Məmməd İsmayıl oğlu Mustafayev (23 oktyabr 1944,Ermənistan SSR, Kalinin rayonu- 2007)- Azərbaycanlı alim, kimya elmləri doktoru,professor. İstanbul Yıldız Texniki Universitetinin biomühəndislik fakültəsinin yaradıcısı və professoru [1]
| Məmməd Mustafayev | |
|---|---|
| Məmməd İsmayıl oğlu Mustafayev | |
| Doğum tarixi | 23.10.1944, |
| Doğum yeri | Ermənistan SSR, Kalinin rayonu |
| Milliyyəti | Azərbaycanlı |
| Həyat yoldaşı | Zeynəb Məmmədova |
| Elm sahəsi | kimya |
| Elmi dərəcəsi | kimya üzrə elmlər doktoru |
| Elmi adı | professor |
| İş yeri | İstanbul Yıldız Texniki Universiteti |
| Alma-mater | M. V. Lomonosov adına Moskva Dövlət Universitet |
Məmməd Mustafayev 23 oktyabr 1944-cü ildə Ermənistan SSR-in Kalinin rayonunun Evli kəndində anadan olub. həmin kənddə orta təhsilini başa vurduqdan sonra Moskva şəhərində M. V. Lomonosov adına Moskva Dövlət Universitetinin kimya fakültəsini bitirib (1965-ci il).[2] 1970-1975-ci illərdə Moskva Dövlət Universitetində aspiranturanı başa vuraraq kimya elmləri namizədi, 1981-ci ildə isə polimerlər kimyası üzrə müdafiə edərək kimya elmləri doktoru elmi dərəcəsini almışdır.
1970-1975-ci illərdə Moskva Dövlət Universitetinin Kimya kafedrasında dosent vəzifəsini tututub. 1975-1983-cü illərdə Moskva Dövlət Universitetnin kimya kafedrasında dosent vəzifəsində çalışıb.1983-cü ildə Moskva İmmunologiya İnstitutunun kimya kafedrasında işləyib. 1990-cı ildə Bakı Dövlət Universitetinin üzvi kimya kafedrasında professor vəzifəsini tutub.[3]
1994-1997-ci illərdə TÜBİTAK nəzdində Kimyəvi İmmunologiya Laboratoriyasında məsləhətçi, 1997-2002-ci illərdə TÜBİTAK nəzdində Kimyəvi İmmunologiya Laboratoriyasının direktoru işləyib.O, 2004-2007-ci illərdə Türkiyənin Yıldız Texniki Universitetində Kimya və metallurgiya fakültəsinin Biomühəndislik kafedrasının müdiri işləyib.[4]
Beynəlxalq elmi-əməkdaşlığı
1970-1975-ci illərdə Rusiya Federasiyasi (Moskva) Baş Tədqiqat Alimi, 1975-1983-cü illərdə Moskva Dövlət Universitetində Kimya Kafedrasının Kimya Laboratoriyasının Rəhbəri, 1977-cu il Çexiyada Makromolekulyar Kimya Institutunda Qonaq Alim, 1979-cu il Macaristanın Ötvaş Universitetində Qonaq Alim, 1987-1989-cu illərdə Hindistanın Yeni Dehli Milli İmmunologiya İnstitutu Qonaq Alim (Kimya Proqramının Rəhbəri), 1983-1990-cı illərdə Rusiya Federasiyasi Moskva İmmunologiya İnstitutunun Kimya Kafedrasnda Kimya Laboratoriyasının müdiri, Yaponiya Elmi Dəstək Assosiasiyasi, Hokkaydo Universiteti və Tokio Texnologiya İnstitutunda Qonaq Professor (1996-cı il),Yaponiya Sapporo Yaponiya-Fransa Əməkdaşlığı, Fəxri Qonaq (1999-cu il), ABŞ Frederik Milli Xərçəng İnstitutunda Qonaq Alim (2001-ci il), Yaponiyanın Hokkaydo Universitetində qonaq alim (2001-ci il), İngiltərə London Viscotek Europe Ltd., Qonaq Alim (2003-ci il)[5]
Mamed Mustafayevin Yıldız Texniki Universitetində və başqa yerlərdə olduğu müddətdə araşdırmaları
1. Radiation-induced formation of polyacrylic acid–proteincovalent conjugates [6]
2. Characterization of water-soluble complexes of polyacrylic acid with alpha-Amylase from Aspergillus oryzae Melda Altikatoglu 1, Ozlem Tavukcuoglu, Mamed Mustafaev [7]
- ↑ Azərbaycanlı alim, professor, doktor Mamed Mustafayev
- ↑ Azərbaycanlı alim, professor, doktor Mamed Mustafayev
- ↑ Bakı Dövlət Universitetinin kimya fakültəsinin
- ↑ Nigar Səmədovanın “Report”un Türkiyə bürosuna müsahibəsi
- ↑ ADPU-nun Qərbi Azərbaycan Araşdırmalar Mərkəzi
- ↑ Radiation Physics and Chemistry 60 (2001) 567–575
- ↑ The National Center for Biotechnology Information