Butun axtardiqlarinizi tapmaq ucun buraya: DAXIL OLUN
  Mp4 Mp3 Axtar Yukle
  Video Axtar Yukle
  Shekil Axtar Yukle
  Informasiya Melumat Axtar
  Hazir Inshalar Toplusu
  AZERI CHAT + Tanishliq
  Saglamliq Tibbi Melumat
  Whatsapp Plus Yukle(Yeni)

  • Ana səhifə
  • Təsadüfi
  • Yaxınlıqdakılar
  • Daxil ol
  • Nizamlamalar
İndi ianə et Əgər Vikipediya sizin üçün faydalıdırsa, bu gün ianə edin.

Mədinə Gülgün

Azərbaycan şairəsi
  • Məqalə
  • Müzakirə

Mədinə Gülgün və ya Mədinə Ələkbərzadə (17 yanvar 1926, Bakı – 17 fevral 1991, Bakı) — Azərbaycan şairi, SSRİ Yazıçılar İttifaqının üzvü, Azərbaycan SSR əməkdar incəsənət xadimi.

Mədinə Gülgün
Doğum tarixi 17 yanvar 1926(1926-01-17)
Doğum yeri
  • Bakı, Bakı qəzası, Azərbaycan SSR, ZSFSR, SSRİ
Vəfat tarixi 17 fevral 1991(1991-02-17) (65 yaşında)
Vəfat yeri
  • Bakı, Azərbaycan Respublikası, SSRİ
Dəfn yeri
  • II Fəxri Xiyaban
Həyat yoldaşı
  • Balaş Azəroğlu
Təhsili
  • Azərbaycan Dövlət Pedaqoji Universiteti
Fəaliyyəti yazıçı, şair
Mükafatları "Şərəf nişanı" ordeni — 1980 "Vladimir İliç Leninin anadan olmasının 100 illiyi münasibətilə" yubiley medalı "Əmək veteranı" medalı "21 Azər" medalı
Azərbaycan SSR əməkdar incəsənət xadimi
Vikianbarın loqosu Vikianbarda əlaqəli mediafayllar

"Ziddi-faşist" təşkilatının və Azərbaycan Demokrat Firqəsinin üzvü olub. "21 Azər" hərəkatında iştirak edib. İlk şeirləri "Xavəre-nou", "Vətən Yolunda" və "Azərbaycan" qəzetlərində yayımlanıb. Azərbaycan Milli Hökuməti dövründə "Azərbaycan" qəzetinin redaksiyasında xüsusi müxbir vəzifəsində və Təbriz Dram Teatrında aktrisa kimi fəaliyyət göstərib.

Azərbaycan Milli Hökuməti dağıldıqdan sonra Azərbaycan SSR-yə mühacirət edib. Müxtəlif illərdə Bakıda, Təbrizdə və Moskvada onlarla şeir kitabı işıq üzü görüb. "Sən gəlməz oldun", "Məhəbbət olmayanda", "Apar məni" kimi lirik şeirlərinə mahnılar bəstələnib. Göstərdiyi fəaliyyətə görə "21 Azər" medalı, "Əmək veteranı" medalı "Şərəf nişanı" ordeni və "Leninin anadan olmasının 100 illiyi münasibətilə" yubiley medalı ilə təltif olunub.

Azərbaycan SSR xalq şairi, Azərbaycan Yazıçılar Birliyinin katibi (1981–1991) Balaş Azəroğlunun həyat yoldaşıdır.

Mündəricat

  • 1 Həyatı
    • 1.1 İlk illəri
    • 1.2 Sonrakı həyatı
  • 2 Ailəsi
  • 3 Mənbə
    • 3.1 İstinadlar
    • 3.2 Ədəbiyyat
  • 4
    • 4.1 Kitabları
    • 4.2 Haqqında hazırlanmış filmlər
    • 4.3 Səsləndirilmiş şeirləri

