Butun axtardiqlarinizi tapmaq ucun buraya: DAXIL OLUN
  Mp4 Mp3 Axtar Yukle
  Video Axtar Yukle
  Shekil Axtar Yukle
  Informasiya Melumat Axtar
  Hazir Inshalar Toplusu
  AZERI CHAT + Tanishliq
  Saglamliq Tibbi Melumat
  Whatsapp Plus Yukle(Yeni)

  • Ana səhifə
  • Təsadüfi
  • Yaxınlıqdakılar
  • Daxil ol
  • Nizamlamalar
İndi ianə et Əgər Vikipediya sizin üçün faydalıdırsa, bu gün ianə edin.

Nurlan Libre

  • Məqalə
  • Müzakirə
Bu səhifədə iş davam etməkdədir.
Müdaxilə etməyə tələsməyin!
  • Əgər kömək etmək istəyirsinizsə, ya da səhifə yarımçıq qalıbsa, səhifəni yaradan istifadəçi ilə əlaqə qura bilərsiniz.
  • Səhifənin tarixçəsində səhifə üzərində işləmiş istifadəçilərin adlarını görə bilərsiniz.
  • lərinizi mənbə və istinadlarla əsaslandırmağı unutmayın.
Bu məqalə sonuncu dəfə 35 saat əvvəl ChanisCaucasi (müzakirə | töhfələr) tərəfindən olunub. (Yenilə)

Nurlan Qəhrəmanlı və ya jurnalist imzası ilə Nurlan Libre (tam adı: Nurlan Ramiz oğlu Qəhrəmanlı; 5 mart 1997, Sumqayıt) — azərbaycanlı jurnalist və siyasi məhbus.

Nurlan Libre
Vətəndaşlığı Azərbaycan Azərbaycan
Tanınır jurnalist

Nurlan Libre peşə fəaliyyəti ərzində dəfələrlə saxlanmalarla, polis müqaviməti və pis rəftarla üzləşmiş, 20 fevral 2025-ci ildə isə Bakı Şəhər Baş Polis İdarəsinin (BŞBPİ) İstintaq və Təhqiqat İdarəsində açılmış cinayət işi çərçivəsində şübhəli şəxs qismində saxlanılmış, fevralın 21-də Xətai Rayon Məhkəməsinin qərarı ilə isə həbs edilmişdi.

Nurlan Libre barəsində Azərbaycan Cinayət Məcəlləsinin 206.3.2-ci (qaçaqmalçılıq, əvvəlcədən əlbir olan bir qrup şəxs tərəfindən törədildikdə) maddəsi ilə ittiham irəli sürülmüşdü. Avqustda isə ibtidai istintaqı aparan BŞBPİ İstintaq və Təhqiqat İdarəsi iş üzrə təqsirləndirilən şəxslərə, o cümlədən Nurlan Libreyə qarşı yeni ittihamlar irəli sürmüşdü. Bununla da onların hər biri ümumi olaraq Cinayət Məcəlləsinin 8 maddəsi ilə ittiham olunurdu: Cinayət Məcəlləsinin 192.2.2-ci (külli miqdarda gəlir əldə etməklə qanunsuz sahibkarlıq), 192.2.3-cü (…mütəşəkkil dəstə tərəfindən törədildikdə), 193–1.3.1-ci (Cinayət yolu ilə əldə edilmiş əmlakı leqallaşdırma), 193–1.3.2-ci (…xeyli miqdarda törədildikdə), 206.4 (mütəşəkkil dəstə tərəfindən qaçaqmalçılıq), 213.2.1 (vergiləri ödəməkdən yayınma — mütəşəkkil dəstə tərəfindən törədildikdə), 320.1 (sənəd saxtalaşdırma), 320.2 (saxta sənədlərdən istifadə etmə).

Nurlan Libre birqayda olaraq ittihamları rədd etmiş, həbsini peşə fəaliyyəti ilə əlaqəndirmişdi. Onun həbsi bir sıra nüfuzlu yerli və beynəlxalq insan hüquqları təsisatları tərəfindən siyasi motivli hesab olumuş

Hazırda Ədliyyə Nazirliyinin Penitensiar Xidmətinin Bakı İstintaq Təcridxanasında saxlanılır.

Mündəricat

  • 1 Erkən illəri
  • 2 Jurnalist fəaliyyəti
  • 3 Həbs edilməsi (2025)
  • 4 İstinadlar
  • 5

Erkən illəri

Nurlan Ramiz oğlu Qəhrəmanlı 1997-ci il, martın 5-də Sumqayıt şəhərində anadan olub.

2016-cı ildə Maliyyə-İqtisad Kollecini bitirib.

2018-ci ildən bloqer fəaliyyəti ilə məşğul olmağa başlayıb.

Evlidir, bir oğlu var.

Jurnalist fəaliyyəti

Nurlan Libre 2018–2019-cu illərdə "Kanal13" internet televiziyasında reportyor olaraq çalışıb. Peşə fəaliyyəti ərzində dəfələrlə saxlanmalarla, polis müqaviməti və pis rəftarla üzləşib.

