Paris katakombaları (fr. Catacombes de Paris) — Parisin altında yerləşən Roma imperiyası dövrünə aid geniş tunel sistemi. Bu yer “Ölülər şəhəri” də adlanır. Burda olan labirintvari tunellər 800 hektar sahəyə malikdir.[1] XVIII əsrin sonu ilə XIX əsrin ortaları arasında şəhər qəbiristanlıqlarının həddindən artıq dolmasını aradan qaldırmaq üçün təxminən 6 milyon insanın qalıqları burada dəfn edilmişdir.[2] Yeraltı qəbiristanlığın ümumi sahəsi 11.000 m2-dir. Hazırda katakombalar Karnavalet muzeyinin bir hissəsidir və ərazilərinin bir hissəsi ictimaiyyət üçün açıqdır. Hər il katakombaları 500.000-dən çox insan ziyarət edir.[3]
| Paris katakombaları | |
|---|---|
| Catacombes de Paris | |
 | |
| Ölkə | |
| Yerləşir | XIV arondisman |
| Tikilmə tarixi | 1787 |
| Rəsmi sayt | catacombes.paris.fr |
| 48°50′02″ şm. e. 2°19′56″ ş. u. | |
 |
|
 Vikianbarda əlaqəli mediafayllar | |
XVIII əsrin sonlarında Parisdə qəbiristanlıqlar həddindən artıq dolmuşdu. Xüsusilə Les İnnokents qəbiristanlığı çürümüş cəsədlərlə dolu olduğundan, iylər yayılmağa və xəstəliklərə səbəb olmağa başlamışdı. Bu problemin həlli üçün 1786-cı ildə Fransa hökuməti belə bir qərar qəbul etdi ki, şəhərin altındakı köhnə daş karxanaları insan qalıqlarının yerləşdirilməsi üçün istifadə edilsin. Bu böyük köçürmə prosesi 1786-cı ildən 1814-cü ilə qədər davam etdi və təxminən 6 milyondan çox insanın cəsədlərinin qalıqları buraya köçürüldü.[4]
Paris katakombaları təxminən 300 km uzunluğunda yeraltı tunellərdən ibarətdir, lakin yalnız 1.5 km-lik hissəsi turistlər üçün açıqdır.
Burda dərinlik təxminən 20 metr, sistemin ümumi sahəsi isə 11,000 m² təşkil edir. Katakombalara əsas giriş Denfert-Roçereau metrosu yaxınlığındadır. Burada qədim daş karxanaları və insan skeletlərinin maraqlı kompozisiyalarını görmək mümkündür. Bəzi divarlarda dini yazılar və mistik mesajlar həkk olunmuşdur.
Paris katakombaları çoxsaylı qorxulu hekayələr və əfsanələrlə doludur. Ziyarətçilərin bəziləri burada qəribə səslər, pıçıltılar eşitdiklərini bildiriblər. Ən məşhur əfsanələrdən biri Filibert Aspairt adlı bir adamın itməsi ilə bağlıdır. 1793-cü ildə Filibert adlı bir adam burada itmiş və 11 il sonra cəsədi tapılmışdır. Onun skeleti katakombaların dərinliklərində tapılan yeganə insan qalığıdır.
Paris katakombalarının çox hissəsi ictimaiyyət üçün bağlıdır. Bəzən polis bu gizli tədqiqatçıları tutaraq cərimələyir (cərimənin həcmi təxminən 60 avro təşkil edir), amma bu, onların tunelləri araşdırmalarına mane olmur. Hətta bəzi tədqiqatçılar burada gizli teatr və qonaqlıq məkanları tapıblar.
- ↑ Франция. Лингвострановедческий словарь. М.: Интердиалект+ : АМТ. Под ред. Л. Г. Ведениной. 1997. 156. ISBN 5-89520-003-6.
- ↑ "Home -- History -- Site history // The history of the Paris Catacombs starts in the late eighteenth century, when major public health problems tied to the city's cemeteries led to a decision to transfer their contents to an underground site. " (ingilis). www.catacombes.paris.fr. 2018. İstifadə tarixi: 3 avqust 2023.
- ↑ "Огненная чума. Филиппов Б., Ястребицкая А. Европейский мир X-XV вв". foreandming.tumblr.com. 28 avqust 2016 tarixində arxivləşdirilib. İstifadə tarixi: 28 mart 2016.
- Quigley, Christine (2001) Skulls and skeletons: human bone collections and accumulations. McFarland, Jefferson, NC, US. pp. 22–29
- Riordan, Rick (2008) The 39 Clues Book 1: The Maze of Bones. Scholastic Inc. pp. 169–176