Həyatı

İlk illəri

Mədinə Nurulla qızı Ələkbərzadə 1926-cı il yanvarın 17-də Bakıda anadan olub.[1][2] Əslən Ərdəbildəndir.[3] İbtidai təhsilini Bakıda alıb.[4] 1938-ci ildə ailəsi ilə birlikdə SSRİ vətəndaşı olmadıqları üçün deportasiya olunublar və Ərdəbil şəhərinə köçüblər.[4][5][6] Bir müddət Ərdəbil şəhərində yaşadıqdan sonra Təbriz şəhərinə köçüblər.[7][8] Atası həbs olunduqdan sonra Mədinə Ələkbərzadə toxuculuq karxanasında fəaliyyət göstərib.[9][10][11]

1941-ci ildə "Ziddi-faşist" təşkilatına üzv olub.[9] 1944-cü ildən ədəbi fəaliyyətə başlayıb.[2][7][12] "Biz kimik?" şeiri 1944-cü ildə "Xavəre-nou" qəzetində çap olunub.[13] Daha sonra şeirlərini əsasən "Ələkbərzadə" soyadı ilə "Vətən yolunda" qəzetində çap etdirib.[14][15] Cəfər Xəndanın məsləhəti ilə özünə Cəfər Cabbarlının "Od gəlini" pyesindəki "Gülgün" personajından "Gülgün" təxəllüsü götürüb.[13][14][16] 1945-ci ilin yanvar ayında Təbrizdə yaradılmış[17] "Şairlər məclisi"nin üzvü olub.[18][19][20]

 
Qızılbaş Xalq Qoşunları və Mədinə Gülgün, 1946-cı il.

"21 Azər" hərəkatında iştirak edib.[10][12] 1945-ci ildə Azərbaycan Demokrat Firqəsinin[21][22][23] və partiyanın Qadınlar Təşkilatının üzvü olub.[24] Şeirləri Təbrizdə çap olunan "Vətən Yolunda", "Azərbaycan" kimi qəzetlərdə yayımlanıb.[4][25] 1945-ci il noyabrın 20-də Təbrizdə Ərk teatrında Azərbaycan Xalq Konqresi fəaliyyətə başlayıb.[26][27][28] Mədinə Gülgün də bu konqresdə müxbir kimi iştirak edib.[14] 1945-ci il dekabrın 12-də Azərbaycan Milli Hökuməti qurulub.[29][30] Azərbaycan Milli Hökuməti dövründə "Azərbaycan" qəzetinin redaksiyasında xüsusi müxbir vəzifəsində[7][31] və Təbriz Dram Teatrında aktrisa kimi fəaliyyət göstərib.[18][31] Yazdığı "Sənə gülmək yaraşır", "Açıldı səhər", "Təbriz", "Sədadət bayrağı" şeirləri Azərbaycan Milli Hökumətinin qərarı ilə nəşr olunan VI sinif məktəb dərsliyinə salınıb.[32][33] 1946-cı ilin mart ayında milli-demokratik hərəkatda iştirak etdiyi üçün "21 Azər" medalı ilə təltif olunub.[1][34][35]

 
Mədinə Gülgün 1950-ci il.

1946-cı il dekabrın 11-də Azərbaycan Əyalət Əncüməni qan tökülməsinin qarşısını almaq məqsədilə Qızılbaş Xalq Qoşunlarının və fədai qüvvələrinin şah qoşunlarına qarşı müqavimət göstərməmələri və döyüş meydanlarını tərk etmələri haqda qərar verib.[36][37][38] Elə həmin gündən etibarən İran ordusu iri şəhərlərə girməzdən əvvəl bu şəhərlərdə ərbabların quldur dəstələri eləcə də mülki geyimli jandarmalar qırğınlar törətməyə başladılar.[39][40] Bu dəstələr Tehran radiosu tərəfindən "İran vətənpərvərləri" adlandırılırdılar.[40] Dəstələrin əsas məqsədi demokratların məhv edilməsi və şah qoşununun şəhərlərə girişini təmin etmək idi.[39][40] Təbriz və Azərbaycanın digər şəhərləri talana və qırğınlara məruz qaldılar.[39][41] Azərbaycan Milli Hökuməti süqut etdi.[42][43] 1946-cı il dekabrın 14-də ABŞ və Böyük Britaniya tərəfindən dəstəklənən İran ordusu Təbrizə daxil oldu.[44][45] Bundan sonra da qırğınlar və talan dayanmadı.[41][44] Minlərlə insan həbs olundu, sürgün edildi.[46][47] Baş verən qırğınlarda ADF üzvləri, fədailər eləcə də tanınan şairlərdən Əli Fitrət, Sədi Yüzbəndi, Cəfər Kaşif və Məhəmmədbağır Niknam qətlə yetirildilər.[48][49][50]

