Nəriman Rəhmanov (29 oktyabr 1937, Bakı, Azərbaycan SSR) — enerji və elektrik mühəndisliyi sahəsində fəaliyyət göstərən Azərbaycanlı alimi, texnika elmləri doktoru, professor, Azərbaycan Respublikasının əməkdar energetiki (1991) və əməkdar elm xadimi (2017). 20-dən çox elmi məqalə, patent və üç monoqrafiyanın müəllifidir. Elektrik enerjisi sistemlərinin işlədilməsi, paylanmış enerji və bərpa olunan enerji mənbələri üzrə tədqiqatları ilə tanınır.
| Nəriman Rəhmanov | |
|---|---|
| Doğum tarixi | |
| Doğum yeri | Bakı, Azərbaycan SSR |
| Elm sahələri | enerji və elektrik mühəndisliyi |
Nəriman Rəhmanov 29 oktyabr 1937-ci ildə Azərbaycan SSR-in Bakı şəhərində anadan olub. 1964-cü ildə Azərbaycan Neft və Kimya İnstitutunun Elektrik Mühəndisliyi fakültəsini magistr dərəcəsi ilə (MSEE) bitirib. 1969-cu ildə həmin institutda Elektrik Energetikası üzrə namizədlik dissertasiyasını müdafiə edərək, texnika elmləri namizədi (PhD) elmi dərəcəsini, 1990-cı ildə isə Rusiyanın Novosibirsk Elektroteknika Universitetində texnika elmləri doktoru elmi dərəcəsini alıb.
Nəriman Rəhmanov 1990-cı ildən professor kimi fəaliyyət göstərir. 2007-ci ildən 2009-cu ilə qədər Azərbaycan Elmi-Tədqiqat Energetika və Enerji Dizayn İnstitutunun direktoru, 2009-cu ildən bu günədək isə həmin institutun və SPII-nin direktor müavini vəzifəsində çalışır. Hal-hazırda Azərbaycan-Norveç Təmiz İstehsalat və Enerji Səmərəliliyi Mərkəzinin (CPEE Center) direktorudur.[1]
O, IEEE təşkilatının üzvü, Beynəlxalq Eko-Enerji Akademiyasının (Bakı, Azərbaycan) akademikidir, "Texniki və Fiziki Elektrik Mühəndisliyi Problemləri" (ICTPE) üzrə Beynəlxalq Konfransın həmsədri, həmçinin "Texniki və Fiziki Mühəndislik Problemləri üzrə Beynəlxalq Jurnal" (IJTPE) və "Enerji Mühəndisliyi Problemləri Jurnalı"nın redaksiya heyətinin üzvüdür.
- Elektrik sistemlərinin işləmməsi və idarə edilməsi
- Paylanmış enerji sistemləri
- Alternativ enerji mənbələri
Elmi nəşrləri 220-dən çox məqalə və patent, eləcə də 3 monoqrafiyanı əhatə edir.
Azərbaycan Respublikası Prezidentinin Fərmanı ilə 4 oktyabr 1991-ci ildə "Azərbaycan Respublikasının əməkdar energetiki" fəxri adı ilə təltif olunmuşdur.[2]
Azərbaycan Respublikası Prezidentinin Sərəncamı ilə 19 oktyabr 2017-ci ildə "Azərbaycan Respublikasının əməkdar elm xadimi" fəxri adı ilə təltif olunmuşdur.[3]
- ↑ "Dövlət sektoruna aid binalarda səmərəli enerji satınalmaları" mövzusunda konfrans keçirilmişdir // azertag.az. 13 dekabr 2013-cü il
- ↑ İ. Q. Yesman adına Azərbaycan Elmi Tədqiqat Energetika İnstitutu işçilərinin bir qrupuna Azərbaycan Respublikasının fəxri adlarının verilməsi haqqında Azərbaycan Respublikası Prezidentinin Fərmanı // e-qanun.az. 4 oktyabr 1991-ci il
- ↑ Azərbaycanın bir qrup energetikinə fəxri adların verilməsi haqqında Azərbaycan Respublikası Prezidentinin Sərəncamı // president.az. 19 oktyabr 2017-ci il
- Azərbaycan Milli Elmlər Akademiyası rəsmi məlumat bazası.
- Azərbaycan Neft və Kimya İnstitutunun məzunlar siyahısı (1964).
- Elmi dissertasiya kataloqu — Elektrik energetikası, Bakı, 1969.
- Novosibirsk Elektroteknika Universiteti arxiv sənədləri (1990).