Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinMigel Hontel Pimentel (23 oktyabr 1985, Kaliforniya) — ABŞ müğənnisi və bəstəkarı. Müasir və alternativ R&B sahəsində fəaliyyət göstərir. San-Pedro şəhərində (Kaliforniya) təşəkkül tapıb. Musiqi fəaliyyətinə 13 yaşında başlayıb. 2007-ci ildə "Jive Records" şirkəti ilə müqavilə bağlayıb. İlk studiya albomu "All I Want Is You" (azərb. "Yeganə istəyim sənsən") 2010-cu ilin noyabrında işıq üzü görüb. Əvvəlcə məhdud maraq doğuran albom sonradan populyarlıq qazanıb.[1] Albomun "Sure Thing" (azərb. "Arxayın ol") adlı ikinci kompozisiyası 2023-cü ildə sosial şəbəkədə ("TikTok") yayılması nəticəsində "Billboard Hot 100" hit-paradında 11-ci pilləyə yüksəlib və ifaçının ən uğurlu əsərinə çevrilib.
| Migel | |
|---|---|
_(cropped).jpg) | |
| Ümumi məlumatlar | |
| Doğum tarixi | 23 oktyabr 1985 (40 yaş) |
| Doğum yeri | |
| Musiqiçi məlumatları | |
| Fəaliyyəti | müğənni, mahnı yazarı[d], aktyor, repçi, bəstəkar, musiqi prodüseri, gitaraçı |
| Fəaliyyət illəri | 2000-ci ildən |
| Janrlar | müasir R&B[d], alternativ R&B[d], hip-hop[d], pop musiqisi, soul |
| Musiqi alətləri | gitara |
| Albom şirkətləri | Jive Records[d], RCA Records, Sony Music |
| officialmiguel.com | |
 Vikianbarda əlaqəli mediafayllar | |
"Jive" şirkətinin 2011-ci ildə bağlanmasından sonra "RCA Records" şirkətinə keçən ifaçı burada "Kaleidoscope Dream" (2012) adlı ikinci albomunu nəşr etmişdir. Bu albomun tərkibindəki "Adorn" mahnısı geniş dinləyici kütləsi qazanmışdır. İfaçının "Wildheart" (azərb. "Dağlar oğlu") (2015) və "War & Leisure" (azərb. "Savaş və təfərrüc") (2017) adlı növbəti albomlarında psixodelik və alternativ musiqi elementləri istifadə edilmişdir. "Wildheart" albomu "Billboard 200" siyahısında ikinci yerə yüksəlmiş, "War & Leisure" albomunda yer alan "Sky Walker" (azərb. "Asiman yolçusu") (Trevis Skott ilə) kompozisiyası Amerika Səsyazma Sənayesi Assosiasiyasından üçqat platin sertifikatı almışdır. İfaçı yaradıcılığında R&B, fank, hip-hop, pop, rok və elektron musiqi janrlarından istifadə edir. Tənqidçilər onun vokal tərzini Beybifeys (Babyface) və Prins kimi müğənnilərin ifa tərzi ilə müqayisə edirlər.
Migel San-Pedro şəhərində (Kaliforniya) doğulmuş və tərbiyə almışdır.[2][3][4] O, afroamerikalı ana və Meksika mənşəli amerikalı atanın iki övladından biridir.[5] Valideyinləri onun səkkiz yaşı olanda ayrılmışlar.[6] Uşaqlıq dövründə anasının dinlədiyi ənənəvi R&B janrı, eləcə də atasının maraq göstərdiyi fank, hip-hop, caz və klassik rok musiqiləri ilə tanış olmuşdur.
XI sinifdə bir yoldaşı onu "Drop Squad" istehsal şirkətinin əməkdaşı ilə tanış etmişdir. Bundan sonra o, orta məktəbi bitirənədək səsyazma studiyasının iş prinsipini mənimsəmişdir. Həmin dövrdə musiqi müqaviləsi əldə etməyə cəhd göstərmişdir. San-Pedro şəhərində yaşayan rep ifaçısı Blu ilə orta məktəb yoldaşı olmuşdur.[7]
Migel öz bəyanatında Transendental Meditasiyanın həyat tərzinin tənzimlənməsində əsas vasitə olduğunu qeyd etmişdir.[8]
2005-ci ildən model Nazənin Mandi ilə münasibət qurmuşdur. 2016-cı ilin yanvar ayında nişanlanma faktı ictimaiyyətə açıqlanmışdır.[9] 2018-ci il 24 noyabr tarixində Kaliforniya ştatının Santa-Syuzana ərazisində yerləşən "Hummingbird Nest Ranch"da nikah mərasimi keçirilmişdir.[10] 2021-ci ilin sentyabr ayında cütlük ayrılma barədə məlumat yaymış,[11] lakin 2022-ci ilin əvvəlində münasibətlər bərpa olunmuşdur.[12] 2022-ci il 4 oktyabr tarixində Mandi barışmaz ziddiyyətlər səbəbindən nikahın pozulması barədə məhkəməyə müraciət etmişdir.[13]
2017-ci ildə musiqisinin dinləyicisi Xian Bass Migeli cinsi təcavüzdə ittiham etmişdir.[14] Migel bu iddianı təkzib edərək, hadisənin təsvir edilən formada baş vermədiyini bildirmişdir.[15]
2025-ci il 9 sentyabr tarixində Migel sosial şəbəkədə "VOGUE China" nəşrinin sabiq baş redaktoru Marqaret Çjanqdan 2024-cü ildə doğulmuş övladının mövcudluğu barədə məlumat vermişdir.[16]
Studiya albomları
- All I Want Is You (2010)
- Kaleidoscope Dream (2012)
- Wildheart (2015)
- War & Leisure (2017)
- Caos (2025)[17]
- ↑ Graham, Nadine. "Q&A: Miguel". Soul Train. 24 mart 2011. İstifadə tarixi: 17 oktyabr 2012.