Sonrakı həyatı

Azərbaycan Milli Hökuməti dağıldıqdan sonra Mədinə Gülgün Azərbaycan SSR-yə mühacirət edib.[6][51] Əvvəlcə Culfa şəhərində yaşayıb.[51][52] Orda olduğu müddətdə demokratlar tərəfindən bərpa olunmuş Təbriz radiosunda fəaliyyət göstərib. Azərbaycan türkcəsində və farsca fəaliyyət göstərən radionun hədəf kütləsi Cənubi Azərbaycan əhalisi idi.[53] Bir neçə müddətdən sonra Mədinə Gülgün Bakıya köçürülüb.[34] Azərbaycan Milli Hökuməti dövründə Təbrizdə fəaliyyət göstərən "Şairlər və yazıçılar cəmiyyəti" 1947-ci ildən etibarən Bakıda, "Azərbaycan Yazıçılar Cəmiyyəti" adı ilə fəaliyyət göstərməyə başlayıb.[54] Mədinə Gülgün də bu cəmiyyətin üzvü olub.[54] 1948–1952-ci illərdə Azərbaycan Dövlət Pedaqoji İnstitutunda Dil və ədəbiyyat fakültəsində təhsil alıb.[1][4][34]

 
Həkimə Bülluri, Mədinə Gülgün, Abbas Pənahi və Balaş Azəroğlu.

"Təbrizin baharı" adlı ilk şeir kitabı 1950-ci ildə Bakıda işıq üzü görüb.[2][55] Bu kitabda 1945–1949-cu illər ərzində yazdığı şeirlər toplanıb.[56][57] Azərbaycan Milli Hökumətinin baş prokuroru olan və hökumət dağıldıqdan sonra dar ağacından asılmış Firudin İbrahimi haqqında yazdığı poema 1963-cü ildə Azərnəşr tərəfindən nəşr olunub.[58][59] Ümumilikdə Bakıda və Moskvada "Təbrizin baharı" (1950), "Savalanın ətəklərində" (1950), "Sülhün səsi" (1951), "Yadigar üzük" (1953), "Təbriz qızı" (1956), "Firudin" (poema) (1963), "Çinar olaydı" (1968), "Dünyamızın sabahı" (1974), "Arzu da bir ömürdür" (1976), "Yora bilməz yollar məni" (1978), "Durnalar qayıdanda" (1983), "Könlümü ümidlər yaşadır" (1984) "Dünya şirin dünyadır" (1989) və onlarla digər şeir kitabları nərşr olunub.[60] 1958-ci ildə SSRİ Yazıçılar İttifaqına üzv olub.[1]

Azərbaycan SSR Ali Soveti Rəyasət Heyətinin fəxri fərmanları (1960, 1974, 1986), "Vladimir İliç Leninin anadan olmasının 100 illiyi münasibətilə" yubiley medalı (1970),[1] "Şərəf nişanı" ordeni (1980),[1][23] "Əmək veteranı" medalı və başqa medallarla təltif olunub. Azərbaycan SSR əməkdar incəsənət xadimi fəxri adına layiq görülüb.[11][61][62]

Mədinə Gülgün Azərbaycan Yazıçılar İttifaqı İdarə Heyətinin, "Azərbaycan" jurnalı redaksiya heyətinin və Yazıçılar İttifaqına qəbul komissiyasının üzvü olub.[8] Sonrakı illərdə isə SSRİ-də yaşayan iranlı siyasi mühacirlər cəmiyyəti Azərbaycan şöbəsinin plenum üzvü və Asiya və Afrika ölkələri həmrəyliyi Azərbaycan Respublika Komitəsinin üzvü olub.[8][63]

Bir çox lirik şeirlərinə Azərbaycanda mahnılar bəstələnib.[8][11][62] "Sən gəlməz oldun" şeirinə Ələkbər Tağıyev,[8][64] "Məhəbbət olmayanda", "Apar məni", şeirlərinə Cavanşir Quliyev mahnı bəstələyib.[65] 1949-cu ildə Cahangir Cahangirovun bəstələdiyi "Arazın o tayında" vokal-simfonik poeması Əli Tudə və Mədinə Gülgünün sözlərinə yazılıb.[66][67]

