Müzakirə:Qüds
| Bu, Qüds məqaləsinin müzakirə səhifəsidir. |
Məqalə prinsipləri
|
|
↓ Zəhmət olmasa, aşağıdan yeni mövzu əlavə edin |
 Müzakirələrin arxivi:
|
Məqalənin Yerusəlim adlandırılmasının daha düzgün olduğunu düşünürəm. Hər iki ad Azərbaycan dilində istifadə edilir və tanınır. Məsələn, Azərbaycan Milli Ensilopediyasında bir məqalədə 26 dəfə bu ad istifadə edilir [1]. Azərbaycan Sovet Ensiklopediyasında isə Qüds adının izahı üçün ilk söz olaraq Yerusəlim adı istifadə edilir, yəni söhbətin nədən getdiyini izah etmək üçün Yerusəlim qeyd edilir [2]. İsrail dövlətinin bütün rəsmi sənədlərində şəhər Yerusəlim kimi qeyd edilir və bu, şəhərin rəsmi adıdır [3]. Azərbaycan Prezidentinin saytında şəhər Yerusəlim kimi qeyd edilir [4], Azərbaycan dilli mediada şəhərin Yerusəlim adlandırıldığı onlarla məqalələrə istinad etmək olar [5], [6],[7], [8], [9] və s. Ümumiyyətlər, Yerusəlim adı ilk dəfə yazılı mənbələrdə e.ə. XIV əsrdə qeyd edilir, Qüds adı isə ilk dəfə b.e. IX əsrində qeyd olunur, XIII əsrdən sonra isə ərəbdilli əhali arasında aktiv istifadə edilir [10]. Əgər dilimizdə hər iki ad istifadə edilməsə idi, bu məlumat faydasız olardı. Lakin, bu belə deyil, yuxarıdakı istinadlar Azərbaycan dili daşıyıcılarının Yerusəlim adı ilə yaxından tanış olduğunu göstərir. Bu məsələyə fikir bildirməyə məni məcbur edən məsələ isə, əsas məqalənin Qüds adlandırılmasına görə, mövzu ilə bağlı bütün məqalə və kateqoriyalarda bu adı istifadə etmə məcburiyyətidir. Məsələn, I əsrdə Qüds olmayıb, amma biz məcburən Yerusəlimin I əsr tarixi ilə bağlı kateqoriyanı "I əsrdə Qüds" adlandırmalıyıq. Məncə bu absurddur və qeyri-elmi yanaşmadır. Çox xahiş edirəm, məsələyə hansısa dini və ya siyasi mövqedən deyil, elmi nöqteyi-nəzərdən baxasız. Məqalənin adını dəyişmək üçün ortaq qərara gələ bilsək, daha detallı məlumat üçün dərhal ingilis dilindəki Yerusəlim şəhərinin adları məqaləini də yarada bilərəm. Hörmətlə, --sefer azeri 19:24, 1 yanvar 2026 (UTC)
- Azərbaycan dilində həm tarixən, həm də indiki dövrdə, həm elita, həm də sıravi cəmiyyət, həm dindar, həm də sekulyar akademik mühitlərdə Qüds olaraq tanınır. Yerusəlim Azərbaycan dilində sadəcə alternativ addır --► Hörmətlə: ChanisCaucasi 20:04, 1 yanvar 2026 (UTC)
- Azərbaycan dövlətinin beynəlxalq mövqeyini ifadə edən bir neçə mənbə əlavə edəcəm. [11] [12]. Qüds ravvininin Azərbaycana səfəri haqqında Prezidentin saytından bir mənbə əlavə edirəm: [13] Qafqaz Qüdsü haqqında film çəkilib: [14] Azərbaycan Milli Ensiklopediyasından: [15]. Azərbaycan daha çox müsəlmanların yaşadığı bir yer olduğu üçün Qüds adlandırılması tarixən daha geniş yayılmışdır. İndi də neytral adlandırma kimi bu istifadə edilir. Azərbaycan müasir dövrdə də Qüdsü tamamilə İsrailin tərkibində tanımır, Şərqi Qüdsü Fələstinin gələcək paytaxtı kimi görür. "Cherry-picking"lə vikipediya yazılmaz.--가웨인 (müzakirə) 20:09, 1 yanvar 2026 (UTC)
