Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinMustafa Purməhəmmədi (fars. مصطفی پورمحمدی; 9 mart 1960, Qum) — müxtəlif vəzifələrdə və Nazirlər Kabinetində vəzifələr tutmuş İran siyasətçisi və prokuroru. 2005–2008-ci illərdə daxili işlər naziri, 2013–2017-ci illərdə ədliyyə naziri kimi xidmət etmişdir. 1988-ci ildə iranlı məhbusların qətliamında iştirak etmişdir.[1]
| Mustafa Purməhəmmədi | |
|---|---|
| fars. مصطفی پورمحمدی | |
 | |
| 15 avqust 2013 – 20 avqust 2017 | |
| 24 avqust 2005 – 15 may 2008 | |
| Şəxsi məlumatlar | |
| Doğum tarixi | 9 mart 1960 (65 yaş) |
| Doğum yeri |
|
| Partiya |
|
| Təhsili | |
| Fəaliyyəti | siyasətçi, vəkil |
| Uşağı | 4 |
| Dini | şiəlik |
|
|
|
 |
|
| pourmohammadi.ir | |
 Vikianbarda əlaqəli mediafayllar | |
Mustafa Purməhəmmədi 1960-cı ildə Qumda anadan olmuşdur.[2][3] Bununla belə, İRNA xəbər verir ki, onun doğum ili guya 1959-cu ildir.[4]
Qumdakı Haqqani Seminariyasında islam fiqhi, fiqh prinsipləri və fəlsəfə üzrə təhsil almışdır.[2][5] Daha sonra Məşhəd, Qum və Tehranda fiqh və prinsiplər sahəsində əlavə təhsil almışdır. O, hüquq elmləri və islam hüququ üzrə dördüncü səviyyəli dərəcəyə malikdir ki, bu da fəlsəfə doktoru dərəcəsinə bərabərdir.[2]
Mustafa Purməhəmmədi 1979–1986-cı illərdə Bəndər-Abbas, Kirmanşah və Məşhəddə İnqilab Məhkəməsinin prokuroru olmuşdur.[4] Sonra 1986-cı ildə Silahlı Qüvvələrin qərb rayonları üzrə İnqilab Məhkəməsinin prokuroru vəzifəsində çalışmışdır.[6]
Kəşfiyyat nazirinin müavini olduğu müddətdə Purməhəmmədi 1988-ci ildə Ayətullah Ruhullah Xomeyninin və digər siyasətçilərin göstərişi ilə iranlı məhbusların qətliamında əli olmuşdur.[1] Böyük Ayətullah Hüseynəli Müntəzirinin dediyinə görə, o, qətliam zamanı " Evin həbsxanasında məhbusların dindirilməsinə cavabdeh olan İnformasiya Nazirliyinin nümayəndəsi idi".[7] Müntəzirinin Purməhəmmədini Tehranda məhbusların kütləvi edamında "mərkəzi fiqur" hesab edirdi.[8] 2016-cı ildə Purməhəmmədi bəyan etmişdir: "Biz fəxr edirik ki, biz İran xalq mücahidləri ilə bağlı Allahın əmrini yerinə yetirmişik ... Mən sakitəm və qanuna və İslama uyğun hərəkət etdiyim üçün bu illər ərzində yuxum getməyib".[9]
O, 1987-ci ildə Əli Əkbər Haşimi Rəfsəncaninin hakimiyyəti dövründə o vaxtkı kəşfiyyat naziri Höcətülislam Əli Fəlahyanın müavini təyin edilmişdir.[2][10] O, həm də əks-kəşfiyyat şöbəsinin müdiri təyin edilmişdir.[11]
1997–1998-ci illərdə Purməhəmmədi xarici siyasət departamentinin direktoru vəzifəsində çalışmışdır.[11] Onun Kəşfiyyat katibinin müşaviri kimi müddəti 1999-cu ildə başa çatmışdır.[12][13]
Bundan əlavə, 1997–1999-cu illərdə informasiya nazirinin müavini vəzifəsində çalışmışdır. O, həmçinin İslam İnqilabı Sənəd Mərkəzinin qəyyumlar şurasının üzvü və rəhbəri idi. O, 2003-cü ildə Ali Rəhbər Xamenei tərəfindən öz ofisinin siyasi və ictimai şöbəsinin müdiri təyin edilmişdir.[4]
24 avqust 2005-ci ildə Əhmədinejad Purməhəmmədini daxili işlər naziri təyin etmişdir.[7][14] Məclis onu 153 səslə nazir vəzifəsinə təsdiq etmişdir.[15]
O, 2013-cü ilin martında 2013-cü il prezident seçkilərində namizədliyini irəli sürdüyünü elan etmiş, lakin Mənuçöhr Möttəki lehinə namizədliyini geri götürmüşdür.[14] 4 avqust 2013-cü ildə yeni seçilmiş prezident Həsən Ruhani Purməhəmmədinin ədliyyə naziri vəzifəsinə namizədliyini irəli sürmüş və 15 avqustda Məclis tərəfindən təsdiqlənmişdir.[16]
Mustafa Purməhəmmədi evlidir və dörd övladı var.[17]
- ↑ 1 2 Interior Minister Pour-Mohammadi and Iranian Human Rights Abuses Arxivləşdirilib 2017-11-17 at the Wayback Machine U.S. State Department 11 October 2006
- ↑ 1 2 3 4 "Who's Who in Iranian Politics. Mostafa Pourmohammadi". IRD Diplomacy. 12 dekabr 2012. 5 iyun 2017 tarixində arxivləşdirilib. İstifadə tarixi: 19 iyun 2013.