Mədinə Gülgün 17 fevral 1991-ci ildə Bakıda vəfat edib[68] və İkinci Fəxri Xiyabanda dəfn olunub.[4][8][60]

2012-ci ildə Mədinə Gülgünün və Balaş Azəroğlunun şəxsi əşyaları Azərbaycan İstiqlal Muzeyinə təhvil verilib.[69]

Ailəsi

Mədinə Gülgünün ailəsi əslən Ərdəbildəndir.[14] Ailədə 7 uşaq olublar.[9][70] Atası Nurulla Ələkbərzadə işləmək üçün Bakıya köçüb və dəmiryol işçisi olub.[14][71] 1938-ci ildə SSRİ vətəndaşı olmadıqları üçün Ərdəbilə sürgün olunublar. Nurulla Ələkbərzadə siyasi fikirlərinə görə İran hökuməti tərəfindən təqib olunub[5] və 1939-cu ildə həbs olunub.[9][35] Azərbaycan Milli Hökuməti dağıldıqdan sonra Mədinə Gülgünün ailəsi Xürrəmabada sürgün olunub.[6][14][72]

Mədinə Ələkbərzadə 1950-ci ildə Azərbaycan SSR xalq şairi, dramaturq Balaş Azəroğlu ilə ailə həyatı qurub.[14][73] Bu evlilikdən Araz və Etibar adlı oğulları dünyaya gəlib.[74][75]

