Murad Əli oğlu Dadaşov (21 dekabr 1978, Bakı) — Azərbaycan şoumeni, teleaparıcısı, prodüseri və aktyoru. O, "Bakılı oğlanlar" Şən və Hazırcavablar Klubunun üzvü olmuş, daha sonra "M Group Production" şirkətini təsis etmiş və şirkətin prezidenti olmuşdur. O, 2000-ci ildə "20-ci əsrin çempionları" titulunu qazanan şəxslərdən biri olmuşdur. O, 2014-cü ildə "Azərbaycan Respublikasının əməkdar artisti"[1] 2018-ci ildə "Azərbaycan Respublikasının xalq artisti" fəxri adlarına layiq görülüb. 2020-ci ildən Xəzər TV-nin prezidentidir.[5]
| Murad Dadaşov | |
|---|---|
| Doğum tarixi | 21 dekabr 1978 (46 yaş) |
| Doğum yeri | |
| Həyat yoldaşı | Aytən Əliyeva (e. 2001)[1][2] |
| Uşağı | 3 |
| Atası | Əli Dadaşov |
| Anası | Tamilla Əliyeva |
| Boyu | 1.70 sm[3] |
| Təhsili | |
| Fəaliyyəti | aktyor, prodüser, televiziya prodüseri[d] |
| Mükafatları |
  |
 Vikianbarda əlaqəli mediafayllar | |
Murad Əli oğlu Dadaşov 21 dekabr 1978-ci ildə Bakı şəhərində ziyalı ailəsində anadan olub.[6]
O 1985–1995-ci illərdə Bakı şəhəri 160 saylı tam orta məktəbdə təhsil alıb. 1996–2000-ci illərdə Bakı Dövlət Universitetinin "Sosial elmlər və psixologiya" fakültəsində təhsil alıb, ixtisasca psixoloqdur.[1]
XX əsrin sonlarında "Bakılı oğlanlar" ŞHK ilə tanışlığı oxuduğu məktəbdən başlayıb və bununla da 1993-cü ilin dekabrında peşəkar səhnəyə gəlib.[7] 2000-ci ildə isə "Bakılı oğlanlar" komandası "XX əsrin çempionları" titulunun sahibi oldu. Şən və hazırcavab çempionlardan biri də o olub.[1]
Universitetdə təhsil aldığı müddətdə, 1999–2002-ci ildə həm də Proqnoz Müstəqil Sosioloji Tədqiqatlar mərkəzində müdir müavini vəzifəsində çalışıb.[1] Televiziyada ilk fəaliyyətinə 1990-cı illərin ortalarında Azərbaycan Televiziyasında başlayıb. Burada "Bakılı oğlanlar" ŞHK-ın digər üzvü Cabir İmanov ilə bərabər "Bir Cənub şəhərində" adlı layihə hazırlayıb.[1][8]
1990-cı illərin sonlarında isə Space televiziyasında "Road Master" adlı layihənin aparıcısı olub.[9] 2002-ci ilin yanvar ayından həmin ilin oktyabr ayına kimi ANS Müstəqil Yayım və Media Şirkətində baş prodüser vəzifəsinə təyin edilib. Eyni zamanda, həmin dövrdə bu kanalda yayımlanan "Yeriniz Məlum" adlı gündəlik şou proqramın müəllifi və aparıcısı olub.[10]
2003-cü il fevralın 7-də "M Group Production" şirkətini təsis edib. Burada 2008-ci ilədək baş direktor vəzifəsində çalışıb.[1][11]
2003-cü ildə Lider telekanalında "M Group Production" şirkətinin ilk layihəsi olan "Mərc şou", 2005-ci ildən isə həmin telekanalda "Maşın" realiti şousu yayımlanmağa başlayıb. Hər iki layihənin müəllifi və aparıcısı o olub.[1] 2008–2010-cu illərdə "Lider Media Holdinq" — Lider televiziyasında Baş prodüser vəzifəsinə təyin olunub.[1] 2010-cu ildən bu günə qədər "M Group Production" şirkətinin prezidentidir.[1]
O, yayımlanan bir çox layihələrdə peşəkar ekspert və münsif qismində iştirak edib. Belə ki, 2004–2011-ci illərdə Azad Azərbaycan (ATV) telekanalında "Yeni Ulduz" musiqi yarışması, 2008-ci ildə Soçi şəhərində keçirilən "Beş ulduz" mahnı müsabiqəsi, 2014-cü il İctimai televiziyada "Böyük Səhnə" vokal şousu və 2015-ci il Azad Azərbaycan telekanalında yayımlanan "Özünü Tanıt" istedad müsabiqəsinin münsiflər heyətində təmsil olunub.[1]
O, Azərbaycanın ictimai-siyasi, mədəni həyatında da yaxından iştirak edib.[12] O, 2015-ci il Bakıda keçirilən Birinci Avropa Oyunlarının ulduz səfiri idi.[12]
O, 2022-ci ildə Murad Arifin "Popumuz Var" adlı internet verilişində "Neft sənin deyil, dövlətindir" deyib və o, buna görə sərt şəkildə tənqid olunub.[13]
5 mart 2020-ci ildə Xəzər TV-nin baş direktoru təyin edilib.[14][15]
