Planetar zəncir

Planetar zəncir (ing. Planetary chain) — teosofiya təlimində, bir planetin müxtəlif incəlik dərəcələrindəki maddələrdən ibarət mühitlərinin ardıcıl mərhələlər şəklində bir-birini izləməsini ifadə edən anlayış.

Teosofiyaya görə, Günəş sistemi daxilində ümumilikdə on iki səviyyə mövcuddur, lakin Yer planetar zənciri yalnız yeddi səviyyədən ibarətdir. Teosoflar hesab edirlər ki, bir çox ənənələrdə "yeddi qat səma" simvolu ilə ifadə olunan bu sistem, fiziki mühitdən başlayaraq ən incə — efir mühitinə qədər yüksələn yeddi təbəqədən ibarət olan strukturu göstərir.

Bu yeddi plan aşağıdan yuxarıya doğru belə adlandırılır:

1. Fiziki plan;
2. Efir plan;
3. Astral plan;
4. Mental plan;
5. Kozal (səbəb) plan;
6. Buddhi plan;
7. Atma plan.

Teosofiya təliminə əsasən, insan da bu prinsipə müvafiq formada, fiziki bədənlə ruh arasında yerləşən, get-gedə daha incə hal alan yeddi bədəndən ibarətdir.^[1]