Mənbə

İstinadlar

  1. ↑ 1 2 3 4 5 6 Cənubi Azərbaycan Ədəbiyyati Antologiyası, 1988. səh. 259
  2. ↑ 1 2 3 Əhməd, Vüqar. "Artıq demə laylay ki, yatan ellər oyanmış…". Xalq cəbhəsi qəzeti. 6 yanvar 2015. səh. 14. İstifadə tarixi: 17 oktyabr 2025.
  3. ↑ اسماعیلی, احمد. "مدینه گلگون شاعره آزادیخواه آذربایجان". sedayemardom.net. 13 noyabr 2017. İstifadə tarixi: 21 oktyabr 2025.
  4. ↑ 1 2 3 4 5 Bərdəli, 2012. səh. 43
  5. ↑ 1 2 Əliqızı, 2001. səh. 40
  6. ↑ 1 2 3 Dadashova, Shafag. "Poet and activist: Medina Gülgün". The Oxford Feminist E-Press (ingilis). 5 may 2018. İstifadə tarixi: 23 oktyabr 2025.
  7. ↑ 1 2 3 Cənubi Azərbaycan Ədəbiyyati Antologiyası, 1988. səh. 258
  8. ↑ 1 2 3 4 5 6 Paşayeva, Qənirə. "Azərbaycan şeirinin Təbriz, Savalan ətirli Mədinəsi". musavat.com (az.). 15 yanvar 2023. İstifadə tarixi: 23 oktyabr 2025.
  9. ↑ 1 2 3 4 Əliqızı, 2001. səh. 41
  10. ↑ 1 2 Əhmədov, 2011. səh. 584
  11. ↑ 1 2 3 "Bu gün tanınmış şairə Mədinə Gülgünün doğum günüdür". az.baku-art.com (az.). İstifadə tarixi: 17 oktyabr 2025.
  12. ↑ 1 2 Azəroğlu,Məmmədzadə, 1961. səh. 62
  13. ↑ 1 2 Əliqızı, 2001. səh. 42
  14. ↑ 1 2 3 4 5 6 7 Məhərrəmova, Təranə. "İnanma, desələr öləcəyəm mən". Kaspi qəzeti. İstifadə tarixi: 23 oktyabr 2025.
  15. ↑ Məmmədli, 2015. səh. 60
  16. ↑ Paşayev, Aydın. Azərbaycan təxəllüslərinin izahlı sözlüyü (az.). Bakı: Elm və təhsil nəşriyyatı. 2014. 134.
  17. ↑ Vəkilov, 1991. səh. 79
  18. ↑ 1 2 Əliqızı, 2001. səh. 44
  19. ↑ Cənubi Azərbaycan Ədəbiyyatı tarixi, 2013. səh. 146
  20. ↑ Məmmədli, 2015. səh. 62
  21. ↑ Əliqızı, 2001. səh. 43
  22. ↑ "Azərbaycan" qəzeti I, 2022. səh. 760
  23. ↑ 1 2 Азәрбајҹан Совет Енсиклопедијасы (АСЕ) (az.). VI. Bakı: Azərbaycan Sovet Ensiklopediyasının baş redaksiyası. 1982. 482.
  24. ↑ "Azərbaycan" qəzeti II, 2020. səh. 70
  25. ↑ Gülgün, 1983. səh. 7
  26. ↑ Atabaki, 2000. səh. 113
  27. ↑ Həsənli, 1998. səh. 269
  28. ↑ Həsənov, 2004. səh. 132
  29. ↑ Balayev, 2018. səh. 25
  30. ↑ İbrahimov, 1948. səh. 32
  31. ↑ 1 2 Nəcəfxanlı, Əli. Gülgün çöhrəli, Təbriz həsrətli şairimiz (PDF) (az.). Bakı: Xalq qəzeti. 17 yanvar 2023. 7.
  32. ↑ Əliqızı, 2001. səh. 45
  33. ↑ Gülgün, 1983. səh. 8
  34. ↑ 1 2 3 Əliqızı, 2001. səh. 46
  35. ↑ 1 2 Gülgün, Mədinə. Təbrizin baharı / Mirvarid Dilbazi - İstedadlı gənc şairə (az.). Bakı: Azərnəşr. 1950. 4.
  36. ↑ Rossow, 1956. səh. 30
  37. ↑ Rəhimli, 2003. səh. 149
  38. ↑ Hasanli, 2006. səh. 370
  39. ↑ 1 2 3 Hasanli, 2006. səh. 373
  40. ↑ 1 2 3 Balayev, 2018. səh. 36
  41. ↑ 1 2 Duqlas, Vilyam. Strange lands and friendly people (ingilis). Nyu-York: Harper & Brothers Publishers. 1951. 45. 31 mart 2025 tarixində arxivləşdirilib. İstifadə tarixi: 12 sentyabr 2025.
