Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinQövsi Təbrizi nəsli — 2 və ya 3 nəsildən ibarət Qövsilər.
| Qövsi Təbrizi nəsli | |
|---|---|
| Mənşəyi | Təbriz |
| Təbəəliyi | Səfəvilər |
| Mülki fəaliyyəti | şair, sənətkar |
Çoxlu Qövsilərin olması, onların fərqli-fərqli vaxtlarda yaşama ehtimalının ortaya çıxması Həmid Araslının 3 Qövsi olması ilə bağlı mülahizə irəli sürməsinə gətirib çıxarmışdır. Onlar ata, oğul və nəvə olaraq eyni nəslə mənsublar. Həmid Araslı bu iddasını "Rövzətül-cinan" təzkirəsindən götürdüyü bir fakta əsaslandırır. "Rövzətül-cinan"da iki Qövsi — ata İsmayıl Qövsi Təbrizi və oğul Əlican Qövsi Təbrizi qeyd edilir. Həmid Araslı isə üçüncü bir Qövsinin olduğunu iddia edir. Ancaq bu sübut edilə bilmədiyindən sadəcə olaraq, ehtimal olaraq qalır.[1]
Qövsi ailəsi Təbrizli sənətkar ailəsidir. Təxəllüsləri olan "qövs" göy üzündəki bir bürcdür və digər bürclərin ətrafında fırlanmır. Bu təxəllüsün seçilməsi yəqin onunla əlaqədar idi ki, bu ailənin şairləri digər şairlərin (bürclərin) ətrafında fırlanmırdılar, onların sənət süfrəsinə göz qoymurdular.[2]
- Qövsi (ata). Həmid Araslı tərəfindən ehtimal olaraq irəli sürülmüşdür.[1] Şairdir.[2]
- İsmayıl Qövsi (oğul). Qövsi Təbrizinin atasıdır. "Rövzətül-cinan" təzkirəsinsə qeyd edilmişdir.[1] O, həm şair idi, həm də ağacdan qaşıq və yay hazırlayan sənətkar idi. Bir müddət Hindistanda yaşamış, azərbaycan və fars dilində şeirlər yazmışdır.[2]
- Əlican Qövsi Təbrizi (nəvə). Şeirləri dövrümüzə gəlib çıxan, nəvə Qövsidir. XVII əsrin II rübündə, Təbrizdə doğulmuşdur.[1]
- ↑ 1 2 3 4 Babayev, 2018. səh. 666-667
- ↑ 1 2 3 Səfərli, Yusifli, 2008. səh. 615-616
- Y. M. Babayev. Azərbaycan ədəbiyyatı tarixi (XIII–XVIII əsrlər). Dərslik. Təkrar nəşr. Bakı, "Elm və təhsil", 2018, 760 səh.
- Ə. Səfərli, X. Yusifli. "Azərbaycan ədəbiyyatı tarixi (qədim və orta əsrlər)", Bakı, "Ozan", 2008, 696 səh.