2018-ci il, noyabr 17-də Milli Dirçəliş Günü ilə bağlı Milli Şura rəhbərliyi və AXCP fəallarının Şəhidlər Xiyabanı ziyarətini işıqlandıran zaman polislər tərəfindən saxlanılıb. 2 gün Səbail Rayon Polis İdarəsində saxlandıqdan sonra noyabrın 19-da sərbəst buraxılıb.[1]

2019-cu il, yanvarın 4-də "Neftçilər" metrostansiyası yaxınlığında bir qrup vətəndaş barəsində ikinci dəfə cinayət işi açılan bloqqer Mehman Hüseynova dəstək aksiyası keçirib. Bu zaman etirazçılarla yanaşı aksiyanı işıqlandıran jurnalist Nurlan Libre də saxlanılıb. Onun barəsində Azərbaycan İnzibati Xətalar Məcəlləsinin 513.2-ci (Toplantıların təşkili və keçirilməsi qaydasının pozulması) maddəsi ilə protokol tərtib edilib və baxılması üçün Nizami Rayon Məhkəməsinə göndərilib. Məhkəmənin qərarına əsasən Nurlan Libre 21 gün müddətə azadlıqdan məhrum edilib.

2019-cu il, mayın 19-da Yasamal rayonu ərazisində vətəndaşların narazılığını işıqlandıran zaman polislər tərəfindən saxlanılıb, yarım saat Yasamal RPİ-nin 26-cı Polis Bölməsində saxlandıqdan sonra sərbəst buraxılıb.[2]

2020-ci ildə "Portağal Media" adlı YouTube internet televiziyasını təsis edib. Kanalın 2025-ci ilə olan məlumatlara əsasən 50 mindən çox izləyicisi var.

2023-cü il, sentyabrın 21-də polislər tərəfindən saxlanılıb. Yasamal Rayon Məhkəməsinin qərarı ilə İnzibati Xətalar Məcəlləsinin 388–1.1.1-ci (internet informasiya ehtiyatında və yayılması qadağan edilən informasiyanın yerləşdirilməsi) maddəsi ilə təqsirli bilinib və 30 gün müddətinə azadlıqdan məhrum edilib.[3]

Həbs edilməsi (2025)

2025-ci il, fevralın 20-də, günorta saatlarında Nurlan Libre polislər tərəfindən saxlanıldı. Daxili İşlər Nazirliyinin Mətbuat Xidməti onun 2024-cü il, dekabrın 4-də Bakı Şəhər Baş Polis İdarəsinin (BŞBPİ) İstintaq və Təhqiqat İdarəsində "Meydan TV" jurnalistləri barəsində açılmış cinayət işi çərçivəsində şübhəli şəxs qismində saxlanıldığını bildirdi.[4] Onun Sumqayıt şəhərində anasının yaşadığı evdə axtarış-götürmə zamanı ailəyə məxsus pul və dəyərli əşyalar götürüldü.[5] Fevralın 21-də Xətai Rayon Məhkəməsinin qərarı ilə barəsində 1 ay 17 gün müddətinə həbs qətimkam tədbiri seçildi.[6] Məhkəmə qərarından sonra Nurlan Libre Sabunçu rayonunun Zabrat qəsəbəsində Ədliyyə Nazirliyinin Penitensiar Xidmətinə tabe olan Bakı İstintaq Təcridxanasına göndərildi.

Nurlan Librenin həbsi Jurnalistlərin Müdafiə Komitəsi ("Committee to Protect Journalists", CPJ) tərəfindən pislənib, onun azadlığa buraxılması üçün Azərbaycan iqtidarına çağırış edilib.[7]

6 mart 2025-ci ildə Bakı Apellyasiya Məhkəməsində Nurlan Librenin istintaq dövründə həbsdə saxlanması barədə Xətai Rayon Məhkəməsinin 21 fevral 2025-ci il tarixli qərarından verilən apellyasiya şikayətinə baxılıb. İclasda Nurlan Libre, ona qarşı irəli sürülmüş qaçaqmalçılıq ittihamı tamamilə əsassız adlandırıb. Məhkəmə Librenin apellyasiya şikayətini təmin etməyib və Xətai Rayon Məhkəməsinin 21 fevral 2021-ci il tarixli qərarı qüvvəsində saxlayıb.[8]

14 mart 2025-ci ildə Xətai Rayon Məhkəməsi Nurlan Libre barəsində seçilmiş həbs müddətinin 3 ay uzadılması barədə qərar verib.[9][10]

24 iyun 2025-ci ildə Xətai Rayon Məhkəməsi istintaq orqanının Nurlan Libre barəsində seçilmiş həbs qətimkan tədbirinin növbəti dəfə uzadılması ilə bağlı vəsatətinə baxıb. Məhkəmənin qərarına əsasən Libre barəsində seçilmiş həbs qətimkan tədbirinin müddəti 2025-ci il, oktyabrın 6-dək uzadılıb.[11]