  42. ↑ Lenczowski, George. United States' Support for Iran's Independence and Integrity, 1945–1959 (ingilis). 401. Annals of the American Academy of Political and Social Science. 1972. 49. doi:10.1177/000271627240100106. ISSN 0002-7162. 12 mart 2025 tarixində arxivləşdirilib. İstifadə tarixi: 12 sentyabr 2025.
  43. ↑ Həsənli, 2006. səh. 445
  44. ↑ 1 2 Həsənli, 2006. səh. 448
  45. ↑ McEvoy, Joanne; O'Leary, Brendan. Power Sharing in Deeply Divided Places. Filadelfiya: University of Pennsylvania Press. 2013. 191. ISBN 9780812245011.
  46. ↑ Hasanli, 2006. səh. 375
  47. ↑ Rəhimli, 2003. səh. 155
  48. ↑ Balayev, 2018. səh. 137
  49. ↑ Əmirov, 2000. səh. 51
  50. ↑ Əliqızı, 2001. səh. 24
  51. ↑ 1 2 Əliqızı, 2001. səh. 25
  52. ↑ Tudə XVIII, 2021. səh. 12
  53. ↑ Məhərrəmli, 2004. səh. 55
  54. ↑ 1 2 Balayev, 2018. səh. 139
  55. ↑ Bərdəli, 2012. səh. 44
  56. ↑ Əliqızı, 2001. səh. 54
  57. ↑ Bərdəli, 2012. səh. 45
  58. ↑ Əliqızı, 2001. səh. 33
  59. ↑ Gülgün, Mədinə. Firidun (az.). Bakı: Azərnəşr. 1963. 4.
  60. ↑ 1 2 Bu gün görkəmli Azərbaycan şairi Mədinə Gülgünün doğum günüdür (PDF) (az.). Bakı: Azərbaycan qəzeti. 18 yanvar 2025. 11.
  61. ↑ "Milli poeziyamızın Mədinə Gülgün zirvəsi". Azərbaycan Ruznaməsi (az.). 2021. İstifadə tarixi: 17 oktyabr 2025.
  62. ↑ 1 2 "Тоска по Тебризу поэтессы Медины Гюльгюн". azertag.az (rus). 18 yanvar 2011. İstifadə tarixi: 21 oktyabr 2025.
  63. ↑ "Mədinə Gülgün (Ələkbərzadə Mədinə Nurulla qızı)". epistolyar.musigi-dunya.az. İstifadə tarixi: 23 oktyabr 2025.
  64. ↑ ""Sən gəlməz oldun" mahnısı hansı qadına həsr olunub?". Apa.tv (az.). 4 dekabr 2021. İstifadə tarixi: 21 oktyabr 2025.
  65. ↑ Verdiyeva, Gülnar. "27 il sonra "Məhəbbət olmayanda"... — Fotolar". 525-ci qəzet (az.). 22 yanvar 2021. İstifadə tarixi: 21 oktyabr 2025.
  66. ↑ Касимова, Солмаз. Джангир Джангиров (rus). Bakı: Azərnəşr. 1964. 12.
  67. ↑ Джангиров, Джангир. По ту сторону Аракса [Ноты] : поэма для солиста , смешанного хора и большого симфонического оркестра (rus). Ленинград, Москва: Гос. Муз. изд-во. 1950. 1.
  68. ↑ Tahir, Əhmədalılar. "Bu Vətəni sevə-sevə..." Mədəniyyət qəzeti. 17 yanvar 2014. İstifadə tarixi: 17 oktyabr 2025.
  69. ↑ "В Музей независимости Азербайджана переданы личные вещи поэтов Балаша Азероглу и Медины Гюльгюн". Trend.Az (rus). 25 avqust 2012. İstifadə tarixi: 21 oktyabr 2025.
  70. ↑ Gülgün, 1983. səh. 5
  71. ↑ Uğur, Turan. "Günlərdən Mədinə Gülgün!". yazarlar.az. 25 aprel 2024. İstifadə tarixi: 23 oktyabr 2025.
  72. ↑ Gülgün, Mədinə. Təbrizin baharı / Mirvarid Dilbazi - İstedadlı gənc şairə (az.). Bakı: Azərnəşr. 1950. 7.
  73. ↑ "Mədinə Gülgün - 91". Teleqraf (az.). 17 yanvar 2017. İstifadə tarixi: 17 oktyabr 2025.
  74. ↑ Bərdəli, 2007. səh. 39
  75. ↑ Ələsgərova, Sakibə. "Mədinə Gülgün yaradıcılığında ana, vətən mövzusu və cənub həsrəti" (PDF). Kredo qəzeti. 21 iyun 2018. səh. 11. İstifadə tarixi: 23 oktyabr 2025.

