əl-Müxtəsər (ərəb. المختصر) və ya Müxtəsər əl-Quduri (ərəb. مختصر القدوري) — Hənəfi fiqhinə aid əsər.
| Müxtəsər əl-Quduri | |
|---|---|
| ərəb. مختصر القدوري | |
| Müəllif | Quduri |
| Mövzu | fiqh |
| Orijinalın dili | ərəb dili |
Əsər Hənəfilərin ən çox etibar etdiyi fundamental mətnlərdən biridir. Hənəfi ədəbiyyatın "əl-kitab" deyildiyi zaman Qudurinin məhz bu əsəri qəsd olunur.[1] Əsərin özündə 12000-ə yaxın məsələni ehtiva etdiyi söylənir.[2]
Əsər digər klassik fiqh əsərlərində olduğu kimi kitab və bab sisteminə uyğun olaraq qələmə alınmışdır. Birinci kitab təharət (təmizlik), son kitab fəraiz (miras məsələləri) olub, Əsərdə ümumilikdə təharət, namaz, oruc, zəkat, hac, ticarət, talaq (boşanma), cinayət və məhkəmə iclası kimi geniş həcmli mövzular müxtəlif alt başlıqlara bölünmüş, digər bölmələr isə "kitab" başlığı altında cəmlənmişdir.
Əsərdə yanlız Hənəfi məzhəbinin görüşlərinə yer verilmişdir. Əsərdə əvvəl Əbu Hənifə və ya onun olduğu tərəfin görüşlərinə, sonra isə Əbu Yusif ilə Məhəmməd ibn Həsən əş-Şeybaninin həmfikir olduğu məsələlər, Əbu Yusifin və ya Məhəmməd əş-Şeybaninin tək olduğu mövzular qeyd edilmişdir.[3]
Əsər müxtəlif dillərə (türkcə, almanca, fransızca və s.) tərcümə edilərək, müxtəlif tarix (1847, 1870 1876 1890, 1909 1948, 1957, 1966 və s.) və yerlərdə (İstanbul, Dehli, Lahor, Ləknəv, Kazan, Qahirə, Paris, Frakfurt və s.) dəfələrlə nəşr edilmişdir.[4]
- ↑ Çələbi, Katib. Kəşfüz-Zünun (ərəb). II. İstanbul. 1941–1943. 1633.
- ↑ Çələbi, Katib. Kəşfüz-Zünun (ərəb). II. İstanbul. 1941–1943. 1631.
- ↑ Quduri. əl-Müxtəsər (ərəb). Beyrut. 1997.
- ↑ Koca, Ferhat. "el-Muhtasar". TDV İslâm Ansiklopedisi. 2020. 5 yanvar 2026 tarixində arxivləşdirilib. İstifadə tarixi: 5 yanvar 2026.