Müseyib Məmmədcəfər oğlu Hüseynov (1897, Gədəbəy, Yelizavetpol qəzası – 1955) — Azərbaycan həkimi və dövlət xadimi, Azərbaycan SSR xalq səhiyyə komissarı (1935–1938).[1]
| Müseyib Hüseynov | |
|---|---|
| Müseyib Məmmədcəfər oğlu Hüseynov | |
.svg){kind=small} .svg){kind=small} | |
| 11 yanvar 1935 – 8 may 1938 | |
| Əvvəlki | Möhsün Qədirli |
| Sonrakı | Kübra Fərəcova |
Azərbaycan Tibb İnstitutunun direktoru | |
| 1934 – 1935 | |
| Əvvəlki | Əziz Əliyev |
| Sonrakı | Əziz Əliyev |
| Şəxsi məlumatlar | |
| Doğum tarixi | 1897 |
| Doğum yeri | |
| Vəfat tarixi | 1955 (57–58 yaşında) |
| Vəfat səbəbi | siyasi repressiya |
| Partiya | |
| Təhsili | |
| Fəaliyyəti | həkim, siyasətçi |
| Elmi fəaliyyəti | |
| Elm sahəsi | otorinolarinqologiya |
Müseyib Hüseynov 1897-ci ildə Gədəbəydə anadan olub. Kasıbçılıqdan Gədəbəydə almanların fəaliyyət göstərdiyi "Simmens" misəritmə kombinatında çalışıb. Burada bolşeviklərə qoşulan Müseyib kombinat fəhlələri, kəndçilər və hətta məktəblilər arasında inqilabi təbliğat aparıb, üzvü olduğu partiyanın kənd özəklərinin yaradılmasında öndərlik edib.[1]
M. Hüseynov 1921-ci ildə Azərbaycan Dövlət Universitetinin tibb fakültəsinə daxil olub. Təhsilini başa vurduqdan sonra universitet rəhbərliyi onu qulaq-boğaz-burun kafedrasında ştatdankənar ordinator kimi saxlayıb. 1928-ci ildfə M. Hüseynov Almaniyanın Münxen şəhərinə göndərilir. Şəhərin tanınmış və yüksək dərəcəli həkimlərinin işlədiyi klinikalarından birində üç il müddətində yetərincə təcrübə toplayır. O, 1931-ci ildə geri qayıtmışdır.[1]
1934–1935-ci illərdə Azərbaycan Tibb İnstitutunun rektoru olmuşdur. 1935-ci ildə Azərbaycan SSR xalq səhiyyə komissarı təyin edilmişdir. Komissar olduğu dövründə tibbi müəssisələrin inkişafında, əhaliyə tibbi yardımın (xüsusilə kənd rayonlarında) təşkilində, milli kadrların yetişdirilməsində, yeni xəstəxana və poliklinikaların açılmasında, orta tibb kadrları çatmazlığının aradan qaldırılmasında və s. çox işlər görmüşdür.[1]
7 iyun 1938-ci ildə NKVD-nin əməkdaşları Avakimov və Gevorkov L-597 nömrəli orderlə Müseyib Hüseynovun evində axtarış aparılmış və həmin gün həbs edilmişdir.[1] Onu "alman casusu" ittihamı ilə həbs ediblər.[2]
Siyasi və dövlət xadimi, Azərbaycan SSR xalq ictimai təminat komissarı, Azərbaycan SSR Mərkəzi İcraiyyə Komitəsinin katibi Rəhim Hüseynovun qardaşı, Azərbaycan Dəri Xəstəlikləri İnstitutunun direktoru, Azərbaycan Dövlət Həkimləri Təkmilləşdirmə İnstitutu Dəri Xəstəlikləri kafedrasının müdiri, tibb elmləri doktoru Məhərrəm Hüseynovun əmisi oğludur.[2]
Alman Rut xanımla evlənmişdir.[1] Onların Oskar və Nazim adlı iki oğulları olub. Oskar Hüseynov Azərbaycanda həm burun boğaz xəstəlikləri üzrə baş həkim, həm də uzun müddət Tibb İnstitutunda baş elmi katib, kafedra müdiri olmuşdur.[2]