Mətin Kaçan (türk. Metin Kaçan; 15 noyabr 1961, Kayseri – 6 yanvar 2013[1], İstanbul) — türk roman yazıçısı, hekayə yazıçısı və ssenaristi.
| Mətin Kaçan | |
|---|---|
| türk. Metin Kaçan | |
| Doğum tarixi | 15 noyabr 1961 |
| Doğum yeri | |
| Vəfat tarixi | 6 yanvar 2013[1] (51 yaşında) |
| Vəfat yeri | |
| Vəfat səbəbi | boğulma |
| Dəfn yeri | |
| Fəaliyyəti | yazıçı |
| İlk əsəri | "Ağır roman" |
| Tanınmış əsərləri | "Ağır roman", "Fındık Sekiz", "Adalara gedən bərə" |
Mətin Kaçan 1961-ci ildə Kayserinin İncesu bölgəsində anadan olmuşdur. Altı aylıq olarkən ailəsi ilə birlikdə İstanbula köçmüşdür. Atası bərbərxana işlədirdi. Kasımpaşa Liseyini ikinci sinifdə tərk etmiş, müxtəlif ixtisas tələb etməyən işlərdə çalışmışdır.[2] Mətin Kaçanın böyük qardaşı karikaturaçı rəssam Həsən Kaçan, kiçik qardaşı isə Kurtlar Vadisi serialında Pürmüz Hasan obrazını canlandıran aktyor Fatih Kaçandır. 1995-ci ilin fevral ayında Metin Kaçan və Alp Buğdaycı Günəş K. adlı qadına qarşı törədildiyi iddia edilən ağır cinayətlərlə əlaqədar olaraq məhkəmə tərəfindən həbs cəzasına məhkum edilmişdirlər.[3] Kaçan həbsdə olduğu müddətdə müxtəlif zorakılıqlara məruz qalmışdır. Bu hadisə ilə bağlı Ayşe Armana verdiyi müsahibədə baş verənləri dəqiq xatırlamadığını, hadisənin sonradan mediada gördüyü görüntülərlə özünə də inanılmaz gəldiyini bildirmişdir.[4]
Gənclik illərində satirik-yumoristik jurnallarıda yazılar yazmağa başlamışdır. İlk məqaləsi 1985-ci ildə "Gırgır" jurnalında dərc olunmuşdur. Ədəbiyyat dünyasına qısa hekayələrlə daxil olmuş, "Jak Laban" və "Andante" təxəllüsləri ilə yazılar yazmışdır.
Daha sonra "Ağır roman" adlı əsəri işıq üzü görmüş, ssenariləşdirilərək filmə çəkilmişdir. Ardınca Kemal Aratan ilə bərabər narkotik istifadə edən küçə uşaqlarının həyatından bəhs edən "İstədikləri yerə gedənlər" kitabını yazmışdır.
"Ağır roman" 2003-cü ildə, "Fındık Sekiz" isə 2008-ci ildə alman dilinə tərcümə olunmuşdur. Fransız dilinə də tərcümə edilən "Ağır roman" 2012-ci ildə nəşr edilmişdir.[5]
- 1989. Jaklaban və Andante imzasıyla: Graffiti. İstanbul: Joker Yayınları.
- 1991. Kaçan, Mətin; Aratan, Kemal: İstedikleri Yere Gidenler. İstanbul: Joker Yayınları.
- 1990. Kaçan, Mətin: Ağır Roman. İstanbul: Metis Yayınları
- 1997. Kaçan, Mətin: Fındık Sekiz. İstanbul: Can Yayınları.
- 1999. Kaçan, Mətin: Harman Kaplan. İstanbul: Can Yayınları.
- 2002. Kaçan, Mətin: Adalara gedən bərə. İstanbul: Can Yayınları.
- 2003. Kaçan, Mətin: Cholera Blues. Berlin: Dağyeli.
- 2005. Kaçan, Mətin: Cervantesin qohumu. Istanbul: Can Yayınları.
- 2008. Kaçan, Mətin: Haselnuss 8. Berlin, Dağyeli.
- Yalançı hekayələr 9 Yazar, 9 hekayə
Metin Kaçan 6 yanvar 2013-cü ildə İstanbulda intihar etmişdir.[6][7] Qardaşı Həsən Kaçan, 28 fevral prosesindən sonra Mətin Kaçan haqqında aparılan ictimai linç kampaniyasının onun psixoloji vəziyyətinə ağır təsir etdiyini və bu prosesdə dövrün mediasının məsuliyyət daşıdığını bildirmişdir. Mətin Kaçanın cəsədi ölümündən 16 gün sonra tapılmış və Ədirnəqapı qəbiristanlığında dəfn olunmuşdur.[8]
- ↑ 1 2 Bibliothèque nationale de France BnF identifikatoru (fr.): açıq məlumat platforması. 2011.
- ↑ https://web.archive.org/web/20160304121118/http://www.kultur.gov.tr/EN,38135/kacan-metin.html
- ↑ https://web.archive.org/web/20190608004807/http://www.baskahaber.org/2013/01/bir-kadn-ugruna-tadmz-kacmasn-agalar.html#)
- ↑ https://www.hurriyet.com.tr/yazarlar/ayse-arman/7-yil-onceki-kabusun-donusu-64120
- ↑ https://teis.yesevi.edu.tr/madde-detay/metin-kacan
- ↑ https://525.az/news/4431-taninmis-yazici-intihar-etdi
- ↑ https://web.archive.org/web/20160304102231/http://www.ensonhaber.com/agir-romanin-yazari-metin-kacan-intihar-etti-2013-01-08.html
- ↑ https://web.archive.org/web/20130403103545/http://www.focushaber.com/-metin-benim-yuzumden-intihar-etti--h-243073.html