- ↑ "Miguel – Singer – Biography". Biography. İstifadə tarixi: 21 avqust 2018.
- ↑ Garraud, Tracy. "R&B Rude Boy". Vibe. Vibe Media Group. 2 avqust 2010. İstifadə tarixi: 3 avqust 2010.
- ↑ Wood, Mikael. "Miguel Finds His Place". LA Weekly. 11 oktyabr 2012. 11 aprel 2013 tarixində orijinalından arxivləşdirilib. İstifadə tarixi: 24 oktyabr 2012.
- ↑ Kwateng, Danielle. "Interviews: Miguel Makes Beautiful Music". Madame Noire. 24 iyun 2010. 1–3. İstifadə tarixi: 27 avqust 2010.
- ↑ Horne, Adam. "Miguel Builds Industry Buzz with Genre-Defying Sound". The Boombox. 7 iyun 2010. İstifadə tarixi: 27 avqust 2010.
- ↑ "Blu Says He Is "Biggest Hypocrite Since 2Pac," Talks Working With Rising Star Miguel". Hiphopwired.com. 10 sentyabr 2012. İstifadə tarixi: 26 iyun 2015.
- ↑ "Miguel Talks Justin Bieber, Meditation & Liquid Courage for the GRAMMYs". Hot93.7. 6 oktyabr 2014 tarixində orijinalından arxivləşdirilib. İstifadə tarixi: 21 sentyabr 2014.
'I just started looking into Transcendental Meditation,' he said. 'A lot of people don't understand that voice in your head that is consistently going, or thinking. There is a way to take a break from that, and just kind of be in the moment. That is what that whole meditation is about. It's just brilliant.'
- ↑ "Miguel's Girlfriend Nazanin Mandi Is Hot, And I Would Not Recommend Instagram-Stalking Her". Pink is the New Blog. İstifadə tarixi: 1 yanvar 2015.
The truth about Nazanin is that she seems really sweet, and I like that she's been with Miguel since forever. How cute were they back in the day? This was their first date in 2005.
- ↑ Macon, Alexandra. "Miguel and His Longtime Love, Nazanin Mandi, Are Married—Inside Their Wedding at Hummingbird Nest Ranch in California . The couple split up in 2021". Vogue.com. 27 noyabr 2018. İstifadə tarixi: 6 mart 2020.
- ↑ Michaud, Sarah; Chiu, Melody. "Miguel and Nazanin Mandi Separate After 17 Years Together: We 'Wish Each Other Well'". People. 27 sentyabr 2021. İstifadə tarixi: 28 sentyabr 2021.
- ↑ Kirkpatrick, Emily. "Miguel and Wife Nazanin Mandi Are Back Together After Announcing Separation". Vanity Fair. Condé Nast. 16 fevral 2022. İstifadə tarixi: 20 fevral 2022.
- ↑ Patterson, Charmaine. "Miguel's Wife Nazanin Mandi Files for Divorce Months After Announcing Reconciliation". People Magazine (ingilis). İstifadə tarixi: 5 oktyabr 2022.
- ↑ "Miguel's War & Leisure and the Allegation We Forgot". Spin. 16 iyul 2021 tarixində arxivləşdirilib. İstifadə tarixi: 16 iyul 2021.
- ↑ Wright, Tolly. "Miguel Responds to Sexual-Misconduct Allegation: 'Unfair And Unwarranted'". Vulture. 12 dekabr 2017. İstifadə tarixi: 12 sentyabr 2021.
- ↑ Grant, Kayla. "Miguel Reveals He Quietly Welcomed First Baby as He Shares Sweet Video from the Infant's First Birthday". People. 9 sentyabr 2025.
- ↑ Strauss, Matthew. "Miguel Announces New Album Caos". Pitchfork. 2 sentyabr 2025. İstifadə tarixi: 2 sentyabr 2025.
- officialmiguel.com — rəsmi saytı
- Migel (müğənni) — AllMusic saytında
- "Miguel: Second Wind" by The Fader