Məzahir Süleymanzadə (22 dekabr 1952, Bakı – 11 may 2022, Bakı) — Fəxri bədən tərbiyəsi və idman xadimi. Azərbaycanın əməkdar mədəniyyət işçisi (2005)[1]
| Məzahir Süleymanzadə | |
|---|---|
| Doğum tarixi | 22 dekabr 1952 |
| Doğum yeri | |
| Vəfat tarixi | 11 may 2022 (69 yaşında) |
| Vəfat yeri | |
| Dəfn yeri | |
| Milliyyəti | azərbaycanlı |
| Təhsili |
|
| Fəaliyyəti | jurnalist, yazıçı |
| Mükafatları |
 |
1952-ci il dekabrın 22-də Bakıda anadan olub. 1970-ci ildə Şamaxı şəhərindəki 1 saylı orta məktəbi bitirib. Ötən əsrin 70-ci illərinin əvvəllərində Şamaxı Tarix-Diyarşünaslıq Muzeyinə rəhbərlik etmiş jurnalist Zaqafqaziya Hərbi Dairəsinin Tbilisidəki Ali Hərbi Müxbirlər məktəbini, Lvov Ali Hərbi-Siyasi Məktəbinin jurnalistika fakultəsini bitirib. 1974-1979-cu illərdə Bakı Dövlət Universitetinin jurnalistika fakültəsində təhsil alıb.[2]
Müxtəlif illərdə «Leninskoe znamya», «Krasnaya zvezda», «İdman» - «Sport» qəzetlərində, «Sovetski voin» jurnallarında çalışıb. «Kommunist» qəzetində baş müxbir, məsul katib və redaktor müavini vəzifələrini tutub. 1989-cu ildə müstəqil Azərbaycan mətbuatının ilkləriindən sayılan «Səhər» qəzetini təsis edib. M.Süleymanzadə həmçinin çoxsaylı kitablar müəllifidir.
1984-1994-cü illərdə «Qızıl qələm», «Həsən bəy Zərdabi», «Mirzə Cəlil», həmçinin «Araz» Ali mükafatına layiq görülüb, 1989-cu ildə Azərbaycan SSR Ali Sovetinin Fəxri Fərmanı ilə təltif olunub. Jurnalist 2005-ci ildə Azərbaycan Respublikası Prezidentinin fərmanı ilə «Əməkdar mədəniyyət işçisi» fəxri adına layiq görülüb.[3]
Məzahir Süleymanzadə 11 May 2022-ci ildə 69 yaşında vəfat edib. O, Mərdəkan qəbiristanlığında dəfn olunub
- ↑ "Məzahir Süleymanzadə". 15 noyabr 2019 tarixində arxivləşdirilib. İstifadə tarixi: 15 noyabr 2019.
- ↑ "Məzahir Süleymanzadə". 14 may 2019 tarixində arxivləşdirilib. İstifadə tarixi: 26 noyabr 2019.
- ↑ "Məzahir Süleymanzadə ilə fotosöhbət". 6 fevral 2019 tarixində arxivləşdirilib. İstifadə tarixi: 26 noyabr 2019.