Ədəbiyyat

  • Atabaki, Touraj. Azerbaijan: Ethnicity and the Struggle for Power in Iran (ingilis). London: I.B.Tauris. 2000. səh. 288. ISBN 9781860645549. 19 mart 2025 tarixində arxivləşdirilib. İstifadə tarixi: 18 sentyabr 2025.
  • "Azərbaycan" qəzeti I. Azərbaycan Demokrat Firqəsi Mərkəzi Komitəsinin orqanı: 1945-1946-cı illər, Təbriz (az.). I. Bakı: Elm nəşriyyatı. 2022. səh. 928. ISBN 978-9952-556-47-6. 14 may 2025 tarixində arxivləşdirilib. İstifadə tarixi: 15 aprel 2025.
  • "Azərbaycan" qəzeti II. Azərbaycan Demokrat Firqəsi Mərkəzi Komitəsinin orqanı: 1945-1946-cı illər, Təbriz (az.). II. Bakı: Elm nəşriyyatı. 2020. səh. 1627.
  • Azəroğlu, Balaş; Məmmədzadə, Həmid. Cənubi Azərbaycan yazıçılarının ədəbi məcmuəsi (South Azerbaijani). Bakı: Azərbaycan ruznaməsi. 1961. səh. 342. 28 yanvar 2025 tarixində arxivləşdirilib. İstifadə tarixi: 28 yanvar 2025.
  • Balayev, Xaqan. Azərbaycanın sosial-siyasi həyatında cənublu mühacirlərin iştirakı (1947-1991) (az.). Bakı: Elm və təhsil nəşriyyatı. 2018. səh. 198. ISBN 9789952370911.
  • Bərdəli, Bahar. Balaş Azəroğlunun yaradıcılıq yolu (az.). Bakı: Nurlan nəşriyyatı. 2007. səh. 176.
  • Bərdəli, Bahar. Cənubi Azərbayan mühacirət poeziyası (1947-1990) (az.). Bakı: Elm və təhsil nəşriyyatı. 2012. səh. 116.
  • Cənubi Azərbaycan Ədəbiyyati Antologiyası (az.). III. Bakı: Elm nəşriyyatı. 1988. səh. 552.
  • Cənubi Azərbaycan Ədəbiyyatı tarixi (az.). II. Bakı: Qanun nəşriyyatı. 2013. səh. 148. 23 aprel 2025 tarixində arxivləşdirilib. İstifadə tarixi: 17 sentyabr 2025.
  • Əhmədov, Teymur. Azərbaycan yazıçıları (XX-XXI yüzillikdə) (az.). Bakı: Nurlar NPM. 2011. səh. 1056. ISBN 9789952460063.
  • Əliqızı, Almaz. Azadlıq və istiqlal poeziyası (PDF) (az.). Bakı: Bakı Dövlət Universiteti nəşriyyatı. 2001. səh. 160. ISBN 9789952817607.
  • Əmirov, Sabir. Cənubi Azərbaycan milli-demokratik ədəbiyyatı (1941-1990) (az.). Bakı: Elm nəşriyyatı. 2000. səh. 257. ISBN 5806612600. 22 fevral 2025 tarixində arxivləşdirilib. İstifadə tarixi: 1 oktyabr 2025.
  • Gülgün, Mədinə. Ömrün payız dayanacağı (az.). Bakı: Yazıçı nəşriyyatı. 1983. səh. 237.
  • İbrahimov, Mirzə. O демократическом движении в Южном Азербайджане (rus). Bakı: Elm nəşriyyatı. 1948. səh. 48. 23 aprel 2025 tarixində arxivləşdirilib. İstifadə tarixi: 1 oktyabr 2025.
  • Hasanli, Jamil. At the Dawn of the Cold War: The Soviet-American Crisis over Iranian Azerbaijan, 1941–1946 (az.). Lanham: Rowman & Littlefield Publishers. 2006. səh. 416. ISBN 978-0742540552.
  • Həsənli, Cəmil. Güney Azərbaycan:Tehran - Bakı - Moskva arasında (PDF) (az.). Bakı: Diplomat nəşriyyatı. 1998. səh. 324. 4 dekabr 2024 tarixində arxivləşdirilib (PDF). İstifadə tarixi: 18 sentyabr 2025.
  • Həsənli, Cəmil. СССР-Иран: Азербайджанский кризис и начало холодной войны: 1941-1946 гг (PDF) (rus). Moskva: Герои Отечества. 2006. səh. 560. ISBN 5910170120. 21 dekabr 2024 tarixində arxivləşdirilib (PDF). İstifadə tarixi: 28 noyabr 2024.
  • Həsənov, Həsən. Cənubi Azərbaycanda Milli Demokratik hərəkat (1941-1946-cı illər) (az.). Bakı: Elm nəşriyyatı. 2004. səh. 204. 23 aprel 2025 tarixində arxivləşdirilib. İstifadə tarixi: 18 sentyabr 2025.
  • Məhərrəmli, Qulu. Danışır Təbriz (az.). Bakı: Nurlan nəşriyyatı. 2004. səh. 80.
  • Məmmədli, Pərvanə. Cənubi Azərbaycan:ədəbi şəxsiyyətlər, portretlər (PDF) (az.). Bakı: Sabah nəşriyyatı. 2015. səh. 200. ISBN 9789952453430. 17 aprel 2024 tarixində arxivləşdirilib (PDF). İstifadə tarixi: 10 yanvar 2025.
  • Rəhimli, Əkrəm. Güney Azərbaycan milli-demokratik hərəkat (1941-1946) (az.). Bakı: Meqa nəşriyyatı. 2003. səh. 207. 17 dekabr 2024 tarixində arxivləşdirilib. İstifadə tarixi: 26 dekabr 2024.
  • Rossow, Robert. "The Battle of Azerbaijan, 1946". Middle East Journal (ingilis). X (1). 1956: 17–32. JSTOR 4322770. 4 fevral 2022 tarixində arxivləşdirilib.
  • Tudə, Əli. Əli Tudə: Həyatım xatirələrim (az.). XVIII. Bakı: Azərbaycan Nəşriyyatı. 2021. səh. 416.
  • Vəkilov, Cavanşir. Azərbaycan Respublikası və İran: 40-cı illər (az.). Bakı: Elm nəşriyyatı. 1991. səh. 136. ISBN 5806604969.

