi (türk). XXXI. 2020.
- ↑ Sarıçam. Hz. Muhammed (s.a.s.) ve Evrensel Mesajı (türk). Ankara. 2001. 162–163.