- ↑ Yonah Alexander; Milton M. Hoenig. The New Iranian Leadership: Ahmadinejad, Terrorism, Nuclear Ambition, and the Middle East. Greenwood Publishing Group. 2008. səh. 265. ISBN 978-0-275-99639-0. İstifadə tarixi: 28 iyun 2013.
- ↑ 1 2 3 "Biography of Pour-Mohammadi, nominee for post of interior minister". IRNA via Global Security. 14 avqust 2005. 20 may 2024 tarixində arxivləşdirilib. İstifadə tarixi: 16 avqust 2013.
- ↑ David E. Thaler; Alireza Nader; Shahram Chubin; Jerrold D. Green; Charlotte Lynch; Frederic Wehrey. Factionalism and the Primacy of Informal Networks // Mullahs, Guards, and Bonyads (PDF). Santa Monica: RAND Corporation. 2010. 23 iyul 2024 tarixində arxivləşdirilib (PDF). İstifadə tarixi: 29 iyul 2013.
- ↑ "Ministers of Murder: Iran's New Security Cabinet". Human Rights Watch. 15 dekabr 2005. İstifadə tarixi: 22 fevral 2013.
- ↑ 1 2 Kazemzadeh, Masoud. "Ahmadinejad's Foreign Policy". Comparative Studies of South Asia, Africa and the Middle East. 27 (2). 2007: 423–449. doi:10.1215/1089201x-2007-015. 4 mart 2016 tarixində arxivləşdirilib. İstifadə tarixi: 20 may 2024.
- ↑ hrw.org. Pour-Mohammadi and the 1988 Prison Massacres Arxivləşdirilib 2024-08-22 at the Wayback Machine Human Rights Watch, December 2005
- ↑ "Blood-soaked secrets with Iran's 1998 Prison Massacres are ongoing crimes against humanity" (PDF). 4 dekabr 2018. 15 dekabr 2018 tarixində arxivləşdirilib (PDF). İstifadə tarixi: 14 dekabr 2018.
- ↑ Haeri, Safa. "Iran's new president presents and "undiscovered island"". Iran Press Service. Paris-Tehran. 5 avqust 2005. 19 fevral 2019 tarixində orijinalından arxivləşdirilib. İstifadə tarixi: 4 fevral 2013.
- ↑ 1 2 "Iran's Ministry of Intelligence and Security: A profile" (Report). Library of Congress, Federal Research Division. dekabr 2012. 21 dekabr 2023 tarixində arxivləşdirilib. İstifadə tarixi: 5 avqust 2013.
- ↑ "Potential Candidate Series: Mostafa Pourmohammadi". Iran Election Watch. 20 dekabr 2013 tarixində orijinalından arxivləşdirilib. İstifadə tarixi: 19 iyun 2013.
- ↑ La Guardia, Anton. "Rights group attacks Iran's 'ministers of murder'". The Telegraph. 15 dekabr 2005. 20 may 2024 tarixində arxivləşdirilib. İstifadə tarixi: 16 avqust 2013.
- ↑ 1 2 "Iran's Inspectorate Chief to Run in Presidential Election". Fars News Agency. 17 mart 2013. 20 may 2024 tarixində arxivləşdirilib. İstifadə tarixi: 19 iyun 2013.
- ↑ "Iran: 17 proposed ministers receive votes of confidence, 4 rejected". Payvand. 25 avqust 2005. 17 noyabr 2022 tarixində orijinalından arxivləşdirilib. İstifadə tarixi: 1 iyul 2013.
- ↑ "Iranian Parliament Gives Vote of Confidence to Majority of Rouhani's Proposed Ministers". Fars News. 15 avqust 2013. 1 oktyabr 2015 tarixində orijinalından arxivləşdirilib. İstifadə tarixi: 15 avqust 2013.
- ↑ "Iran's newly elected president nominates cabinet". CNN. 5 avqust 2013. 4 mart 2016 tarixində arxivləşdirilib. İstifadə tarixi: 29 avqust 2013.