- Hörmətli ChanisCaucasi, zəhmət olmasa fikrinizi sübut edən mənbə göstərə bilərsizmi? Yuxarıda qeyd etdiyim istinadlar hər iki adın paralel istifadə edildiyini göstərir. Hörmətli 가웨인, mən Azərbaycan dövlətinin beynəlxalq mövqeyi ilə yaxşı tanışam, Qüds adının da KİV tərəfindən aktiv istifadə edildiyini bilirəm. Vikipediyada bu adın istifadəsinə də əsla qarşı deyiləm. Sadəcə, tarixi məqalələlərdə müəyyən dövrlə əlaqəli Yerusəlim adının istifadəsinin alternativi olmadığını düşünürəm. Bu cür istifadə üçün isə, əsas məqalənin adı dəyişdirilməlidir. Sizinlə tamamilə razıyam ki, "Cherry-picking"-lə vikipediya yazılmaz, lakin indiki hal məhz "Cherry-picking"-dir. Bu yanaşma və məntiqlə davam etsək, Yerusəlimli Sofroni Qüdslü Sifroni, Yerusəlim Qanunu Qüds Qanunu, Yerusəlim krallığı Qüds krallığı, Yerusəlim məbədi Qüds məbədi adlandırılmalıdı. Şəhərin onlarla mühasirəsi haqqında məqalələrin adları dəyişdirilməlidir, İsaya daxil olduğu şəhərin əslində Qüds olduğu, Məhəmmədə isə qiblə seçdiyi və merac etdiyi şəhərin Qüds olduğunu xəbər vermək lazımdır. Bu çox absurddur. Ən azından tarixlə bağlı məqalə və kateqoriya adlarında şəhərin adı Yerusəlim kimi istifadə edilməlidir. Hörmətlə, --sefer azeri 20:31, 1 yanvar 2026 (UTC)
- sefer azeri, nümunələrinizdə yanlışlıq var. Mən razıyam ki, "Jerusalem" ilə əlaqəli hallarda "Yerusəlim" yazılmalıdır, yəni yəhudi-xristian ənənəsinə aid olan mövzular, lakin ümumi mənzərədə, ən azından Yerusəlimin fəthindən sonrakı dövrlərə aid qeyri-yəhudi-xristian mövzularda Qüds işlənməlidir. XX əsrə qədər Konstantinopol, ondan sonra İstanbul kimi. Ya da necə ki, yunan mövzulu məqalələrdə İstanbul Konstantinopol adlanır --► Hörmətlə: ChanisCaucasi 20:48, 1 yanvar 2026 (UTC)
- ChanisCaucasi, mən də bunu deməyə çalışıram. I əsrə aid məqalədə və ya kateqoriya adında Qüds adının istifadə edilməsi elmi baxımdan düzgün deyil. Lakin, Qədir bildirir ki, əgər Yerusəlim adını istifadə etmək istəyiriksə, mütləq əsas məqalənin adı dəyişdirilməlidir. Hörmətlə, --sefer azeri 20:54, 1 yanvar 2026 (UTC)
- Mən standarta və cari məqalə adına uyğunlaşdıraraq bəzi addəyişmələr və bəzi geri qaytarmalar etmişəm, hansı ki əvvəlki adlara görə Gəncə də, İstanbul da və digər yerlər də xronoloji kateqoriyalarda standart və ardıcıllığa uyğun olaraq elə verilməlidir. Əsas kateqoriyalar başqa, alt başqa olmur axı. Orada Qüds ya da Yerusəlim yazılmasının heç bir fərqi yoxdur, ikisi də eyni şeyi nəzərdə tutur. Bu yanaşma doğrudur və sadəcə bunu dəyişə bilmək məncə arqument kimi istifadə edilə və qəbul edilə bilməz. Hörmətlə, Qədir (müzakirə) 20:58, 1 yanvar 2026 (UTC)
- sefer azeri, nümunələrinizdə yanlışlıq var. Mən razıyam ki, "Jerusalem" ilə əlaqəli hallarda "Yerusəlim" yazılmalıdır, yəni yəhudi-xristian ənənəsinə aid olan mövzular, lakin ümumi mənzərədə, ən azından Yerusəlimin fəthindən sonrakı dövrlərə aid qeyri-yəhudi-xristian mövzularda Qüds işlənməlidir. XX əsrə qədər Konstantinopol, ondan sonra İstanbul kimi. Ya da necə ki, yunan mövzulu məqalələrdə İstanbul Konstantinopol adlanır --► Hörmətlə: ChanisCaucasi 20:48, 1 yanvar 2026 (UTC)
