Naxçıvan Muxtar Respublikası Dövlət Şəhərsalma və Arxitektura Komitəsi — Naxçıvan Muxtar Respublikasında şəhərsalma, ərazi planlaşdırılması, memarlıq və layihələndirmə sahələrində dövlət siyasətini həyata keçirən mərkəzi icra hakimiyyəti orqanıdır.
| Naxçıvan Muxtar Respublikası Dövlət Şəhərsalma və Arxitektura Komitəsi | |
|---|---|
| |
| Ümumi məlumatlar | |
| Ölkə |
 Azərbaycan |
| Yaradılma tarixi | 23 mart 2006 |
| Baş qərargah | Naxçıvan, Azərbaycan |
| Rəhbərlik | |
| Rəhbər | İlqar Sadıqov |
| Müavin | Seymur Seyidov |
|
|
|
| Rəsmi saytı | narxkom.gov.az/az |
Komitə Azərbaycan Respublikasının Prezidenti İlham Əliyevin dövlət idarəetmə strukturunun təkmilləşdirilməsi məqsədilə imzaladığı **28 fevral 2006-cı il tarixli Sərəncama** əsasən, Naxçıvan Muxtar Respublikası Ali Məclisi sədrinin **23 mart 2006-cı il tarixli 16-III FR nömrəli Fərmanı** ilə yaradılmışdır.
Yeni qurum, ləğv edilmiş Naxçıvan Muxtar Respublikasının Dövlət Tikinti və Memarlıq Komitəsinin bazasında təşkil olunmuş, onun tikinti sahəsindəki funksiyaları isə Naxçıvan Muxtar Respublikasının Fövqəladə Hallar Nazirliyinə verilmişdir.
- 20 noyabr 2007-ci il** tarixli **93-III FR nömrəli Fərman**la Komitənin Əsasnaməsi, strukturu və aparat işçilərinin sayı təsdiqlənmişdir. Əsasnaməyə görə, Komitə Naxçıvan ərazisində şəhərsalma, ərazi planlaşdırılması, memarlıq və layihələndirmə sahələrində dövlət siyasətinin və tənzimlənməsinin həyata keçirilməsini təmin edir.
- 23 avqust 2023-cü il** tarixli **196-VI FR nömrəli Fərman**la Komitənin yeni əsasnaməsi təsdiq edilmiş, strukturunda dəyişikliklər aparılmış və tabeliyində olan Layihə-Smeta Qrupunun bazasında publik hüquqi şəxs statuslu **Layihə Planlaşdırma Mərkəzi** yaradılmışdır. Bu mərkəz Komitənin strukturuna daxil olmayan, lakin onun tabeliyində fəaliyyət göstərən qurumlardandır. Komitəyə hazırda İlqar Sadıqov rəhbərlik edir.
Komitə Naxçıvan Muxtar Respublikası ərazisində şəhərsalma və memarlıq sahəsində vahid dövlət siyasətinin həyata keçirilməsini təmin edir. Fəaliyyət istiqamətləri bunlardır:
- ərazi planlaşdırılması sənədlərinin hazırlanması və icrasına nəzarət;
- şəhərsalma və tikinti normalarına əməl olunmasına dövlət nəzarətinin həyata keçirilməsi;
- normayaratma fəaliyyəti;
- milli memarlıq irsinin qorunması;
- şəhər və qəsəbələrin təbii və tarixi xüsusiyyətlərini nəzərə almaqla planlaşdırılması;
- şəhərsalma kadastrının aparılması;
- layihələndirmə və tikinti keyfiyyətinin yüksəldilməsi üzrə dövlət nəzarəti.
Komitənin tabeliyində aşağıdakı qurum fəaliyyət göstərir:
- Layihə Planlaşdırma Mərkəzi – publik hüquqi şəxs, şəhərsalma və memarlıq sahələrində layihə və planlaşdırma xidmətləri göstərir.