Orxan İbadov

Orxan İbadov yaddaş və beyin təlimləri sahəsində mütəxəssisdir. O, eyni zamanda Dünya Yaddaş Çempionatı çərçivəsində iki qızıl medal və bir dünya rekordunun sahibidir.^[5][6][7][8]

Orxan İbadov 1986-cı ildə Bakıda anadan olmuşdur. Əslən Masallıdandır.^[9] Atası hüquqşünas, anası isə həkimdir. Uşaqlığı Əhmədli qəsəbəsində keçmişdir. İlk təhsilini 171 nömrəli orta məktəbdə almışdır və akademik göstəriciləri ilə fərqlənmişdir.^[10]

15 yaşında Bakı Dövlət Universitetinin Hüquq fakültəsinə qəbul olunmuşdur.

Hüquq sahəsində qısa müddət çalışdıqdan sonra Orxan İbadov internet üzərindən biznes qurmağa başlamışdır. 2014-cü ildə Barselonaya köçərək e-ticarət sahəsində fəaliyyətini davam etdirmişdir.

2017-ci ildə yaddaş sahəsində apardığı araşdırmaları test etmək məqsədilə yaddaş yarışlarına qatılmışdır. İlk yarışında,Türkiyənin İstanbul şəhərində Memoriad 2017: Açıq Yaddaş, Mental Riyaziyyat və Sürətli Oxuma Çempionatında 8 ölkədən 102 beyin idmançısının iştirak etdiyi yarışda qalib olub,qızıl medal qazanmışdır.^[11][12]

Filippinin paytaxtı Manila şəhərində V Filippin Beynəlxalq Açıq Yaddaş Çempionatında 7 ölkənin 70-ə yaxın beyin atletinin iştirak etdiyi turnirdə bürünc medala layiq görülüb. Daha sonra "İkinci Beyin" adlı unikal təlim sistemini yaratmışdır. Bu sistem zehni xaosu aradan qaldırmaq və beynin məhsuldarlığını artırmaq məqsədini daşıyır.^[13][14]

2023-cü ildə Hindistanın Mumbay şəhərində keçirilən Dünya Yaddaş Çempionatında iştirak etmişdir. O, 60 dəqiqə ərzində 3412 rəqəmi sırayla yadda saxlayaraq dünya rekorduna imza atmışdır. Bundan əlavə, 15 dəqiqə Üzlər və Adlar kateqoriyasında da qızıl medal qazanmışdır. Ümumilikdə, çempionatda 2 qızıl, 4 gümüş və 2 bürünc medal əldə etmişdir.^{[15][16][17][18][19][20]}

Orxan İbadovun yaratdığı "İkinci Beyin" sistemi beynin yarımçıqlıqlarını aradan qaldıraraq onun tam potensialını üzə çıxarmağa kömək edir.^[21] Bu sistem şəxsi məhsuldarlıq və yaradıcılığı artırmaq üçün tətbiq olunur.^[22] O,Barselonada fəaliyyət göstərən şirkətlərdə bu sistemi tədris etməyə başlamış və daha sonra Avropanın müxtəlif ölkələrində tanınmış şirkətlərdə təlimlər keçmişdir.^{[23][24][25][26][daha etibarlı mənbə lazımdır]}

Orxan İbadov ilin 8 ayını Barselonada, 4 ayını isə Bakıda keçirir. İngilis, ispan və rus dillərini sərbəst bilir.

• Dünya Yaddaş Çempionatı (2023): İki qızıl medal, bir dünya rekordu.
• Memoriad (2017): İlk beynəlxalq yaddaş yarışında qızıl medal.
• "İkinci Beyin" Sistemi: Yaradıcı potensialı artıran unikal təlim sistemi.