Atası Dadaşov Əli Mürsəl oğlu ixtisasca nəqliyyat işçisidir. Anası Əliyeva Tamilla Abuzər qızı ixtisasca musiqiçidir, fortepiano müəlliməsidir. Qardaşı Fərid Dadaşov "KOKON" yaradıcılıq agentliyinin təsisçilərindən biridir. Azərbaycan Respublikasının əməkdar artisti, tarzən Əhsən Dadaşov Murad Dadaşovun atasının əmisidir.[1]
2001-ci ildə ixtisasca şərqşünas olan Əliyeva Aytən Elxan qızı ilə ailə həyatı qurub. Kamal, Əli, Ziya adlı üç övladı var.[1]
- Milli bomba (film, 2004) — aktyor (Gənc montajçı)
- Çətin yol (film, 2006) — aktyor (Ata)
- Bir dəfə Qafqazda (film, 2007) — aktyor (Kazbekin dostu)
- Halal pullar (film, 2008) — aktyor (Türk vətəndaşı)
- Qorxma, mən səninləyəm! 1919 (film, 2013) — aktyor (Epizod)
- Bayram axşamı (film, 2017) — aktyor, prodüser
"Azərbaycan Respublikasının əməkdar artisti" — 2014[16] 27 may 2018-ci ildə Azərbaycanın xalq artisti fəxri adına layiq görülmüşdür.[16][17][18][19]- "Azərbaycan Respublikasının xalq artisti" — 2018
- ↑ 1 2 3 4 5 6 7 8 9 10 11 12 13 "Murad Dadaşov: "Sinfimizə gələn hər təzə qızı birinci mən sevmişəm"" (az.). 31 oktyabr 2013. 30 may 2018 tarixində orijinalından arxivləşdirilib. İstifadə tarixi: 11 may 2018.
- ↑ "Murad Dadaşov ailəsi ilə (Foto)" (az.). 18 iyun 2013. 11 may 2018 tarixində arxivləşdirilib. İstifadə tarixi: 11 may 2018.
- ↑ "Azərbaycan müğənnilərinin boy və çəkiləri "nəhs" reytinqdə (FOTO)". 20 avqust 2023 tarixində arxivləşdirilib. İstifadə tarixi: 20 avqust 2023.
- ↑ ""Машын 6 Коррида – это экстра скорость", - уверен продюсер, шоумен Мурад Дадашев" (rus). 28 fevral 2007. 11 may 2018 tarixində arxivləşdirilib. İstifadə tarixi: 11 may 2018.
- ↑ "Arxivlənmiş surət". 2 sentyabr 2022 tarixində arxivləşdirilib. İstifadə tarixi: 8 yanvar 2020.
- ↑ "Tanınmış simalar: aktyor Murad Dadaşov" (az.). 11 may 2018 tarixində arxivləşdirilib. İstifadə tarixi: 11 may 2018.
- ↑ "Мурад Дадашов: "Сейчас опасно везде, кроме Азербайджана" — ИНТЕРВЬЮ". 6 dekabr 2021 tarixində arxivləşdirilib. İstifadə tarixi: 11 may 2018.
- ↑ "Мурад Дадашов готов к "реваншу" звезд на "Машын-шоу" (фотосессия)". 15 avqust 2020 tarixində arxivləşdirilib. İstifadə tarixi: 11 may 2018.
- ↑ "Мурад Дадашов: Евроигры стали необходимым компонентом национальной самоидентификации". 6 dekabr 2021 tarixində arxivləşdirilib. İstifadə tarixi: 11 may 2018.
- ↑ "Murad Dadaşov: Avropa Oyunları milli özünüeyniləşdirmənin zəruri komponenti oldu". 14 aprel 2021 tarixində arxivləşdirilib. İstifadə tarixi: 11 may 2018.
- ↑ "Даже профессиональные артисты не выдерживают такого напора — Мурад Дадашов, член жюри "Большой сцены"". 19 iyun 2021 tarixində arxivləşdirilib. İstifadə tarixi: 11 may 2018.
- ↑ 1 2 ""Biz xalq olaraq növbəti dəfə birləşdik" — Murad Dadaşov yazır". 6 dekabr 2021 tarixində arxivləşdirilib. İstifadə tarixi: 11 may 2018.
- ↑ "Murad Dadaşov "neft dövlətindir" dedi, tənqidlərlə üzləşdi". 5 noyabr 2022 tarixində arxivləşdirilib. İstifadə tarixi: 5 noyabr 2022.
- ↑ "Xəzər TV". 27 sentyabr 2022 tarixində arxivləşdirilib. İstifadə tarixi: 25 fevral 2022.
- ↑ "Arxivlənmiş surət". 25 fevral 2022 tarixində arxivləşdirilib. İstifadə tarixi: 25 fevral 2022.
- ↑ 1 2 "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı". President.az (az.). president.az. 18 dekabr 2014, 19:00. 2017-09-23 tarixində arxivləşdirilib. İstifadə tarixi: 2014-12-24.
- ↑ President.Az. "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı" (az.). President.az. 27.05.2018. 2020-03-05 tarixində arxivləşdirilib. İstifadə tarixi: 2018-05-27.
- ↑ Мурад Дадашов: Только личное вмешательство президента становится толчком к "работе над ошибками", а что же общество? [ölü keçid]
- ↑ "Murad Dadaşov prezidentə təşəkkür etdi". 24 sentyabr 2020 tarixində arxivləşdirilib. İstifadə tarixi: 11 may 2018.
- Murad Dadaşov — Facebook səhifəsi