2 iyul 2025-ci ildə Bakı Apellyasiya Məhkəməsində Nurlan Libre barəsində seçilmiş həbs qətimkan tədbirinin uzadılması ilə bağlı qərardan verilən apellyasiya şikayətinə baxılıb. Hakim Emin Əliyevin sədrliyi ilə baş tutan prosesdə müdafiə tərəfinin şikayəti təmin edilməyib.[12]

28 avqust 2025-ci ildə ibtidai istintaqı BŞBPİ İstintaq və Təhqiqat İdarəsində aparılan cinayət işi üzrə təqsirləndirilən şəxslərə, o cümlədən Nurlan Libreyə qarşı yeni ittihamlar irəli sürüldü. Bununla da onların hər biri ümumi olaraq Cinayət Məcəlləsinin 8 maddəsi ilə ittiham olunurdu: Cinayət Məcəlləsinin 192.2.2-ci (külli miqdarda gəlir əldə etməklə qanunsuz sahibkarlıq), 192.2.3-cü (…mütəşəkkil dəstə tərəfindən törədildikdə), 193–1.3.1-ci (Cinayət yolu ilə əldə edilmiş əmlakı leqallaşdırma), 193–1.3.2-ci (…xeyli miqdarda törədildikdə), 206.4 (mütəşəkkil dəstə tərəfindən qaçaqmalçılıq), 213.2.1 (vergiləri ödəməkdən yayınma — mütəşəkkil dəstə tərəfindən törədildikdə), 320.1 (sənəd saxtalaşdırma), 320.2 (saxta sənədlərdən istifadə etmə).[13]

17 sentyabr 2025-ci ildə Xətai Rayon Məhkəməsi istintaq orqanının Nurlan Libre barəsində seçilmiş həbs qətimkan tədbirinin üçüncü dəfə uzadılması ilə bağlı vəsatətinə baxıb. Hakim Rafael Sadıxovun qərarına əsasən Libre barəsində seçilmiş həbs qətimkan tədbirinin müddəti 2026-cı il, yanvarın 6-dək uzadılıb.[14]

İstinadlar

  1. ↑ Pərvanə Bayramova. "AXCP sədri Əli Kərimli sərbəst buraxıldı [Video]". Voice of America (VoA) (az.). 10 may 2025. İstifadə tarixi: 10 may 2025.
  2. ↑ Pərvanə Bayramova. ""Sovetsкi" ərazisində yenə narazılıq var". Voice of America (VoA) (az.). 10 may 2025. İstifadə tarixi: 10 may 2025.
  3. ↑ "İctimai fəal Nurlan Libre həbs edildi". Qafqazinfo.az) (az.). 10 may 2025. İstifadə tarixi: 10 may 2025.
  4. ↑ "Jurnalist Nurlan Libre saxlanılıb". Meydan TV (az.). 10 may 2025. İstifadə tarixi: 10 may 2025.
  5. ↑ "Nurlan Librenin anasının evindən pul və dəyərli əşyalar götürülüb". Meydan TV (az.). 10 may 2025. İstifadə tarixi: 10 may 2025.
  6. ↑ "Jurnalist Nurlan Libre həbs olundu". Meydan TV (az.). 10 may 2025. İstifadə tarixi: 10 may 2025.
  7. ↑ "CPJ Nurlan Libre və Fatimə Mövlamlının həbsini pisləyən bəyanat yayıb". Meydan TV (az.). 10 may 2025. İstifadə tarixi: 10 may 2025.
  8. ↑ ""Meydan TV işi" üzrə günahlandırılan jurnalistlər həbsdə qaldı". Meydan TV (az.). 10 may 2025. İstifadə tarixi: 10 may 2025.
  9. ↑ Meydan TV. ""Meydan TV işi" üzrə həbs olunanların məhкəməsi кeçirilib (Yenilənib)". www.meydan.tv (az.). 8 may 2025. İstifadə tarixi: 8 may 2025.
  10. ↑ "Журналистам Meydan TV продлены сроки ареста". Кавказский узел (rus). 10 may 2025. İstifadə tarixi: 10 may 2025.
  11. ↑ "Aynur Elgünəş, Nurlan Libre və Aytac Tapdığın həbs müddəti uzadılıb". Meydan TV (rus). 10 may 2025. İstifadə tarixi: 10 may 2025.
  12. ↑ Meydan TV. "Nurlan Libre və Xəyalə Ağayevanın apelyasiya şiкayətləri təmin edilməyib". www.meydan.tv (az.). 8 may 2025. İstifadə tarixi: 8 may 2025.
  13. ↑ "Фигурантам «дела Meydan TV» предъявили новые обвинения". Meydan TV (rus). 10 may 2025. 8 avqust 2025 tarixində arxivləşdirilib. İstifadə tarixi: 10 may 2025.
  14. ↑ "Jurnalist Nurlan Librenin həbs müddəti uzadılıb". Meydan TV (az.). 10 may 2025. İstifadə tarixi: 10 may 2025.

  • "Nurlan Gahramanli (Libre)". Profile (az.). «Justice for Journalists». 11 may 2025. İstifadə tarixi: 11 may 2025.
Mənbə — "https://az.wikipedia.org/w/index.php?title=Nurlan_Libre&oldid=8390082"
Informasiya Melumat Axtar