Kitabları

  • Mədinə Gülgün — Təbrizin baharı, Azərnəşr, Bakı, 1950-ci il.
  • Mədinə Gülgün — Savalanın ətəklərində, Uşaqgəncnəşr, Bakı, 1950-ci il.
  • Mədinə Gülgün — Sülhün səsi, Azərnəşr, Bakı, 1951-ci il.
  • Mədinə Gülgün — Yadigar üzük, Uşaqgəncnəşr, Bakı, 1953-cü il.
  • Mədinə Gülgün — Pərvanə, Azərnəşr, Bakı, 1955-ci il.
  • Mədinə Gülgün — Təbriz qızı, Azərnəşr, Bakı, 1956-cı il.
  • Mədinə Gülgün — Günlər və xatirələr, Uşaqgəncnəşr, Bakı, 1959-cu il.
  • Mədinə Gülgün — Firidun, Azərnəşr, Bakı, 1963-cü il.
  • Mədinə Gülgün — Dənizin sahili var, Azərnəşr, Bakı, 1965-ci il.
  • Mədinə Gülgün — Çinar olaydı, Azərnəşr, Bakı, 1968-ci il.
  • Mədinə Gülgün — Xatirələrimin nəğməsi, Gənclik nəşriyyatı, Bakı, 1969-cu il.
  • Mədinə Gülgün — Kəpənəkli, çiçəkli misralar, Gənclik nəşriyyatı, Bakı, 1971-ci il.
  • Mədinə Gülgün — Dünyamızın sabahı, Azərnəşr, Bakı, 1974-cü il.
  • Mədinə Gülgün — Arzu da bir ömürdür, Gənclik nəşriyyatı, Bakı, 1976-cı il.
  • Mədinə Gülgün — Yora bilməz yollar məni, Yazıçı nəşriyyatı, Bakı, 1978-ci il.
  • Mədinə Gülgün — Ömrə yelkən ümidlərim, Gənclik nəşriyyatı, Bakı, 1981-ci il.
  • Mədinə Gülgün — Ömrün payız dayanacağı, Yazıçı nəşriyyatı, Bakı, 1983-cü il.
  • Mədinə Gülgün — Könlümü ümidlər yaşadar, Gənclik nəşriyyatı, Bakı, 1984-cü il.
  • Mədinə Gülgün — Dünya şirin dünyadır, Gənclik nəşriyyatı, Bakı, 1989-cu il.
  • Mədinə Gülgün — Seçilmiş əsərləri, Şərq-Qərb nəşriyyatı, Bakı, 2004-cü il.
  • Mədinə Gülgün — Mən bu ömrü yaşadım, Nurlan nəşriyyatı, Bakı, 2010-cu il.

Haqqında hazırlanmış filmlər

  • Sətirlər — Balaş Azəroğlu və Mədinə Gülgün / Mədəniyyət Tv
  • Balaş Azəroğlu Mədinə Gülgün haqda / GünAz Tv
  • Yadigarlar — Balaş Azəroğlu və Mədinə Gülgün / Mədəniyyət Tv

Səsləndirilmiş şeirləri

  • Mədinə Gülgün — Kaş yarıda qalmayaydı bu yollar / biraddimla YOL
  • Mədinə Gülgün — Bir damlayam / biraddimla YOL
  • Həsən Əbluc — Mədinə Gülgün "Təbrizi görməyincə"
Mənbə — "https://az.wikipedia.org/w/index.php?title=Mədinə_Gülgün&oldid=8361006"
Informasiya Melumat Axtar