- Hörmətli ChanisCaucasi, zəhmət olmasa fikrinizi sübut edən mənbə göstərə bilərsizmi? Yuxarıda qeyd etdiyim istinadlar hər iki adın paralel istifadə edildiyini göstərir. Hörmətli 가웨인, mən Azərbaycan dövlətinin beynəlxalq mövqeyi ilə yaxşı tanışam, Qüds adının da KİV tərəfindən aktiv istifadə edildiyini bilirəm. Vikipediyada bu adın istifadəsinə də əsla qarşı deyiləm. Sadəcə, tarixi məqalələlərdə müəyyən dövrlə əlaqəli Yerusəlim adının istifadəsinin alternativi olmadığını düşünürəm. Bu cür istifadə üçün isə, əsas məqalənin adı dəyişdirilməlidir. Sizinlə tamamilə razıyam ki, "Cherry-picking"-lə vikipediya yazılmaz, lakin indiki hal məhz "Cherry-picking"-dir. Bu yanaşma və məntiqlə davam etsək, Yerusəlimli Sofroni Qüdslü Sifroni, Yerusəlim Qanunu Qüds Qanunu, Yerusəlim krallığı Qüds krallığı, Yerusəlim məbədi Qüds məbədi adlandırılmalıdı. Şəhərin onlarla mühasirəsi haqqında məqalələrin adları dəyişdirilməlidir, İsaya daxil olduğu şəhərin əslində Qüds olduğu, Məhəmmədə isə qiblə seçdiyi və merac etdiyi şəhərin Qüds olduğunu xəbər vermək lazımdır. Bu çox absurddur. Ən azından tarixlə bağlı məqalə və kateqoriya adlarında şəhərin adı Yerusəlim kimi istifadə edilməlidir. Hörmətlə, --sefer azeri 20:31, 1 yanvar 2026 (UTC)
- Azərbaycan dövlətinin beynəlxalq mövqeyini ifadə edən bir neçə mənbə əlavə edəcəm. [11] [12]. Qüds ravvininin Azərbaycana səfəri haqqında Prezidentin saytından bir mənbə əlavə edirəm: [13] Qafqaz Qüdsü haqqında film çəkilib: [14] Azərbaycan Milli Ensiklopediyasından: [15]. Azərbaycan daha çox müsəlmanların yaşadığı bir yer olduğu üçün Qüds adlandırılması tarixən daha geniş yayılmışdır. İndi də neytral adlandırma kimi bu istifadə edilir. Azərbaycan müasir dövrdə də Qüdsü tamamilə İsrailin tərkibində tanımır, Şərqi Qüdsü Fələstinin gələcək paytaxtı kimi görür. "Cherry-picking"lə vikipediya yazılmaz.--가웨인 (müzakirə) 20:09, 1 yanvar 2026 (UTC)
- Məsələn, burada nəyə görə Yerusəlim yazılmalıdı? Axı əsas kateqoriya "Əsrlərə görə Qüds" olaraq keçir. Hörmətlə, Qədir (müzakirə) 21:05, 1 yanvar 2026 (UTC)
- Qədir, yuxarıda da qeyd etdiyim kimi, I əsrdə heç bir halda Qüds haqqında bəhs edilə bilməz. Bu qeyri-elmidir. Qeydinizdən belə başa düşürəm ki, məqalənin adının dəyişdirilməsindən başqa bir yol yoxdur. Hörmətlə,--sefer azeri 11:21, 2 yanvar 2026 (UTC)
- Nəyi müzakirə edirik? Azərbaycan dilində əsasən “Qüds” adı istifadə olunur. İsrail hökümətinin sənədlərində yazılış Azərbaycan dili üçün o qədər də önəmli deyil. Əlalxüsus, Azərbaycan Qüdsün bütöv ərazisində İsrailin suverenliyini tanıyıb ki? xeyr, tanımayıb. hətda Şərqi Qüdsün Fələstin dövlətinin paytaxtı olacağını dəstəkləyir. Zohrab Javad (müzakirə) 12:00, 3 yanvar 2026 (UTC)