Portal:Azərbaycan mədəniyyəti/Bilirsinizmi/21

…Sənətşünas Ziyadxan Əliyevin apardığı araşdırmalar göstərmişdir ki, Bəhruz Kəngərli "Qaçqın xanım" (şəkildə) rəsmində öz həyat yoldaşını təsvir etmişdir.
…465-ci ildə ağacəri tayfası Qafqazın şimalından Azərbaycana gəlmişdir. Ehtimal edilir ki, ağacərilərin dilləri qərb türkcəsi yox, şaz türkcəsidir. Azərbaycan və Anadolu türk dilləri arasındakı ləhcə fərqləri köhnə ağacəri və ya qacar türk şivəsindən miras qalmış ola bilər.
…Osmanlı səyyahı Övliya Çələbi "Səyahətnamə"sində Dədə Qorqudun məzarının Dərbənddə olduğunu, şirvanlılar tərəfindən ona hörmətlə yanaşıldığını qeyd etmişdir. "Dərbəndnamə"də də Dədə Qorqudun Dərbənddəki məzarı haqqında yazılmışdır.
…Damdabacalar bütün evlərin həyətlərində yaşaya bilər. Ancaq onlar sürü şəklində məscidlərin, köhnə evlərin, dəyirmanların xarabalıqlarında yaşayırlar. Axşamdan sonra həyətə isti su tökülməməlidir. Çünki isti su damdabacaların uşaqlarını yandırır və bu mifik varlıqlar yanmış uşaqlarının intiqamını almağa başlayır.