Müzakirə:Təhlükəsizlik Şurası (Azərbaycan)

@Toghrul R, salam. Ramiz Mehdiyevin üzvlükdən çıxarılması barədə mediada məlumatlar yayılsa da, bu barədə rəsmi heç bir mənbə yoxdur. Əksinə onun üzv təyin olunması ilə bağlı fərman hələ də qüvvədədir. Təhlükəsizlik Şurasının rəsmi saytında isə "Üzvlər" bölməsi (Təhlükəsizlik Şurasının tərkibi) deaktiv edilib. Əlavə olaraq məsələn BBC Ramiz Mehdiyevlə bağlı demək olar ki, 1 dənə də olsun rəsmi məlumatın olmamasını (hüquq-mühafizə orqanlarının rəsmi məlumatı) xüsusi vurğulayır. Ortada ancaq və ancaq hakimiyyətyönlü mediada dolaşan iddialar var. Halbuki çox ciddi iddialar var: dövlət çevrilişi, vətənə xəyanət filan. Amma nə DTX-dən rəsmi bir açıqlama var, nə Prokurorluqdan, nə DİN-dən, nə də Ədliyyə Nazirliyindən filan. Ancaq iddialar var. Hətta TŞ-nin üzvlüyündən çıxarılıb çıxarılmayacağı müzakirələri dolaşanda TŞ-nin katib müavini çıxıb dedi ki, gərək bununla bağlı Prezidentin rəsmi qərarı ola. Var qərar? Varsa linkini qeyd edin lütfən. samral ^müzakirə 05:50, 29 noyabr 2025 (UTC)Cavabla

@Samral salam. Həmin xəbər 18 oktyabrda yayımlanıb. Katib müavinin açıqlaması isə 17 oktyabr tarixlidir. Vikipediyada mətbuatın verdikləri əks olunur, yalnız dövlət saytlarına baxa bilmərik. Düşünmürəm ki, prezidentin imzalamadığı sərəncamı mediada işıqlandırsınlar.

Siz rəsmi dedikdə, yəqin ki, sərəncamın özünü nəzərdə tutursunuz. Gizli sərəncamlar çoxdur. Son dövrlərdə hüquq-mühafizə orqanlarında dəyişikliklər edildikdə çox vaxt bu sərəncamlar məxfi saxlanılır. Lakin sonradan açıqlanır. Məsələn, [1] Miqrasiya Xidməti rəisinin müavinin təyin edilməsi barədə heç bir sərəncamı tapmaq olmur. E-qanun-a gəldikdə isə, orada boşluqlar olur. Amma bu halda onu təkzib edən sərəncam yayımlanmadığı üçün qüvvədən salınmayıb, yəqin. Toghrul R (m) 06:39, 29 noyabr 2025 (UTC)Cavabla

@Toghrul R, bir var fakt, bir də var fərziyyə. Türklər buna deyir "olgular və algılar". Fakt nədir bu məsələdə? Fakt odur ki, bu adam 2019-da TŞ-nin üzvü təyin edilib. Düzdür? Bu barədə fərman var? Var. Bəs yaxşı TŞ üzvlüyündən azad edilməsi və ya üzv təyin edilməsi ilə bağlı olan fərmanın ləğv edilməsilə bağlı fərman var? Yoxdur. Mətbuat deyirsən. Biz yaddan çıxarmamalıyıq ki, Azərbaycanda hazırda medianın 90+ faizi hökumətin nəzarəti altındadır və onlar da çox vaxt tapşırıqla, bəzən də özbaşına ağızlarına gələni yazırlar və yaza bilərlər. Bu təkcə Azərbaycanda belə deyil. Şimali Koreyada da belədir, Türkmənistanda da, bizə bənzəyən bir çox ölkədə də. Məsələn bayaq baxıram ki, Vikipediyada da bir məqalədə qeyd edilib ki, bəs güya Ramiz Mehdiyevin oğlu Teymur Mehdiyev fövqəladə hallar nazirinin müavini vəzifəsindən azad edilib. Girdim baxdım ki, FHN-in saytında nazir müavini kimi adı qalır və Prezidentin də saytında bu barədə heç bir sərəncam yoxdur. İndi bu məsələ də o cür. Deyirsiz ki, bəlkə gizlidir fərman və ya sərəncam. Gizlidirsə, gizli olmağına dair mənbə olmalıdır. Var? Məsələn mən araşdırıb müəyyən etdim ki, AME-nin redaksiya heyətinin üzvlüyündən çıxarılması barədə sərəncam gizli verilib və dərc edilməyib. Amma ən azından sərəncamın verildiyi, nömrəsi filan internetdə, e-qanunda var. Amma TŞ söhbəti barədə yoxdu axı. TŞ-nin rəsmi saytında Üzvlər bölməsinin deaktiv edilməsi isə bir ayrı müəmmadır. Həmçinin TŞ-nin tərkibi barədə olan fərman da e-qanun saytında deaktiv edilib, baxmaq olmur. Bu da ayrı bir müəmma. samral ^müzakirə 06:52, 29 noyabr 2025 (UTC)Cavabla

@Samral, gizli sərəncamları araşdırmaq və yayımlanmayan rəsmi sənədləri aşkara çıxarmaq sadəcə olaraq mümkünsüzdür. Amma bu da o demək deyil ki, filan şey baş verməyib. Mən sizə konkret gizli sərəncamla bağlı nümunə göstərdim. Bu qəbildən çox sənəd var. Qısacası, mətbuat mənə görə (və Vikipediya qaydalarına görə) kifayət edir. Vikipediya yalnız rəsmi sənədlər üzərində qurulmayıb. — Toghrul R (m) 07:11, 29 noyabr 2025 (UTC)Cavabla