Məsihin yüksəlişi (it. Ascensione) — Lorenzo Gibertinin eskizi əsasında Bernardo do Françesko tərəfindən 1443-cü ildə Florensiya kafedralının barabanında yaradılmış vitraj.
| Məsihin yüksəlişi | |
|---|---|
| it. Ascensione | |
 | |
| Rəssam | Lorenzo Giberti, Bernardo do Françesko |
| Tarixi | 1443 |
| Üslubu | dini incəsənət[d] |
| Texnikası | vitraj |
| Ölçüləri | × 485 sm diametr |
| Saxlanıldığı yer | Santa-Mariya-del-Fiore kafedralı, Florensiya |
| Saytı | wga.hu/html_m/g/ghiberti… |
Baraban vitrajları üzərində işə, Brunelleskinin günbəz üzərində işləri tamamlamasından (1436) sonra başlanılmış, ənənəvi olaraq, vitrajların hazırlanması üçün müsabiqə elan edilmiş, müxtəlif rəssamlar müsabiqədə iştirak üçün tam ölçüdə eskizlər təqdim etmişdilər və onlardan ən gözəlləri seçilmişdir. Beləcə, Giberti vitraj sifarişlərinin bir çoxunu qazanmış, bir sifariş isə Donatello tərəfindən qəbul edilmişdir. 1440-cı illərdə Giberti, vaxtının böyük bir hissəsini Vəftizxananın qapılarına sərf etdiyindən, vitrajların hazırlanması Paolo Uçello və Andrea del Kastanyo kimi müxtəlif rəssamlara həvalə edilmişdir.[1]
Giberti memuarında barabanın üç vitrajını xatırlayır: "Mən bu kilsə üçün çoxlu sayda vitrajlar layihələndirmişəm. Tribunada mənim tərəfimdən üç okulus üçün vitrin çəkilmişdir: onlardan birində səmaya yüksələn Məsih, ikincisində bağda ibadət edən məsih, üçüncüsündə isə Məsihin məbədə gətirilməsini təsvir etmişdim." İlk iki vitraj 1443-cü ilin sentyabrında quraşdırılmışdı. 1444-cü ildə usta Bernardo di Françesko quraşdırılmanı bitirmişdir.[1]
Vitrajın çərçivəsi qırmızı fon üzərində təsvir edilmiş rəngarəng çobanyastığı çiçəkləri və yarpaqlardan yaradılmışdır. Məryəm və həvarilərin əhatəsində - tam mərkəzdə təsvir edilmiş Məsih yüksəlişinə başlayır. Məsihin əynindəki çiçək naxışlı ağ əba, mərkəzdə parlaq ləkə yaradaraq, əsas fiquru parladır, özünə diqqət çəkir və mavi fonda qırmızı tunikanın kontrastını yüksəldir.[1]
Fasadda yerləşən və özündə qotik incəsənətin xüsusiyyətlərini daşıyan erkən kafedral vitrajlarından fərqli olaraq, baraban vitrajlarında, Giberti, yeni, daha təntənəli və monumental tarazlıq əldə etdiyini, İntibah incəsənətinə uyğun daha sabit struktur yaratdığını nmüayiş etdirir.[1]
- ↑ 1 2 3 4 Brunetti, Giulia. Ghiberti. Firenze: Sansoni. 1966. səh. 26. (#accessdate_missing_url)
- Brunetti, Giulia. Ghiberti. Firenze: Sansoni. 1966. (#accessdate_missing_url)